Moddganv: Moddganv Ravindra Bhavanant “Osmitayechol Dis” vhodda dobajean monoilo. “Gõychi asmitai rakhun dovorpachi asot zalear tachi survat hi dor eka Gõykaran khasa aplea pasun survat korchi poddteli. Gõychi asmitai ani sonvskruti hinch ghorkaranchi khori vollokh zaun asa,” oxea utramni Gõycho Mukhel Montri Digamber Kamatan “Gõychea Asmitai  Disa” ulo marlo.
Ho dobazo Ravindra Bhavan Moddganv, Directorate of Art & Culture ani B. B. Borkar Centenary Celebration Committee-in sangatan monoilo.  Hea dobajea vellar Akhil Bhartiya Kovi Sommelon ani porison’vad-ui ghoddun  haddlo.
 Somazacho sonvskrutik dorzo hea somazant varupi xrojon’xil (creative) mon’xam’ voilean kollta. Gõyche zomnintli kovita hich khori osmitai zaun asa. Tednam Bakibaba sarkea kovimni aple kovitentlean somaz zagrutay keli. Taka lagun Gõyan ‘Opinion Poll’ jikhlo. Taka lagun ek ugddas mhunn dor eka Gõykaran ho dis monovpak zai, oxem Xri Datta Naikan sanglem. Ravindra Bhavancho Up-Odheox Shridar Kamat hannim yeukar diun 16 Janer, 1967 (‘Opinion Poll’ disa) amkam dor eka Gõykarak kherit dis oxem sanglem. Karyavollichem sutr-son’chalon Xri Anant Agnin kelem.