Assam: Bharoti Katolk Bispanchea Mondollacho  (CBCI)  Odheokx zaunk Mumboichea Kardial Oswald Gracias vinchun kaddla  ani Syro-Malankara Igorjecho Vhoddil Major Arsebisp Moran Mar Baselios Clemis Thottunkal-ak Up-odheokx mhonn nivddun kaddla. Uprant KardialOswald-an ulovp kelem ani Bharotantli  Igorz sogllea dhormanchea lokachi seva korta, tori astana ti aplenchg polleta mhonn somoz vosta mhonn tannem sanglem.
 Novi zababdari hatant gheun heram Bispam sangata ami Povitr Sobhek urbebhorit korunk zai ani desachea jinsanvar vixoyancher lokx oddunk zai, oxem Kardialan sanglem. Novea Odhokxa mukhar anikui vavr asa to Bharotantlea tinui Ritinchea Bispanchea sohokaran odik porjechi bori seva korunk mhonnlem. Katolk Bispanche Mondoll Bharotantle Povitr Sobhechem mukhamoll mhonn maneo korpa khatir proytn chalu asat mhonnlem. Juanv Paul II Pap Saib Bharotant ail’lo tedna tannem herui ritinchea Igorzanchea bispanchim mondollam  asunk maneotay dilea. 1987 vorsa thavn to-i tantun vavurta mhonn Kardialan sanglem.
Bharoti Katolk Bispanchem Mondoll (CBCI)  sonvsarant sogllea poros vhodd. Tache 200 voir vangddi asat, tanchemodem  30 Arsebisp ani 125 bisp asat.
CBCI-che nove fuddari desachea sorkara som’bondh zoddun desant upraslole sabar raxttrik proxn je adim suttave korunk kotthin poristhitin asle te atam suttave korunk xoktole mhonn novo bhorvanso asa, oxem Kardial Graciasan sanglem.