Thoddoch kall zalo  hi khobor mhojea kanar ghalea; ti aikun sarkoch kanttallo ailo. Kalangutt aiz kal cholta tem ami adim kednach polleunk naslem nhoi mhonn aikunk-ui naslem. Ratchea vellar nach zatat, thoim soro piyetat ani vikallim okdam khatat ani khainant mhonn konnachean khatri dium yeta?  Thoim cholta tem pollelear  amchea tornatteanchem jivit ibadd zait veta. Moriadi bhailim kortubam vaddot asat. Konn nachtat, konn konnacheai kopantlem piyetat, konn konnak hat layta ani kitem kortat tem gunvlichea vellar kainch somzona. Pulisecho mhonn koslo guneanv korum yeta. Pulisen fokot zogddim maramari zaina zavpak upay gheunk mhonn goddyek amchea babuncho hokum asa  zatolo.  Poryottonnachea nanvan movjeche khell kortat tankam xim ani mer na. Kuddicho dhondo Goyant fulot veta. Goychea sonvskrutay padd zait veta. Hacher amche Mukhel Montrean ani her montreamni ekmotan vavrunk zai aslem. Tankam zai teo vostu ani kamam te korun ghetat ani hench kityak zaina. Zabab ekuch asa, fokot yennavoll, he yennavollintle ordho vantto konnachea bolsant veta zait? Hem konn konn nokllo ?