Bharotant bhroxttachara add zhuzpachem jivit chodd sonkoxttachem.   J N Jayashree  eka sorkari odhikarea kodde logn zali. Tannem aplem jivit bhroxttachara add zhogddun sarlem. Sorkari khateamni fottingponnam ani lonch ghevop choltalem tacher to zhuztalo. Tem Kavitha Rao-k sangta koxe porim tem jedna aplea ghorkarache surokxe khatir bhiyetalem  tednam tannem ek 'blog' suru  korpachem tharailem aplea ghorkarak samballpak ani bhroxttachara add chollvolleche daklle toyar korpak laglem.
J N Jayashree 'blog' korta ani broxttachara add zogoddpak herancho adar gheta. Tem mhonnta, "Hanv Banglorant Karnatakache rajdhanint ravtam. Bharotantlem hem chovtem chodd bhroxtt raj mhonn dakoun dilam. Transparency Internationalan Mhozo ghorkar, M N Vijayakumar zaun aslo ek odhikari Karnataka yevzonnecho.
Indian Administrative Service (IAT) fattlea 26 vorsank, tachea vavrant tannem bhroxttachara add zogoddpacho proitn kelo punn kainch yes ailem na. Fattlea don oddez vorsank tannem dil'lea riportam koddenui durlokx zalam ani dusre vatten bhroxttachar vaddot veta.
Mhojea ghorkarachi kitlech pavtti bodli kelea. Ek pautt  upegant naslole komponint  koslench karann dinastana dhaddlo. Gelea vorsa tannem ek krantikari pod'dot  Right to Information Act suru keli, tache vorvim bhousachean sorkari faileo polleupak sondhi mellta. Hi pod'dot  suru zaupak don dis asat mhunnlear tachi bodli keli. Tannem Mukhel Sekretara add tokrar keli to sorkari unchlo mukheli odhikari. Hi tokrar Lok Ayukta mukhar dovorli. Tedna thavn amkam kitleoch dhomkeo yevpak lagleat. Eke rati konn eklo amchea ghora ailo ani sangunk laglo ki amcho put (zo universitin xikta) to duent asa ami tachea vangdda vegim yeunchem mhonn. Taka khobor nasli amcho put tea vellar ghorant nidlolo aslo mhonn. Halinch ek onvollkhi yevn mhaka sangpak laglo ki mhoji hi chollvoll bond kor nator mhoje familik piddapidd ditole mhonn  dhomki divun gelo. Ami kitleoch tokrari pulise kodden keleat punn tancher tannim durlokx kelam.
Gelea vorsa Mayachea mhoineant hanvem blog boroupak survat keli. Mhaka mhojea ghora  Shanmugam Manjunath ani Satyendranath Dubey hannim kelam toxem zal'lem naka (hea dogui mon'xanche khun zaleat; tannim sorkari bhroxttachar ugto kelo. Choddxe bhroxttachara add  vavurpi konnakuch kainch sangonant. Mhaka dislem mhojea ghorkarak koxe tratar kortat tem lokak gomlear borem mhonn. Bhroxttachar  mhonnlear sodanch motto  proxn, punn sorkari odhikari rajkornneacho sangata ghevn  tem fuddem vhortat, nopoit  korpacho kosloch proitn korinant. Te apon  lonch ghenant torui dusre ghetat tancher dollo add kortat. Sod'deak tori je konn sorkara add sangtat tankam koslich rakhonn na. 2005 vorsa Manjunathacho khun zalea uprant Kendr sorkaran rajya sorkarak ek mondoll sthapunk sanglem. Bhroxttachara add avaz kortoleank  surokxa  divpa khatir ponn Karnatakacho  sorkaran azunui ek somiti vinchun kaddunk na.
Hanvem ani mhojea ghorkaran sorkarachi bodleo korpa viximchea dhoronnacher, toxench kosle upai ghetleat te bhroxttachara vixim ani surokxa diupa vixim RTI hache khal mahiti magun sumar 35 orjeo keleat. Hi susegad pod'dot punn amkam thoddi bhou mahiti mellpak laglea. Jem hanv kitem kortam tem hanv mhojea 'blog'-antlean lokak kollit kortam. Konnakui hacho forok poddta zalear tanchean amkam adhar korum yeta. Tumkam amcho yevkar.  Zankam RTI khal orzo dhaddpacheo aslear tankam hanv adar ditam. Ami lokacho bhar unno korunk sodtanv; rajyachea rajpalan   hacher karvay korpak amkam azun poryan sorkaracho adar mellunk na punn loka koddlean matr bhorpur mell'la. Amkam akho sonvsarbhor borem magta. Kaim zann Amerikeche ani UK-che asat.