Halinchea kallar soglleakuch bhroxttachar cholta. 2010 vorsa 'Transparency International'-an sonvsarantlea 178 desamni choltolea bhroxttachara vixim polleunni keli ani he des kitle promannik ani kitle bhroxttacharant asat tem thavem zalem. Tednam Bharotachem nanv 87vea panvddear ailem. Toxench Albania, Jamaica ani Liberia des Bharotach sarke asat mhonn gomlem. 2009 vorsa bhroxttachari kamant amcho des 84vea panvddear aslo mhonntat.
Amchea desant lonch ghevop, dusreank fottovop, naddop, bekaidexirponnan lokacheo zomni tabeant korop hem sogllem vaddot veta. Rajki fuddari, 'bureaucrats' ani pulis odhikari osle dhanvddent guspoleat. Hem nhoich sorkari mon'xam thaim bogor khasgi vibhagamni poryan atam osleo banngoddeo zaunk lagleat. Bharotache svotontrtaye uprant, duddvancheo banngoddeo zal'leo teo sumar 74 lakh krutt rupiancheo asleot.
2G ani Common Wealth Games haka dhorun 2010 voros banngoddyanchench koxem zalem. Hea kallant bhroxttachara vixim lokache nodrent koslo tori bodol zala kai? GfK Mode hannim Outlook-CNN-IBN nanvim lokmot ghetlolea pormannem ath xaramni bhroxttachar ghott riglolo asa. Ho ek fikir gheupacho gombhir proxn ubho zala. Itlo marekar ho proxn ki akantvada poros chodd bhirankull zala.
Oxem zalam mhonn vhoddlem ojeap nhoi; amche 66% rajkoronnantle monis bhroxttacharant asat. Tanche uprant 'bureaucrats' 14% ani pulis 7%. Kongres pokx sogllea poros odik sotevont asun sabar vhoddlea bhroxttacharachea banngoddeancheo tokrareo pollelear ho-i pokx bhroxttacharant buddlolo dista. Polleunni kelea tanche poros chodd mhonn sangtat. Khoinchoch pokx oslea vaitta mekllo na.
Desant bhroxttachara vixim itlo husko zala torui astana bhroxttacharacher karvay korvache upay gheunk na mhonn 74% mandun ghetat. Lonch magtat tednam ti dina zaunk upay gheunk na mhonn 56% zannamni maneo kelam.
Hea vorsa Janerache 8ver tem 10ver meren Ahmedabad, Bengllur, Chennai, Delhi, Hyderabad, Kolkota, Lucknow ani Mumboi hea xarantlea 1,633 vaddlolea loka kodde, (tantlea 1037 dadleamni ani 596 bailamni) mulakhat ghetloli tednam zabab dile.
Kedna tori odhikareak bhroxttacharachi tokrar keleai?
Na 74; Hoi 18
Bhroxttacharachim kortubam ugtim korunk RTI-cho adar ghetlai?
Na 85; Hoi 15
Khasgi kompone vo tache sevent bhroxttacharak fuddo kela
Na 64; Hoi 36
Bhroxttacharant aslole montri ani odhikari rajinamo ditoch meklle zalexem dista?
Hoi 69; Na 31
Bhroxttacharacho vixoy tumchea monant dhorun tumi motdan kortat?
Hoi 80; Na 20
Bharotant bhroxttachara add kaide favo title koddok asat?
Hoi 76; Na 24
Lonch divpa-ghevpa vorvim sogllem borem choltolem ani desachi udorgot zaunk faideachem zatolem?
Hoi 22; Na 78
Desant sudarop zait zalear bhroxttachar unno zatolo? Bhroxttachar fokot duddvanche vatten zaum yeta?
Hoi 65; Na 35
Bhroxttachara add veg-veglle riport asat. Tanche vixim tumi husko dakhoitat?
Hoi 55; Na 40
Divallek, novea vorsak, holik, bokxis divpacho broxttacharacho vantto?
Na 18; Hoi 82
Bailam-dadleam modem bhroxttacharant konn chodd asat?
50- Dadle, 6- bailô, 44- dogaim eksarkhim bhroxttacharant asat. Na 61; Hoi 39
Khoimche vevsayent chodd bhroxttachar cholta?
66- Rajki panvddear; 14- sorkari odhikari;
Khoimche rajki pokx bhroxttacharache gulam' zaleat?
32- Kongres; 8- BJP; 5- Aghaddi pokx;
Bharotant khoincho vatthar odik promannan bhroxttacharant asa.
39- Bimaru rajeam; 36- Ut'tor Bharot, 18- Dokxinn Bharot;
Khoincho somaz odik bhroxttacharant poddunk xokta.
60- chodd girest aslolim; 43 sumarachim girest; 32- modlea vorgantlim;
Kedna tori koslea-i karonnak lagun lonch dileai?
Hoi 39; Na 61. Kiteak zaitim karonnam asat:
65% Sorkari odhikaream koddchean vegim kamam korunk
24% kaidea bhair kel'lem kam' lipounk; 23 Aplem kam' poilem korunk
Kitle duddu lonch koxe dileai?
59% - 500 rupyam poros unne; 23 - 500-1000;
11- 1 hozar- 5 hozar meren;
95% lokak nitisobhek odik zababdari kel'le zai.
Bhroxttachara vixim Prodhan Montrichi vagnnuk tuka koxi lagta?
32 Soglleant osontoxi,
25 thoddeant osontoxi,
31 thoddeant sontoxi
Bhroxttachar hatallpak khoincho pokx boro?
52 khoinchoch boro nhoi,
25 BJP, 12 Kongres
59% Somazan lonch diunk manyotai asa mhonn somzotat.
Vhodd vhodd dhondekarank khasdar ani sonsodechea pongddamni bhitor gheum yeta?
Hoi 34; Na 66
Halinch mukhel nitidaram soit unchlea nitidarancher arop poddlolean nitisobhechi protima bigoddlea?
Hoi 62; Na 18 ani 20 tharaunk na
Kexi choloitolea nitidarak lonch dium yeta?
Hoi 53; Na 47
Halinchea kallar desantli potrkar broxttacharant poddunk xokotai asa?
Hoi 87 ani 13. |
