Bharotant Jezuchi xikovnn porgott zata ti, nhoi aichea kalchi ponn don hozar odik vorsanchi.  St Tome apostlan porgottloli tich xikovnn, tantunt novem ani vegllem kainch na, dusreanchi seva korpachi, durbollank, nennareank  voir kaddpachi, tanchem sudarop korun, apleach payancher ube ravunk xoktivont  zavpachi.
Ponn atam oxem sudarop zavop mhonnlear vhoddleank zai toxem korunk mellchem na mhonn durbollank ani nennarank toxinch xennant dovorlear  borem mhonn zamindar zannot.
Hakach lagun misanvamni adhivaxi lokak borem kortolea misionarank piddapidd ditat, martat, khun kortat.  Zaitea ganvamni igorzo moddun uddoitat, ulpaitat.
He dusman Kristanvponn somptolem mhonn somzotat. Ponn toxem zaunchem na mhonn sarkem disun yeta. Eke suvater  piddapidd cholta dusre suvater Kristanvponnachi vadd zata. Dev aplem kam' choloita.
Dev khuincheach dhormacher add zhuzunk mon'xank  formaina. Monis kurddeponnan bhorla ani bhorta. Dhormvadeank aplea dhormachem poddlam mhonn nhoi vo te aplo dhorm rakhtat mhonn nhoi, ponn tankam aplem boll oskot zait mhonn bhirant asa. Misionaranchea vavrak  lagun adivaxi ani dalit lok Kristanvanchea he kam' koxem sodum yeta?.