Gõyche Vidhan Sobhecheo venchnnuko zatoleo, tanchi toyari suru zali. He pavtt tori nove amdar nivddun yetole kay vo tech monis ani tinch kortubam zatolim kay? Bhroxttachar vaddta to hangasor suru zata. Duddu vanttun motam ghetat. Hem bond zaunchem aslem. Anna Hazarechea mona pormannem venchnnukamni bodol zaunk zay. Dor pavtti toch amdar venchnnukank ubo ravlear, taka nakarunk ani boro monis ubo korunk motdarank xokti asunk zay. 40 amdar nove ailear borem zait aslem. Adle asat tannem khuxemonan fattim sorun noveank ani xikloleank Vidhan Sobhen bhitor sorunk soeg diuncho. Faido nastana konn tori Vidhan Sobhent vochunk sodtole asle? Sorkari pogara poros tankam odik khasgi mon'xam koddlean kruttamni poixe melltat. Hich zalea ti axa.
|
