KERALA: Adlo Bharoti Futtbol khellgoddi Hamilton Bobby Dezembrache 10ver kallzacho atak zaun Kerala ontorlo. Tachi piray 44 vorsam asli. Benkint adari karbhari  aslo. Thoim okosmat atak yeun soiranna bhair  poddlo tedna taka hospitalant vhelo punn tacho jiv vattounk zalem na. Khellam mollar tannem zaitem yogdan dilam. Tamil Naduk don pautti Santosh Trophy-k pongddacho kopit ani 1993-2000 hea kalla modem 7 pautti rajea khatir khell'lo. Toxench raxttrik mollar under 16 ani under 23 khellamni bhag ghetlo. Colombo-chea Presidents Cup pongoddacho to vangddi aslo. Bobby, adlo ontor'raxttrik khellgoddi Xavier Pius hacho  nimanno bhav. Dezembrache 11ver, Aitara dis Chullikkal  St.  Joseph Igorjent tachea mornna viday zali. Adlo futtbol khellgoddi Ashok Kumar ani I M Vijayan ani heramni Bobby-k xrod'dhanjoli ompli.