EUROP : Veg vegllea dhormant, sogllea poros khoimcho dhorm odik khuxal hacher obheas zalo. Tedna Kristanv dhormacho lok odik sukhi asa mhonn kollun ailam. European social surveyan (ESS 2002/2003, 2004, ani 2005 hea vorsamni kel'lea obheasantlean ho sod kela. Veg-vegllea 24 desantlea 114,019 zannacher ho obheas zalo. Hantunt tache ling, piray, yennavoll, bholaiki lognik sombond, kitlim bhurgim asat ani tanchem xikxonn hea soglleachi mahiti ESS-N ghetli. Zo konn dhormant asa te monis odik sukhi mhonntat. Protestants, her Kristanv dhorm ani Romi Katolkam soglleant odik khuxal mhonn riport sangta.
|
