Ragan bhorloleo hokllo dotichi poddot zoddpitat. Somazant asloleo thoddeo porampora togovn dovorpacheo nhoi, tantli ek mhonnlear dot divpachem. Dotik lagun kazareanchem jivit koddu zata ani mornnam legun zaunk pavtat, odik korun durboll loka modem osli poristhiti zata. Hem monant dhorun internetar website shaadi.com hacher ek game kelea taka 'angry bride' nanv dilam. Hantun dotiche axechea nhovreank heo hoklo boro zoddko ditat.
Hoch khell faceboolacherui asa, tantun sumar 2,72 lakh avoddla shaadi.com hacher kazarachi vollokh ditat, kazar mogachi ghoddnni mhonn zoim ekvott, somjikay, moipas hi kuttumbachim moliam vostat ani nhoi dotichi axa, oxem spoxtt kortat. Hacho hetu mhonnlear dot nakarunk somazant zagrutay haddunk. Doticho Bharotant motto  gombhir proxn.
Dotik lagun 2010 vorsant 8,391 bailo meleat. Oslim 44% mornnam tanchea ghovank ani ghorcheank lagun zalean mhonn gomun ailam.