PONNJE: Romi Lipi Kruti Songhotnnen sorkarak koddok magnni kelea ani xikpeank Romi Lipin Konknni xikunk suvidha dinvchi mhonn maglam. Xikxonnachi nove policy pormannem xikpeank Romi Lipintlean Konknni xikunk divnk zai mhonn potrkarank RLAF hannim nivedon dilam ani oxem korpacho atam vell pavla mhonnlam. Lipink lagun Gõychea don somudayam modem visvas tuttla, to porun bandun haddunk zai. Panch lakh Gõykarnachi magnni kanar dhorun amchea bhurgeank Konknni bhaxe thaim lagim haddunk hem ek panvol mhonn nivedonan mhonnlam.Konknni bhaxechi avodd ganv-ghora toxench sonvsarant vistarunk vavurtole. Gõychea donui somudayam modem visvas ibadd zala to portun jivo korpachi chodd goroz asa, jem vaitt zalam tem sorkaran hi sondhi ghevn tem anink zaina zavnk ani Gõykarancho visvas zoddun ghevnk vavurchem mhonn sanglam.