NOVI DELHI: Halinch Bharotantlea Lovkikancho don dis Sinod zalo, taka Uttor Bharotantlea 15 diosezinche 100 protinidhi hajir asle. Dusre Vatikani Sobhechea ani Igorjechea Kaidea xastrachea margdorxonnacher adharun Igorjent lovkikanchea karyacher zaiti bhasabhas keli ani kaim mhotvacheo suchovvno keleot. Hea suchonneam modem sinodan kaim lovkikank prodhan-sevokachi makhnni divnchi goroz ugtaili. Prodhan-sevokanchean Batizm divnk, Kazaracher axirvad ghalunk, mornna riti korunk zatolem mhonn sanglem. Toxench firgoz sobhamni lovkikanchi akarnni korunk, arthik somiti cholovnk , firgojechea kamant tharave ghevnk lovkikank odhikar dinvcho mhonn maglem. Vaikani Dusre Sobhek hea vorsa 50 vorsam bhortat, tea nimtan he Sobhechi xikovnn firgozamni chalik lavnchi mhonn Akhil Bharotya Katolk Ekvottachea up odheokx Eugene Gonsalvesan sanglem.