| "Amchim kallzam monam ugtim Povitr Atmeak?" |
|
Vienacho Arsebisp Kardial C. Schonborn Pap Saib zait mhonn gozal choltali. Ponn toch aplea kallzantlo ek gutt ugoddta ani Francis Pap Saiba vhoir uloita: Hanvem don khunna dekhleo ani Kardial Bergoglio Pap Saib zatolo mhonn mhaka thavem zalem. Kardial Bergogliochi konnuch gozal korinaslo, ponn tacher Povitr Atmeacho xik'ko aslo. Hi kovtik gozal aikat. Pap Saibak vinchun kaddunk Konklav bhorchea adim Povitr Atmeacho uzvadd magun kherit Mis bhettoilem. Tedna Kardial Schonborn bhair sorlo ani tache ollkhichem ek zoddem taka bhettlim. Tannem tankam oso vichar kelo: Tumche thaim Povitr Atmeachi kurpa asa. Sangat mhaka konn Pap Saib zatolo" Te ostoren rokddench mhojea kanant funklem "BERGOGLIO'.Kardial Saib mhonntta: Utram tichim mhojea kallzant romblim.Povitr Atmeachem asnnem thoim hanvem dekhlem.Tichi profesi khori zali.
Halinch Mayache 15ver Francis Pap Saiban 40 minut aplea dhanvterean Vatikanant loka modem bhonvtana eka bhonvddekaran tachea hatant don parve dile. Pap Saiban tancher axirvad ghalo. Ek parvo uddlo ani dusro Pap Saibachea hataruch bosun ravlo. Teach disa Papa Saiban Povitr Atmea vhoir ek moladik xikounn dili. Tannem xikoilem: Povitr Atmeache kurpen Povitr Sobhek ani amkam zonn ekleak SOT kitem tem kollta. Jezun apleam xisank sanglolem (Jn16:13). Deva sombondim sot ugddapem korta to Atmo yetolo tedna, tumkam purn sotache vatten choloitolo. Aichea kallar sota vhoir dubhav ghaltat, ghondoll rochtat" Sot khorench asa? Sot mhonnllear kitem?Tem amkam thavem zata?
Jezun Pilatak mhonnllem:Heach pasot Hanv zolmolam, Hanv sonvsarant ailam: Sotak govai diunk. Pilatan tedna vichar kelo" Sot mhonnlear kitem? ani cholun to bhair gelo. Jezucho zabab aikunk to ravlonam. Bongum tachem! Pilatak thavem zaunk na ki Jivem Sot tache mukhar asa, Jezucher dolle ghalun sotachem mukhamoll taka dislem nam. Konn amkam xikoita Jezu sasnnachea Bapacho Put toch ek Jivem Sot. St. Paulu mhonntta (I Kor.12.3) "Povitr Atmeachea prerona vinnem konnachean "Jezu Somi" oxem ucharunk zaina. Fuddem Pap Saib mhonntta;" Jezu Povitr Atmeak Xaroti mhonn pacharta (ek vokil, askari vo ghottai dinar)"Bap mhoje nanvan dhaddtolo to Xaroti mhonnge Povitr Atmo tumkam sogllem xikoitolo ani Hanvem sanglam tem sogllem tumchea monant haddtolo" Ek vichar aminch amkam korunk goroz:" Povitr Atmeachea uleak kallzam amchim ugtim asat? Povitr Atmeak ulo korun mhojem mon uzvaddai mhonn magatam? Devachea uleak kalliz mhojem ugtem asa?
Xevottak Francis Papa Saib oxem sompoita: Hem asa magnnem ami sodanch korchi goroz "'Povitr Atmea kalliz mhojem Devachea Utrak ugtem kor. Sodankal borem tench korunk xikoi. Dor disa Devan rochloleo nazuk vostunk kalliz mhojem toyar dovor" Atam ek vichar oxem Pap Saib mhonntta:"Tumche modem kitle zann Povitr Atmeak dispottim magnnem kortat. Mhaka dista bhov thodde. Hi asa Somiachi khuxi: Dor disa kallzam amchim Jezuchea Utrak ugtim dovrunk Jezuk ulo korat. Xevottak thoim hajir aslolea Indiechea lokak noman dilo ani oxe aple anvdde dakhoile:" Povitr Atmeache porbe somoyar tumkam zonn ekleak zannvai, khuxakai ani xanti Povitr Atmean diunk magtam". |
| UBALDO | VIP |
|
| Sorkar korina..Salman korta! |
|
| UBALDO | VIP |
 |
Amchea desant kaim prantamni mottoch udkacho dukoll asa, dekhun xetkari lokache motte allaval zatat.Vhoddlim rinnam te kaddtat, char poixe komaitole mhonn axetat, ponn omtea kollxar udok. Rinnanchem ozon tanchea mathear, sarkhech te chepleat, savkar tankam pilltat ani dusro upay na zaun te atmghat kortat. 2011 vorsa akhea Bharotant 14 hozar odik xetkareamni aplo atmghat kelo mhonn aikunk khontichi gozal.
Tea mukhar tancheo vidva bailô ani bhurgim anink konixttaiyek sampoddtat.Maharashtra-chea zil'leant Bundelkhand ani Vidharbant udkachi vhodd tutt asa ani xetkareanchi got zobor churchureanchi zata. Dubhav na, Sorkari babu avaz boroch kortat, ponn xetakareank faideak poddtolem bhov kellem thoddem dista.
Az khuxechi gozal mhonnxi Maharashtrantlea lokache vollvolle polleun ek 'BODDVO' tankam Devan dhaddla. Hoi, hoi Bollywoodantlo hero bab Salman Khan khub tankam churchurla ani tanche khatir kitem tori korunk tannem ek borem panvl marlam. "Being Human" oslea nanvachi ek sonvstha ghoddun haddlea ani Marathwaddantlea 2,500 ganvamni udok sugur korpachi vevostha korunk to kobul zala. Salman bab xetakari lok atmghat kortat mhonn aikun zobor viakull zala ani tanche khatir kitem tori faideachem korunk to axela. Hea xetakaream khatir Mukhel Montreache kocherintlea babunk legun ho aplo anvddo tannem ugoddla. Hea proxna voir barik-sarik obheas kortoch, vorsak sov mhoine udok mellta mhonnta thavem zata.
Tea-tea zagear favo to pavsui poddta. Ponn ogllem udok samballun dovrunk tanche laghim upay asona.Atam tannim ek bhes bori yevzonn sodun kaddlea. Udkacheo tankyo gheun pavsa adim lokak vanttunk.Tache "BEING HUMAN" sonvsthen 2500 udkacheo tankyo toyar keleat mhonn khobor asa. Dor tankient don hozar litranchem udok samballunk vevostha asa.
Salman babucho bapui Salim khan oxem sangta Maharashtrant udkacho dukoll asa ti ek motti khontich gozal. Panvelchea kheddea ganvant amchem ek kullaghorant ghor (farm house) asa. Thoim amkaim udok mellonam. Sorkar kortolo mhonn ravlear ami thoinch xirkun urteleanv.
Teach khatir veg-vegim khas ami kitem tori upay gheunk goroz, hi yevzonn fuddem vhorunk. Bollywoodantle kolakar vhodd kruttpoti astat, ponn bhov thodde pavtti tankam dublleanche vollvolle distat.
Salman babu thaim ho gunn disla. Ek pavtt pois ganvant ravtoleam bhurgeam khatir tannem saikoli gheun dileo, piddevont loka khatir tannem voizanchem kemp ghoddun haddlem. Atam heam xetkaream khatir tannem tankyo ghetleat ani zaitea lokak teo vanttleat.
Dakttulem panvl hem, tachem durbollanchea mukhamollar ek hanso haddtolem. Mogan mog vaddta. Salaman baban ek uzvaddachi divlli pettoili, somestank utsavik vatt dakhoili. Amchea desant duddvankar zaite asat. Tanchem-i mon uzvaddchem. Aple hat soddun tannim-i thoddem bhov tori gorjevontank diunchem.
|
|
|
| Xanti, visov, suseg...konn amkam ditolo? |
|
| UBALDO | VIP |
 |
Lhanxich kotha. Akho dis votachea bharar cholon-cholon to sarkoch thokon poddlolo. Dis darer pavot ail'lo ani kallok zatalo. Eka zongllant to pavlo. Atam add poddun visov gheuncho mhonn chintun boslo. Ek boroso fator taka dislo.
Aplo dan....
|
|
|
| Mon'xall kalliz apxinch kallzam jikta! |
|
| UBALDO | VIP |
 |
Amche modem ozun ek nazuk sonvoim asa. Lhan bhurgim eka padrik polletoch apxinch lagim sorun tacho axirvad magtat. Jezuchea kallar oxench ghoddtalem; avoyeo aplea supurleank Jezun axirvad diunche khatir tachea fuddeant haddtalim. Zait Somi ....
|
|
|
| Maim amchi… amkam apoita, vengoita |
|
| UBALDO | VIP |
 |
Zai! Zai! Amkam soglleank ek Maim zai. Sodanch vengoitoli, mogan bhortoli, aplea gopant dhortoli. Nov mhoine avoichea kusveant sarlea uprant, ek monis zolmota. Dekhun dor mon'xache sombondh aple avoi thaim chodd oprubh astat. Kitloi to zant....
|
|
|
| Tachem Viman Foddlem...Oprubh Apovnnem Zoddlem |
|
| UBALDO | VIP |
 |
Hi 30 vorsam fattli gozal. New York xarantle eke igorjent gonvlliki seva kortaleanv. Tech Igorjent Fr. Jim ho zantto padri ravtalo. Khup monvall-mon’xall, kednaim to amkam bhair jevnnak vhortalo ani zaiteo gomoticheo gozali sangtalo. Ek....
|
|
|
| Ostoreanche paim dule... khup zann tottakle Ubaldo |
|
| UBALDO |
 |
Francis Pap Saiban dogam ostoreanche paim dhule tem polleun zaite thottakle. Hem koxem korum yeta? oxem zaiteamni mhonnlem. Adlea Pap Saibamni ostoreanche paim dhuvunk nasle. Jezun tor apleam 12 xisanche paim dhul’le, te dadlech asle. Ka....
|
|
|
| Tem melltoch ..khuxalkayen taka vengent gheta! |
|
| UBALDO |
Avchit konn eklo vhoddlea odruxttak sampoddta, tufanak xirkota, niraxi zaun tacho bhavart vhanvun veta. Ek tornno bhurgo lhanponninch bapain taka soddlo, aple avoik to chittkun aslo. Tika pidda zaun rokddich ti ontorli. To cholo mhonnt....
|
|
|
| "BERGOGLIO STYLE"–somestank to khuxen bhorta |
|
| UBALDO |
"Francis" ami novea Pap Saibak nivddun kaddtanch, tannem apunn ek sadho - chalto amcho bhav mhonn dakhoun dilem. Mogan tannem amkam vengoile. Aplo hat ditana to platformar vhoir ubho ravunkna zoxi Pap Saibanchi sonvoim asli, to mud'dom ....
|
|
|
| Tem melltoch ..khuxalkayen taka vengent gheta! |
|
| UBALDO |
 |
Hi ek supurli kotha , ami ti aikolea zait. Ek bapui aplem vortomanpotr vachunk sodtalo, ponn tachi lhan xi dhu ekdomunch taka bejar kortali.Tachea hatant ek kagod aslem, tacher sonsvsaracho nokaso chitarlolom.
Tannem tem fatta-fatt pinz....
|
|
|
Page
1, 2, 3, 4, 5, 6, 7, 8, 9, 10, 11
|
RSS
