|
|
|
|
|
 |
| |
::Liplelim -Sanddlelim Mannkam Motiam :: |
| Mogan poddun logn zal'lem, Koxem tem goddgoddlem? |
|
Shweta Tiwari bai, Mumboint Kristi kolejint xiklelem. TV-cher , “Kasauti Zindagi Kay”, Star Plusachea karyavollint tannem nanv zoddlem. 'PRERNA-chem svong bhesborem kelem. Uparant Bhojpuri cholchitrant Raja Choudury borobor bhag ghetlo. Thoim mogan poddun logn zalim. Uprant Bai Shweta aplea lognachi kotha sangta:Mogan zal'lem logn moddunk chodd koddu. Punn vell yeta, dusro rosto na dista. Oxench mhakai ghoddlem. Raja lagim logn zalim, punn don vorsamnich amche modem vankddeponn zalem. To mhaka fottoita mhonn gomlem. To mhaka okmanaunk ani marunk laglo. Hanv khontin buddlim. Punn taka bogsunk hanvem proytn kele. Apunn visvaxi zatolo mhunn Rajan bhasailem, ani mafi magli. Punn hi bhasavnni tannem rokddich moddli. Porot ovisvaxi zalo. Devan amkam ek bai Palak dilem.Tache hujir to zogddtalo. Bai mhojem taka kamptalem. Hem kazar mhojem chukuch disli, punn dhuvecho fuddar chintun hanv sosunk kobul aslim. Ek dis tannem mhaka sanglem:Hanv dusre bailecho mog kortam ani tiche vangdda ravunk mhaka khuxi. Tedna hem mhojem kazar orth naslelem mhaka dislem. Mhoje avoin mhaka tenko dilo, dukh mhojem ti somzoli Bapui nam tem polleun mhoji dhuvui xant distali. Palakak konneim vicharlem zalear, ' Bapain tuka soddlam kiteak? Hanv kaim nokllom mhoje mamink vichar mhonntalem. Rajan mhoje dhuvek tor kednach mog dakounk naslo. To ixttam vangdda folgam martalo ani sarko sorean jar zaun ghora yetalo. Sod'deak mhoji dhuv ani mhojem kam' mhojem dhadosponn. Dusrea dadleacher mhozo visvas dhorunk mhaka vell lagtolo'.
Mogan zoddlelim kallzam kiteak doxim zatat? Avgodd ho zabab. Devan xikoilam “dadlo aplea avoibapaik soddta ani eke bailek ekvott'ta ani tim dogaim ekuch kudd zatat”. Mon'xak khoxal jiyeunk rochla. Ek ghorabo bore toren vaddunk ani tanchea bhurgeancho fuddar zaunk xanti-ekvottan jiyeunk lognacho ekvott sodankal togonk zai. Punn khub pavtti kazari jivitant itlo gonddoll uprasun kazari jivit sarkench sompta.
Onek torechim karannam kosak lailear amkam sampoddtat a)Apleponn ani hanvki (ego) mon'xak aploch hott gheun bosunk uskaita. 'Mhojem tem khorem,tuji ti chuk' osli chal aplem khotteponn lipoita.Tedna dadlo bailek sudraita ani bail dadleak nitayer ghalunk bhonvta, oxim ekamekak tim pois zatat. Chuk mandunk kallji zai, teach mon'xak bhitorli svotontrtai mellta. b) Kuskuttachem nib, aste-aste vaddun tem futt ghalta.'Bailek fokot chav, dadleak kofi'osleach karanank lagun khoim konnachem kazar somplem. Eka tarvak il'lo burak poddta, to vellar bond korinam zalear akhench tarum buddunk xokta. C)Visvas unno zala, fottounk lagleant, tedna apxinch kazari mogak rountto lagta. d)Dotink, poixank lagun kitlinch lognam pokim zaleant, tem dista. e) Ek avoi aplea bhurgeacher chodd dhyan dita ani apli porva korinam mhunn ghov mog sodunk hanga-thoim danvta. f) Aichea somazant kazar zaunk vetana 'togtelem hem kazar, oslem monant gheun kazar zatat ani aploch ghat ghetat. Eka kallza-monan cholunk khub avgodd. Ekmekacher visvas vaddo-nam zalear to ubhta. Tea khatir amchea gharant Devacho uzvadd zai; Devacher patietolo ani Deva nanvan ekmekacho mog kortolo ghorabo sufoll zatolo. |
| UBALDO |
|
| Xabas! Johny sopnelo… |
| Ami Futtbol vhoir kaddcho! |
| UBALDO |
 |
John Abraham, Bollywoodacho kolakar ,khontin mhonnnta: “Ek ek voros soron veta ani amcho futtbol pongodd mati khata” .Bharotan krikett mhonnlear somestancho dhorm. Vhoddle babu fokot krikettik khand marun asat ani teach khella fattlean kottimni poixe rokoitat. Punn dusre khell sarkech sokoilea panvddear pavleat. Johny mhonnnta “Xi! Vhoddli loz hi.India des koso voir sorlo, ek 'superpower' zala,vhoddlea desam modem zago gheunchoch zala ani amche vidvan sonvsarak porzolltat, punn amchea futtbol pongoddan FIFA World Kopan kednanch vantto ghevunk na ani jugant samko 132 sokoilea zagear asa”
John bab, Mumboint aplem xikop korpi, adim 'ek professional' khellgoddi aslo. Maghir to 'model zalo ani Bollywoodacho kolokar koso boroch fanklo. Shah Rukh Kahnan hokey khellak tenko dila, tor hanv futtbol kiteak voir kaddchonam, hench asa tachem sopon.
“Ho mhozo mhan anvddo, amcho Bharoti futtbol pongodd World Kopachea khellant vantto gheunk pavcho” oxem to mhonnnta. Tor hem tachem bhangarachem sopon sakar korunk to kitem anvddeta kai? Poilem panvol to martolo, ek futtbola voir cholchitr kaddtolo, futtbolachi sobitai ani kheritponn thoim chitartolo ani maghir tem cholchitr dakounk kheddeam ganvamni legun apleam dutank dhaddtolo. He toren bhugeam-pott'tteam modem khellachi umed nirmann zatoli ani futtbol khellunk tankam avodd yeteli.Tech borobor zaiteam ganvamni klub asat tankam tenko diun futtbol vaddoiyat mhunn utsav kortolo. Tech porim Bharotant kaim Futtbol Akademi ghoddun haddleleo asat, tancho-i to sohokar ghetolo.
John, 1972 vorsachea Dezembrache 17ver Mumboint zolmolo. Tacho bapui Kristanv ani arkitekt, ganvan Alwaye, Keralacho ani avoi Phiroza Irani, Mumbaichea Parsi ghorabeantli dhuv.
Parsi nanv tachem, 'Farhan aslem', punn bapain taka John mhonn nanv dilem. Abrahamachea dakttea bhavachem nanv Allan.
Johny poilo Bombay Scottish xalllent xiklo. Sangateam modem unchlo zago to ghetalo. Aple xallechea futtbol khella pongoddacho 'Captain' mhunn taka vinchlo ani khorench to chodd yesvont zalo.Tea fuddem BA ani MMS xikun to fuddem pavlo ani xevottak eka Ad Agensint to kamak ravlo. Ek dis tanche komponichem shiutting choltalem ani ek tancho 'model' hajir naslo, tedna te komponichea patranv-an Johnik tacho zago gheunk lailo ani itlean to voir voir sorunk laglo. Eka farak Singapurant ek ontor'raxtrik kompetixinant vantto ghetlo ani dusro zago taka favlo.
Itlean tannem filmi jugant uddki marli. 2004 vorsa Dhoom cholchitrant Kabir, ek ani ti-hero, hem tovnaxeachem kam' vhodde ikmotin kelem ani tedna Johnichem nanv odikuch fanki zalem. Az to mottem cholchitrantlem, nokhetr mhunn zhogzhogta ani tachea fattlean hozaramni choliyeo pixeo zatat.
Baichung Bhutia vangdda “Indian Football League” khell ghoddun haddunk John anvddeta. Hache voir tannim dogaimni All India Football Federation haka ek mhotvachi suchovnni dilea.Tech ritin ek futtbol akademi ghoddun haddunk ho-ui tancho anvddo asa.
John Abraham vhodd yesvont Bollywood jugantlo famad kolakar ek novem panvol marta. Amchea desant futtbol khellacho dorzo voir kaddunk to axela. XABAS JOHNY! Somestancho tenko tuka asach.
|
|
|
| DOYA-MAYECHI DEVI TI Dusream khatir,khorchitali jinn apli |
|
| UBALDO |
 |
Ek supurli kotha aik. Ek gai asli. Nanv tichem Punyakoti. Sodanch ekach utrachi, don panam nam,nam, kednanch chorunk kobul ti nasli. Ek dis bhonvddek ti ranant gel’li thoim sarkich vagachea ghansant poddli. Vag mama ticher zompoi maru....
|
|
|
| Sanddlelem mannik tem… Lipunnunch kiteak urchem? |
|
| UBALDO |
 |
“Indiechi hanv ek unne suropayechi choli(ugly duckling) koxi hanga ailim, punn europi jugantli sun-dori zaunk pavlim” oxi Times of India-chea potr-karank apli kotha tinnem sangli.Kalchem ani faleachem ozon mathyar gh....
|
|
|
| BABA! ZAINAKAI BEJAR… Zannai? Konn marta dharar? |
|
| UBALDO |
 |
Onek pavtti kaim lok ap-aplo dis koso sarcho tem adim fuddench manddun dovorta. Hanv-ui kednaim eka kagdar boroitam: “him asat az korchim tim kamam”. Punn are papia! Ghoddta tem boltench. Sokallinch konn mellunk yeta ani aplem k....
|
|
|
| Dev Kednanch chukonam, Tacher patiyetolo kosoch buddonam! |
|
| UBALDO |
Mhojea padri ixttan mhaka hi kotha Portugalak thavn dhaddlea. Mhaka ti ruchli, tor vachpeank-ui ti vachunk dium-xi dislem.
Ek khoim raza aslo. Devachi to zoborxi porva kori-naslo. Taka ek chakor aslo. Ho monis Devacher chodd patiyetal....
|
|
|
| Ball tujem mogak-visvasak bukhelam… |
|
| UBALDO |
 |
SIR BEN KINGSLEY- ek ostomtechea filmi jugantlo motteantlo motto kolokar. Poilem inam taka favle.’Gandhiji’ cholchitrant Bapujichi bhumika bhesbori tannem keli ani chovpaxaim xabaski taka favli.
Zolm tacho Inglandak ....
|
|
|
| Khoxal avoyeo… dhadoxi bhurgim hinch Devalim oprub dennim |
|
| UBALDO |
 |
Hi jivi ghoddnni Amerikek Californiant ghoddli. Angela Silva nanvachi ek avoy aplea char mhoineachea ballkak gheun bhair bhonvddi martali, avchit ek xezarchem vorixtt 'terrier' sunnem yeun lhan babuleak ghansaunk sodtalem.Avoy samkich akant....
|
|
|
| Diunchem asa tem khoxen dhi. Umedin puta rokddench dhi! |
|
| UBALDO |
 |
“Give, Give! Give now” Dada P. Vaswani ek supurlich, ponn movjechi kotha sangta.
Karna babu chodd udhar kallzan divpi monis aslo. Ditalo, khub vanttalo, kosoch to sanvronaslo.Hatant asa tem rokddench ditalo ani maghir tem ....
|
|
|
| Mhaka zai xembhor misam! Kitle poixe? Rokdde dhaddtam… |
|
| UBALDO |
 |
Mhaka e-melan ek chitt aili. Ti Purtugez bhaxen boroil'li: Primo! Faca favor de rezar 100 missas. Pagamento? Eu faco logo”. Mhoji ek bhapul-bhoinn Purtugalak ravta. Oso upkar ti magtali. “Upkar korun xembhor Misam bhettoi.....
|
|
|
|
|
| |
|
|
|
|
RSS
