|
|
|
|
|
 |
| |
::Aitarachem Vachop :: |
| SADO KALL CHOVISAVO AITAR |
|
SADO KALL CHOVISAVO AITAR
Voros C (12/09/10)
Vixoy: Bap amkam novean gheunk
sodanch ravta.
Poilem Vachop: Sutt. 32, 7-11.13-14;
Dusrem Vachop: 1Tim 1,12-17;
Xubhvortoman: Lk 15, 1-32
Ek Sfurthi: Amerikentlea dongramni ek pavtt panch vorsancho bhurgo sanddlo. Aplo bhurgo sanddla dekhun tachim ghorchim akantlim. Rat zaloli. Tea bhurgeache sodik khub zannam tea dongrancher hennem-tennem sodunk laglim. Dongrar asloleo dholi (caves) sanspileo punn sogllem nirfoll tharlem. Khub borof poddunk laglem. Hea pasot zomin borfan purvonk lagloli. Punn to sanddlolo bhurgo mellunk naslo. Sogllim ap-aplea ghora portolim. Punn tea bhurgeacho bapuy akhi rat bhonvun thoklolo. Lakdda porim vatter asloleacher to khont marta. Tacher aslolem borof sokla poddunk lagta. Ani ek bhurgo utthun bosta, hat-paim soddta, ani zamboy kaddit oso udgarta: 'Daddy! akhrekh hanvem tuka sodun kaddloch!'
Devachem Utor: Poilea Vachpant Izrael porje sovem Devachea mogachi kholai nodrek yeta. Gulam'ponn bhogtolea Ejiptantlea desantlim kaddun tankam Tannem bhasailolea desant pavoilim. Hea Deva sovem upkari zaunchem soddun hi porza Deva sovem onupkarponn dakhoita. Bhangaracho paddkulo korun taka bhozunk lagtat. Devacho rag choddta ani he porjek xikxa diunk korta. Punn Moisesache vinovnnek lagun Dev Izrael porjek bhogxita ani tika novean Apli porza mhonn gheta. Dusrea Vachpant, apnnem onnbhovlolem Bapachem bhogsonnem, Sant Paulu Timotak boroun ugddapem korta. Povitr Sobhek piddapidd ditolea Sauluchi bodolni korun takach Aplo porgottnnar korta. Pauluk novean gheunk Bap khuxal zata. Xubhvortomanant, amkam Devachem doyall ani kakutivont kallzachem chitr polleunk mellta. Ami patki tori kaklutsar Bap amkam bhogsunk ukti veng korun asta. Hem amkam Sanddlolo Put, Sanddlolem menddrum ani Sanddlololo nanno he voparint vachunk mellta.
Amchea Jivitak: Patkeam sovem Dev mogall, kaklutsar ani doyall. Tachea hea sobhavak xim'mer na. Jednam ek patki monis aplem patok vollkhun Devaxim porot yet zalear Dev khub khuxal zata. Patok adarun ami Devak patt kortanv. Punn amcho Dev Bap sodanch bhogsonnem diunk udar! Patkeam sovem ami sodanch somjikayechi vagnnuk dakhounk zai. Dev Bap patkeank pois korina mhonntoch ami-i patkiank kikont korunk favona. Patkant jiyetoleank ami novsornnechim panvlam marunk adar ditat toslim zalear khub borem zaupachem. Ami sogllim osokt. Osoktayent ami khub pavtti patki jivitachim gulamam zatanv. Ami patkantlim uttun kurpechea jivitak veng marloli Devak zai. Ami jednam novsornnechem panvl martanv tednam sorgar khub khuxalkay zata mhonn Jezunuch sanglolem asa. Tor amchem patok vollkhun gheun porot Deva Bapaxim portun vochum-ya.
|
| PRI. AVE MARIA AFONSO |
|
| SADO KALL TEVISAVO AITAR |
|
| AVE MARIA AFONSO |
|
SADO KALL TEVISAVO AITAR
Voros C (05/09/10)
Vixoy: Jezuchim Pattlavdaram ami!
Poilem Vachop: Zann. 9, 13-19;
Dusrem Vachop: Filemon 9b-10.12-17;
Xubhvortoman: Lk 14, 25-33
Ek Sfurthi: Madar Terezan oxi ek khobor jahir keloli: “Ek dis dogan tornattim mhoje sorxim ailim ani tannim mhoje lagim khub duddu dile. Kolkotta xarant ami dispott'ttim nnov hozar lokank jevonn randtanv. Aplo duddu tea goribank jevonn randun vaddchem mhonn tea tornatteamni mhaka sanglem. Apunn don dis pattim logn zaleant mhonn tannim kolloylem. Tim dogui unchlea zatichim Hindu dhormantlim aslim. Tannim aplea lognam somoyar mharog kopdde nhoi mhonn vhoddlim jevnnam korchim nant, ani ho duddu goribam khatir vapurtoleanv mhonn tharav ghetlolo. Magir tankam hanvem mhonnlem, 'itlo sogott duddu tumi mhaka kiteak ditat?' Tannim mhaka oxi zap dili, 'Madar, ami eka-mekacho itlo mog kortanv ki amchea kazari jivitachi survatuch eka-meka pasot vhoddlo teag korun suru kortanv!'
Devachem Utor: Poilem Vachop amkam Devachi yevzonn kitem ti ugddapi korta. Amcho Dev udar, apsvarthi nhoi. Povitr Atmea vorvim Devachi deivik yevzonn amkam thavi zalea ani ami Deivik jivitache vanttekar zaleanv. Ami konn porim Devachi khuxi korun jiyeunk zai ti Zannvay Devan amkam dilea. Filemonak boroylole chittint Sant Paulu, tachea adlea chakra sovem Filemonachi chal kosli zaunk zai ti Sant Paulu sangta. Onesimus tujea chakrak tuzo bhav koso yevkar di. (Onesimus pollun vochun Paulu sorxim ailolo. Pollun vetoleank koddok xikxa astali). Udarponnachi vagnnuk tache sovem dakhounk to Filemonak xikoyta. Nisvarthiponnachi chal tannem dhorunk zai mhonn taka xiddkayta. Xubhvortomanant, Jezuchea pattlavdaramni ap-aplo khuris gheun Jezu pattlean vochop gorjechem. Toxem korunk toyar naslolean Jezucho pattlav korunk zaina.
Amchea Jivitak: Jezuchim pattlavdaram koxim ami nisvarthiponnan jiyeunk fuddakar gheunk zai. Ami amcheant aslolo apsvarthi sobhav kobar korunk ekdom taktikechem kam'. Jivitant yetolea khursank ami vengovop mhollear Jezuchim niz pattlavdaram mhonn pottovop. Gorjevontanchea adarak pavunk udarponnachi vagnnuk dhorop. Nisvarthiponnan Kristi jivit jiyeun amchean amchea ghorabeant, xezareak, somazant, vavra zagear bore dekhichim zaunk zata. Amchea jivitant vhodd teag korun porian Jezuchim pattlavdaram zaunk gorjechem.
|
|
|
| SADO KALL BAVISAVO AITAR |
|
| AVE MARIA AFONSO |
SADO KALL BAVISAVO AITAR
Voros C (29/08/10)
Vixoy: LHANVIKAYEN JIYEUM-YA
Poilem Vachop: Sir 3, 19-21.30-31;
Dusrem Vachop: Heb,12,18-19.22-24a;
Xubhvortoman: Lk 14, 1.7-14
Ek Sfurthi:<....
|
|
|
| SADO KALL – EKVISAVO AITAR |
|
| AVE MARIA AFONSO |
SADO KALL – EKVISAVO AITAR
Voros C (22/08/10)
Vixoy: Sorginchea Rajeant bhitor
sorunk oxir vatt.
Poilem Vachop: Is 66, 18-21;
Dusrem Vachop: Heb,12,5-7.11-13;
Xubhvortoman: Lk 13, 22-30
Ek Sfurt....
|
|
|
| SAIBINNICHEM SORGA-VHORONN ANI SVOTONTRAYECHO DIS |
|
| FR. AVE MARIA AFONSO |
SAIBINNICHEM SORGA-VHORONN
ANI SVOTONTRAYECHO DIS
Voros C (15/08/2010)
Vixoy: Svotontr jiyeunk amkam apoyleant
Poilem Vachop: Jud. 13,18-20;14,9;
Dusrem Vachop: Gal. 5,13-17; Xubh. Lk 1,46-55
Ek Sfurthi: Ek ....
|
|
|
| SADO KALL – EKUNNISAVO AITAR |
|
| FR AVE MARIA AFONSO |
SADO KALL – EKUNNISAVO AITAR
Voros C (08/08/10)
Vixoy: Niraxiponnacher zoit melloun,
niz Kristi jivit jiyeum-ia.
Poilem Vachop: Zann 18,6-9;
Dusrem: Heb,11, 1-2.8-19;
Xubh: Lk 12,32-48
Ek S....
|
|
|
| SADO KALL – OTRAVO AITAR |
|
| PRI. AVE MARIA AFONSO |
SADO KALL – OTRAVO AITAR
Voros C (01/08/10)
Vixoy: Khori girestkay apnnaunk harpit zaum-ia.
Poilem Vachop: Updexok 1, 2; 2, 21-23;
Dusrem Vachop: Kol 3, 1-5.9-11;
Xubhvortoman: Lk 12,13-21
Ek Sfurthi: David ....
|
|
|
| SADO KALL – SOTRAVO AITAR |
|
| PRI. AVE MARIA AFONSO |
SADO KALL – SOTRAVO AITAR
Voros C (25/07/10)
Vixoy: Amkam Magnnem korunk xikoy
Poilem Vachop: Ut 18,20-32;
Dusrem Vachop: Kol 2,12-14;
Xubhvortoman: Lk 11,1-13
Ek Sfurthi: Ek monis zo dispottim aplea xetant....
|
|
|
| SADO KALL – SOLLAVO AITAR |
|
| PRI. AVE MARIA AFONSO |
SADO KALL – SOLLAVO AITAR
Voros C (18/07/10)
Vixoy: Boro to vantto vinchun kaddum-ia.
Poiem Vachop: Ut 18,1-10a;
Dusrem Vachop: Kol 1,24-28;
Xubhvortoman: Lk 10,38-42
Ek Sfurthi: Kamank thaun ghora yeun to ....
|
|
|
| Sadea Kallacho Pondravo Aitar |
|
| PRI. AVE MARIA AFONSO. |
Sadea Kallacho Pondravo Aitar
Poilem : D.S. 30/10-14
Dusrem: Kol. 1/15-20
Xubhvortoman: Lk. 10/25-37
Vixoy: Mogachi adnya Devachem Raj
Sfurti: Kaim vorsam fattim eka masikacher ek chodd dukhachi ani churchureanchi khobor....
|
|
|
|
|
| |
|
|
|
|
RSS
