|
|
|
|
|
 |
| |
::Tiatr Review :: |
| 'Chedvam Tim, Gadvam Nhoi' |
|
 Comedian Ambe-cho tiatr 'Chedvam Tim, Gadvam Nhoi' cheddvam-bailancher zatolea hoteachar-acher lokx ghalta ani to komi korunk kosle upai gheum ietat, tem sidh korta.
Aple potinnichea mornna uprant, Marcus (Trinidade) eke khasgi komponint ek sadho vaur korun, aplea dogam dhuvank Lisa (Nancy Gomes) ani Edlyn (Edlyn)-ak vaddoupacho proitn korta.
Zorui Lisa ek 'care-free' cheddum ani tem kitem ani koxem nhesta, tache vixim taka matui poddun gel'lem na, toruiastana tachi dhaktti bhoinn Edlyn aplea nhesnnacher zaitoch bhor ghalta.
Bemoriadik nhesnnam sombondhi, Marcus aple vhoddle dhuvek xiddkait asta, punn tem sogllem bherea kanar gheta. Ek dis aplea mogea Mark (Caziton de Cacoda) sangata eke bagint astana, goonda taka akromon korta ani tachi moriad vibaddta.
Team goondank sojea melltoli pulis adar kortat kai? Lisa-k nit melltoli? Taka adar korunk konn fuddem sorta? Tem somaz-sevika khoreponninch Lisa-k adar diunk sodhta kai? Lisa-cho xevott koso ani kitem zata? Lisa-add konn zhuzta? Tem sogllem tiatrachea dusrea bhagant polleunk mellta.
Vinodhi bhumikent, comedian Ambe, Succor ani Aston lokak bhorpur hansoitat. Connie M, Succor, Pascoal Rodrigues, Aston, Peter, Jain, Caziton de Cacoda ani Ambe-n gailolim kantaram aikopa sarkim asat ani boro sondex ditat.
|
| P. AGXEKAR | VIP |
|
| 'Pilot' onukarponnacher lokx ghalta |
|
| P. AGXEKAR | VIP |
 |
'Gorvak ani Devak poddona' oxi Konknnintlean ek mhonn'nni asa. Ti mhonn'nni Peter-Roshan-achea tiatr 'Pilot'-ak bhes bori lagu zata. Aplea paim-ar ubho ravtoch, aplea khaxea avoicher onupkari zaun, ticher visor ghaltoch tea putachea jivitant kitem ghoddta, tem tea tiatrant dakholl zata.Nigtoch zolmank ailolea aplea babulea Beven (David)-acho poramos kortana, Rosy (Roshan)-chea gharant ek tovnaxi bhitor sorta ani anink eka babulea (Vincent) tiche svadhin korta. Beven ani Vincent-ak sogllo aplo mog, moipas diunk Rosy vavurta.
Punn artik poristithik lagon, Rosy fokt aplea khaxea puta Beven-ak borem xikop diun, taka vimanacho 'pilot' korunk pavta. Favo titlem xikop na zaun, Vincent sadhi 'motorsaikolichea 'pilot'-achi chakri korun, aple poske avoik posta.
Beven Fiona (Craby)-achea mogan poddta. Fiona eka girest kuttumbantlem dekhun, aple durboll avoicher ani poskea bhavacher visor ghalun, Beven mavoddea aple sasumaim Caroline (Clara) ani sasupai Pedru (Peter)-sangata pennem korta.
Punn tanchea ekvottacher ek opangull cheddum Elena (Avila) zolmota ani te pangllem dekhun, tea bhurgeachi xemaim Caroline taka kenddta ani taka natak korunk ievjita.
Tea opangull bhurgeak eka axromant ghalunk sondhi mellona tedna, kitem ghoddta? Tea supurlea bhurgeacho sambhall korunk konn fuddem sorta? Beven te ostore thaim koso vagta? Tem sogllem tea tiatrachea dusrea bhagant polleunk mellta.
Avila ani Roshan ap-aple bhumikent lokanchim kallzam jikhun ghetat. Vinodhi bhumikent Brian, Benzer ani Desmond aplea sangata Simonica ani Sonali-k gheun, lokak bhorpur hansoitat.
S Lemos, Peter/Roshan, Avila, Sonali, Anneli, Benzer/Brian/David-an gailolim torekvar kantaram suvadik asat ani boro sondex ditat. Punn bai Avila-n aplea suvadik tallean gailolem kantar 'Bach ke rhena re…' soglleankuch avoddta.
|
|
|
| 'Hi Kanni Tum Sompoi' zantteponnacher nodor ghalta |
|
| P. AGXEKAR | VIP |
 |
Aplim bhurgim lhan asat tedna, tankam borem xikxonn diunk avoi-bapui zaite koxtt kaddtat. Tim aplea payar ubhim ravo porian, avoi-bapui koxttovtat. Ponn tinch avoi-bapui zanttim zatoch, tanche osoktayent tankam dhir-adar zaunk bhurgim viso....
|
|
|
| 'Atam Mhaka Konn Asa?' tikleacher lokx ghalta |
|
| P. AGXEKAR | VIP |
 |
Bara vorsam uprant Jenny de Germany Konknni palkar 'Atam Mhaka Konn Asa?' ho tiatr gheun ieta. Tegam cheddeam fattlean cheddum zolmolem zalear, taka tiklem mhonnttat. Ani tem tiklem eka kuttumbant asop mhonn ek ponvot, oxem somaz sozmota mh....
|
|
|
| Corruption Kabar?’ bhroxttachar sompounk ulo |
|
| ‘P. AGXEKAR | VIP |
 |
Comedian Agostinho-acho tiatr ‘Corruption Kabar?’ somazant choltolea bhroxttachar-acher uzvadd ghalta ani porjen to koso sompoum ieta tem upai dita. Denngi (donation) ghevop bhroxttachar-achi buniad ani to iskolamni, kolejimni ani serkari k....
|
|
|
| 'Goemkarponn' osmitay sambhallunk apoita |
|
| P. AGXEKAR | VIP |
 |
Goyant toxench pordesant pennem korun asloleam Goykarank ulo marun, tannim ap-apli osmitay sambhallunk goroz ani Goyant urlam tem rakhunk nibel gorjechem mhonn comedian John D'Silva aplea tiatr 'Goemkarponn' hantunt dakholl korta.
Jude (P....
|
|
|
| ‘Tumchim Mona Bodlat’ novsornnecher lokx ghalta |
|
| P. AGXEKAR |
 |
Ligorio Fernandes-achi dharmik dakovnn ‘Tumchim Mona Bodlat’ kalliz-mon bodlunk ani sorginchem raj jikhun gheunk ulo marta.
Survek Povitr Tritvechem chitr podd’ddear dakhoun, monxakullak Devachi yevzonn koxi ani kitem asli, tachi mahiti ai....
|
|
|
| ‘Bhavartacho Monis’ bhavarti nodren sonkoxtt polleonk apoita |
|
| P. AGXEKAR |
Korezmachea kallant Calado de Verna-chi 9-vi dharmik dakhovnn ‘Bhavartacho Monis’ kuttumbacher lokx ghalta ani jivitant sonkoxtt, pidda ietat tedna, sogllem bhavartache nodren polleunk ani fuddem vochunk ulo marta.
Willy (Willy Silveira)....
|
|
|
| Zoitachim Fulam |
|
| PIO ESTEVES | VIP |
Jedna kovita kantarachem rup gheta, tedna tem aikunk suvadik dista ani kovitent ghuntloleam utrancho orth odikhuch vaddta. Aplea ganv-bhava Elick Vaz-ak aplea sangata gheun, Walter Menezes-an aplea kovitank songit diun, ‘Zoit-achim Fulam’ h....
|
|
|
| 'The Carpenter's Cross' Dev onnbhov gheunk apoita |
|
| P. AGXEKAR |
 |
'The Carpenter's Cross' hea Inglez songit opera-n Jezuchea jivitacher, tache xikovnnecher, milagrincher ani koxttam-mornnacher nodor ghalunk adar dita. Alfwold Silveira-n to opera boroun, digdorxit kela ani Don Bosco Oratory-cho Pri. Ralin ....
|
|
|
Page
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19
|
|
| |
|
|
|
|
RSS
