NAVIGATION
:: Home
:: Ogrlekh
:: Vachpi Boroytat
:: Ganv- Ganvcheo Khobro
:: Khellache Umedhir
:: Katolk Khobro
:: Archive
KHERIT LEKH
:: Tazo Uzo
:: Mumbai Dek’ko
:: Pollelam tem Boroilam
:: Vopari
:: Liplelim -Motiam
:: Kovita
:: Vavrachi Tokhnnai
:: Aitarachem Vachop
:: Denneacho Sagor
:: Kherit lekh
:: Movie
 

 
  ::Kotha ::
WRONG NUMBER

  Jovitacho fon vaztanch tannem to ukhol'lo. Tem fonak tenkon boslelem ani fonachi vatt pollet aslem. Fon ukholtach, "Kitlo vell re, hanv hanga misak vochunk ravtalim atam mhaka vell na, faleam sadde atth vorancher sharp mhaka Ponnje bus standdar mellpak io. Bus standar Ramucho gaddo asa thoim ubhim astelim hanv. Bye, see you. Misak vochpacho vogot zalo. " Oxem ghoddboddint ulovn Jovitan fon dovorlo, ani misak dhanvlem. Fon korpi zavn aslo Davis. Tannem to fon Jovitak korunk naslo. To Jovitak ollkhonaslo, ani tanchi bhett pasun kedinch zaunk nasli. Davisan fon aplea ghara lagim aplea bhavak lailolo, ani ankhdde damtana mista tannem chukiche damle, ani to fon chukin Jovitager laglolo. Davis guspagonddolant poddlo. To fon jerul aplea ghara lagim lagunk na, punn konnank bolteakuch laglolo, hachi taka khatri asli, kiteak zo tallo tannem aikolo to tachea bhavacho zaunk xokonaslo, kiteak to tallo eka cheddvaeho aslo. Ani tea vellar tachea ghara lagim tachi maim ani bhoinn-ui naslim.
Davis -an lailolo ankhddo topasun pollelo, ani chukicho number lagla to polloun sarko number lailo, ani aplea bhava lagim uloilo, punn jea cheddvacho tannem tallo aikolo, to taka sotaunk laglo. Faleam sadde atth vorancher Ponnje bus standar...
Davis ravtalo Peddnem, ani kamak aslo Mhapxeam. Sadde atthank tor apunn Ponnje pavlom, ani Ramucho gaddo sodun kaddlo, zalear jem cheddum konn tem apunn pollounk xoktolo, oxem tachea monan zalem. Chukicho ankhddo lailolo to aplea mobailacher sodun kaddlo ani save korun dovorlo.
Dusrea disa Davis sokhalim, aplo vell zaunche poiloch ghorantlo bhair sorun veta to polloun tachim ghorchim ojeaplim. "Aiz itlea vegin khoim vetai re Davis ?" Tachea main taka vicharlem. "Na ge, khuim na, Ponnje matxe kam' asa. Magir rokddoch kamank pavta toso Mhapxeam pavtolom." oxem sangun to apli mottorsaikol ghevun bhair sorlo. Atth visank Davis Ponnje pavlo, ani bos-sttenddar aslolo Ramucho gaddo sodun kaddlo. Sadde atth zavpak ani dha minttam aslim. Vochun matso poisuch ubo ravlo. Panch minttamnim ekhlem ailem ani gaddea xim ubhem ravlem. Hem gai tem?.. monan chintunk laglo. Punn kaim khinna bhitor konn eklo pulsar ghevun ailo ani tem tache pulsaracher bosun gelem.
Na, hem aschena tem, kiteak atth vazun ponchis minttam zalelim, ani tea cheddvan veIl dilolo sadde atthancho. Oxem chintun Davis aple dolle thoinsor yeta titleancher-ui dovrunk laglo. Thoddeach vellan dogam cheddvam ailim, don veg-veglle dixentlean. Dogaim yevun gaddea xim ubhim ravlim. Ham, hantuntlern eklem asunk zai; punn khoinchem tem koxem kolltolem? Davis dogaincho sumar kadd-ttalo. Tankam dogaimkui polleta mhonnsor ani eklem yevun thoimsor ubem ravlem, ani tachea fattafatt anik eklem ailem. Atam thoimsor char zannam ubhim aslim. Atam Davis ghuspolo. Konn zait gai tem cheddun, zannem mhozo fon ghetIolo?
Kaim vellan ani dogam ailim, ani ubhim aslim tantuntlem eklem tanche borobor gelem, ani thoimsor tegam urlim. VeIl sortalo. Pavnne nnov vhoram zalelim.
Sadde nnovank taka Mapxeam kamank pavonk zai aslo. Tea tegam modlem eklem baddeachi mottorsaikol korun gelem, ani thoim urlim dogam zannam. Ghoddialacher nodor marit zalear nnov zavpak panch minttam aslim. Apleak Ponnjechean Mapxeam pavpak vis minttam puro, nnov zavn dha minttam zata mhonnosor bhair sorlear apunn susegad pavtolo, oxem chintun thoim ravlo.
Atam thoim dogam zannam modlem konn zait tem? Vell sorot aslo. Tantuntlea ekleak vochun vichartolom, punn konnank vicharum? Matso ravlo, ani magir cholot tanchea morean gelo. Itlean ghoddialicher sadde nnov vhoram vazlelim. Thoimsor ek gaddi ubhi zali, ani tantuntlem eklem gelem. Ham... hench tem, hench zavnk zai tem, vochun taka zap kortolom mhonnun tache lagim gelo. Tachem kalliz dhodd'ddottalem. Itlean tannem aplo davo hat voir ubharlo, ani aple kens sarke kele. Davisachi nod or tachea hatar, ani tachea bottar geli. Tannem kazarachi mudi ghatleli asli. Eka poskotteachi funk vochon to poskotto bavta te porim Davis babddo 'deflate' zalo. Sadde nnov zavn dha minttam zalelim. Kamank uxir pavloch, hachi zann zali, torui astana aple mottorsaikoli lagim gelo, mottorsaikol chalu keli ani Mhapxeam vochpache vattek laglo. Porvorim kaim karannank lagon ttrafik jam aslem, ani sumar dha minttam thoim urlo. Mhapxeam pavon aplea kocherint bhitor sorta mhollear sadde dha vazlelim. Bhitor sortanch uxir zala mhonn patranvan boroch tapoilo, ani eka disacho pagar katorlo. Eka 'wrong number' -ak lagon Davisacho pagar 'minus one day pay'. Davis tea disa ek koddok lisanv xiklo.
WILLY GOES
Bholayki amchi girestkai
THE HERALD
Kamdarank  ani herank bori bholayki sambhallunk adar diunk hi karyavoll ghoddun haddli. US khateachea 'Agriculture and Food and Drugs Administration'-achea adaran karyavoll zali. 'Johns Hopkins' 'Research' kendrant poile pavtt hea karyavollicho proyog kelo. Ani uprant 'Board of Directors of Corporation'-an heram suvatamcher korunk maneotai dili.
Sogllea lokak seva ani bori bholayki diunk hea karyavollicho hetu  asa. Dor satolleak 5/16 kil vozon unnem zaupachea monan karyavoll ghoddun haddli. Amchem jevonn kuddik chodd promannan gormi (calorie) dita. Hacher sat disamchi yevzonn mandun haddlea. Koslich bhirant dhorinastana hi yevzonn fuddem vhorum yeta. Amche bhitor aslolem vaitt na korunk adarachem zatolem, hem monan dovrun yevzonn mandavollin kelea. Sat disam uprant 10 'pound' vozon unnem zatolem. Tech porim kuddik zaiti ghottai melltoli. Poilea sat disank 10 glas udok piyeunk goroz.
Poilo dis
Kellem soddun sogllim follam khaum yeta. 'Khallina' ani 'cantaloupe' khalear odik borem.
Dusro dis
Soglle torecho bhaji-palo khayat. Toxench tumchem avddicheo noveo ani randloli bhaji omkech torechi bhaji khaunk zai oxem nam. Tel ani narl pois dovrat. Nostea borabor vhoddle botate ekdom bore.
Tisro dis
Tumche avddi pormannem zai toslim follam ani bhaji khaunk zata. Punn aiz kellim toxench botate pois aslear borem.
Chovto dis
Kellim ani dudh gheunk zata. Aiz 8 kellim ani 3 dudhache glas piyeuchem. Bhajecho 'soup' gheunk zata.
Panchvo dis
Aiz vhoddlo dis. 1 kop xit jeupachem. Tech porim 6 ak'khim tomattam ani pott nitoll korunk 12 udkache glas.
Sovo dis
Porot anik pavtt soglle torecheo bhaji khaunk zata. Ani ek kop tandvanchem xit.
Satvo dis
Aiz jevnna mezar ek kop xit, follancho ros' ani tumkam zai tosli bhaji. Dusro dis yeta mhonnlear 5 tem 8 kil vozon unnem zatolem. Fuddarak anik vozon denvunk zai zalear hi karyavoll porot korum yeta. Ponn dusre pavtti korchea adim tin dis visov gheunk gorjechem. Oxe toren zonn eklo kuddicher tabo dovrunk xeokta.
Mhotvachem mot
He karyavollichem mhotvachem mhonnlear dor disak 10 glas udok pieunk zai. Zai zalear limbu udkant ghalum yeta. Karyavoll chalu astana fokot ek kop kalli 'coffee' piyovpachi. Toxench eka kulera vhoir tel khaunchem nhoi. Telant 'calorific' chodd promannan asta dekhun telacho upeog korina zalear odik borem. Karyavoll sompounche adim follamcho 'juice' gheuncho nhoi. Karyavoll chalu astana kudd oxe toren kam' korta.
Poilo dis
Poilem mhonnlear karyavollint bhag gheunk tumkanch toyar korta. Tumkam ghottai ditolem ekuch jevonn tem tajim follam. Follam soimbantlem jevonn zaun asa. Jivitant gorjecheo vostu amkam follam udexim favo zata.
Dusro dis
Ukoddlolea bottatea vorvim 'carbohydrates' mellta. Oxe toren dusrea disak survat zata. Sokallim fuddem bottate khalear xeokti ani 'balance' kuddik mellta. Urlolea disa bhaji khaunk zata ani favo ti ghottai ani 'fibre' mellta.
Tisro dis
Bottate pois dovrat. Karann follam vorvim 'carbohydrates' favo zata. Hea vellar vozon unnem zaupak lagta.
Chovto dis
Dudh ani kellim. Sogllim kellim khaunk zaunchim nant. Fattle tin dis 'potassium' ani 'sodium' unnem zalem dekhun oxem ghoddta. Ghodd khaupachi ruch unni zaunk lagta.
Panchvo dis
Tandull ani tomattam. Tandull 'carbohydrate' mellunk ani tomattam vorvim jirovnnek adar zata. Udok chodd piyelear kudd nitoll zata. Fokot ekuch kop xit jevunk mellta mhonn dukhi zaunchem nhoi, ponn zai zalear sov tomattam khaum yeta.
Sovo dis
Bhaji palea vorvim 'vitamin' ani fibre favo zata. Itlea mhonnosor kuddichem vozon dhenvtolem. Poilea disa ani aichea disa modhem zaiti ontor disun yetoli.
Satvo dis
Hea disa 'champagne' pivunk zata. Ek kopa vhoir 'coffee' borabor dudh gheunk zata. Dudh ani tel jevnnant 'calorie' vaddta. Kalli 'coffee' ghetlear odik borem. Poilea sumana uprant jirovnnek adar melltolo. Ekuch visorpa sarkhem nhoi tem mhonnlear khoinchea-i vellar bhuk lagta zalear ami jevnnak pallo dinanv. Choddso lok 'dieting' korta mhonn bhuk lagta tea vellar jevnnacho tyag korta. Hea karyavollichem ek gupit mhonnlear kednanch bhuken ravunk zaina. Tumkam bhuk lagona zaunk zai titli bhaji khayat. Sodanch bhaji khaun tumkam ubgonn yetoli, ponn upaxim ravchem nhoi. Tumchean zai tedna khoimchea-i disa 'wonder soup' gheunk zata.
Kalljidarponnacheo kotha
THE WEEK
Az kal bodol'la. Adle dis kitle bore asle. Ek xipay zavop mhonnlear vhoddlo man aslo. Te aplem 'uniform' mottea obhimanan ghaltale ani kalljidar zhuzpeam porim vagtale. Aiche zhuzpi bizddeam porim dharmik zageamni lipun ravtat. Te bailam an....
Adsorachem udok bholaikek borem
THE HERALD
Narlachem udok soimbantlem piyovpachem udok. Amchea rogtant 'electrolytic' asa titlench tea udkachem mhotv. Tem jivitachem udok. 191-45 vorsa zal'lea Pacific zhuzant donui desamni ghayall zal'lea soinikank narlanchem udok pivovpak dil'lem. ....
Ek Vegllich Nodor, 90 vorsam uprantlem jivit
VARGHESE ALENGADEN
Sodanche porim utthlea uprant, sokallchem rozar korun, mis aikun, nosto kelo. Punn her disam poros hi sokall mhaka ek vegllich koxi lagtali. Ubgovnn ailea poprim ani sarki sukhi-xi. Thonddi zal'li ani gollo  dukhtalo. Taka lagun anikui....
Gõykaran moladik fator sodun kaddlolo to...
VIP
Sonvsarant hi vost fokot ekach zagear mellta, ti mhonnlear . Tanzaniachea Kilimanjaro dongra sokol. Punn hi vost soglleant poilim konnem sodun kaddli tem zanno zaunk azun-ui bhasabhas cholta. Eke vatten oxi gozal cholta ki ho nillea rongach....
Kirkoll posorkar tuzo novo alaxiro
TEHELKA
Ut’tor Delhintlo Adarsh Nagar ho zompoddeancho lhanso vatthar. Hangasor 30 vorsanche pirayecho Sandeep Kumar nanvacho  tornatto ek lhan posorkar   aplea giraikanchi seva kortalo. Thuinche te rikxavale ani her lhan dukon....
Iskolamni R-Fi pod’dotin xikpeanchi surokxa
OUTLOOK
Mayachi sutti sompun iskolam porot suru zalim tednam sumar hozar bhor xikpeanchim `identity’ kards aslim tim 'tracking’ upay zal'le. Jem tea xikpeanchi halchal tanchea ghorcheank kolloitalim. Him kardam zantun atam `microchip&rs....
Duddu ani totvam
(INDIAN CURRENTS SATOLLECHEA UPKARAN)
Az sogllea xetrant duddu mhonnlear moladik bhumika korta. Ami khuimsorui gelear, zaum eka lhan dukonar vo kolejint bhorti zaunk sodtat zalear duddu nastana zaina. Zanche kodde duddu asat tim soglle torechi mouza marunk xoktat. Gorib ani bar....
Novi Manddavoll Korpi Za
INDIAN CURRENTS
‘Innovation' vo novi manddavoll rochop ho sobd halinchea disamni boroch gazta. Dubhava viret hich zaun asa ek buniad sogllea moniskullachea udorgotichi: Atamchea kallar spordhentlean nove nove manddavollik zago toyar kela. Hi zaun asa....
Page 1, 2, 3, 4, 5, 6
 

 
 
(c) All Rights Reserved 2009. Ixtt . Designed and Developed by Graffitisys..