| 14 vorsam bhurgem naslolo Kapil Dev Madar Tereza-k bhettlo tedna... |
|
 Heram porim hanvem Madar Tereza vixim aikol'lem. Punn tika hanv kednach mellunk naslom. Kityak mellunk na tem matr sangunk hanv nokllom.
Bharoti kriket pongodd 1983 vorsa Prudential Kop jiklo. Tem ek vhodd zoit aslem. Hanv Romi kodde logn zal'lom. Ti Pakistani asli ani borem jivit jietali. 14 vorsam legun bhurgem naslolean, ti khuxal nasli. Amchea vixim potramni zaitench chhapun yetalem ani ami khuxal asleanv. Punn amchea jivitachea rikami bhaga vixim konnakuch khobor nasli.
1995 vorsa koslea tori kama khatir ami Kolkotta gel'leanv. Tedna amchea eka ixttan amkam Madar Terezak mellpak vhelim ani tika amchi vollokh korun dili. Ti sarki barik ani xokti naslolea porim distail. Tichi bholaiki bori nasloli tori tinnem amkam khuxal kelim. Amchea ixttan amchea jivitantle dukhichi khobor Madarik sangli. Tinnem amkam besanv diun mhonnlem “Bhiyeupachi kainch goroz na. Dev doyall asa”. Mhaka dislem ki ti ghoddye amkam aplea onath ghorantlem ek bhurgem posunk ditoli mhonn. Ti xantikayen uloili ani Dev he babtint apli nodor laitalo mhonn sangot ravli. Mhaka xantikai bhogli.
Mhoine sorun gele ani hanvem Madarik dil'li bhett visorlom. Ek dis okosmat mhojea Kolkottantlea ixttan mhaka fon kelo. Tinnem sanglem ki Madar Romichi khobor ghetali mhonn. Hanv khuxal zalom.
Tedna Romi panch mhoineachem gorbest aslem. Ami Romichea gorbestponnachi khobor asli; dekunuch tinnem Romichi khobor ghetloli.
Mhojea bhitorlim vaddtim bhavnnam mhaka sangtalim ki Romichem gorbestponn Madarichea besanva vorvim ailam mhonn. To ek veglloch otmik onnbhov. Amchi dhuv kaim mhoinea uprant zolmoli. Tichea zolma uprant hanv Madarik mellunk gelom na. Punn hanv sodanch mhojea sogllea ixttank sangtam ki Madarik Romichea gorbestponnachi khobor asli mhonn.
1997 vorsa ti sorgvaxi zali. Hanv upkar attoitam. Madarik bhettunk mhaka sondhi mell'li ani ticho axirvad favo zalo. Mhoji dhuv Amiya zaun asa Madar Terezachem ek dennem.
|
| KAPIL DEV/ THE WEEK |
|
| Koslem meklleponn? |
|
| PRI. CEDRIC PRAKASH |
 |
Ahmedabad: Gujaratantle zhompoddpott'ttintlea eka bhurgean mal vhortole mhoje gaddient aplo hat ghalo. Tachea hatant sumar bara odik plastikache jhendde asle. Ek ghe, fokot panch rupya, dha rupyank hanv tuka tin ditam, mhonn tannem mhaka sanglem. Hi poristhiti polleun konnak-ui sontap marpacho. Hem cheddum sumar 10 vorsanchem asot. Tem bhurgem xallent asunk zai aslem. Ponn tem hanga aplea kuttumba khatir thodde duddu ektthaunk vavurtalem. Duddu na zaun tem nirxetalem.
Hea cheddvak xikxonnacho hok'k mhonnlear kitem ti vollokhuch nasli. Amchea desantlea hozaramni durboll bhurgeank koslench xikxonn mellonastana asat. Tankam babddeank 'Save the girl child campaign' vo 'Garib kalyan melas' he yevzonnecho koslo tori faido mell'la kai? Tancho prochar korche khatir, Bharot sorkar kitloch duddu khorchita. Toxench 'lhan bhurgeank vavrantlim nivarunk kaido asa tachem kitem zalam? Amchea rajkornneank ho kaido vevharant haddpacho khorench usko asa kai? He osle anink kitlech proxn monant nirmann zatat.
Common Wealth Games hantunt choltolea broxttachar-a vixim tea cheddvak kainch poddlolem na. Ani sorkari guddavamni kitlo orov-gotto kusta, tachi-i taka khobor aschi na. Mon'xank mellonaslolea hea gotteacher undir aplem fest kortat. Khorem mhonnlear tea orov-gotteacho mon'xak poilo odhikar mellunk zai aslo. Halinch Suprim Kortin hache vixim nirnnoy dila. Ho orov-gotto kusoun uddounche suvater, to goribank fukott diuncho mhonn odhikareamni hokum dila. Tea cheddvak amcheamni 'gutter'-ant denvun, nitoll kortat tankam sor korum yeta. Bariksannen obheas kelea uprant disun ailam ki sumar 41 'sewerage' kamdarank fattlea 4 vorsamni, Gujaratantlea xarant moron ailam.
Plastikachi tea cheddvak khoboruch na. Plastikache jhendde tem vikhunk sodta te sonvsarant vikunk kitleach desamni bondi ghalea mhonn tem bhurgem noko. Bharotant porian kitleach rajyamni te vikhunk bondi asa. Apunn desbhokti mhonn somzun, tem babddem kaim kinnant thodde bhov poixe komavunk sodta. Desbhokti konnak? Tannem nimnne pavtti mhoje kodde laleun maglem tedna hanv matso kollvoll'lom. Tachi svotontrtai hanvem kitle pavtti vikti ghetlea. Atam-i ti gheupak hanvem proytn korcho? SAR
|
|
|
| Neturlechem kopel bandchea adhim… |
|
| EUSEBIO V. MIRANDA |
 |
Agostache 28ver 2010 Netorlekarank itihasik dis zatolo. Patriark Filipe Neri Ferrao-n Netorle bandolea novea Kapelacher axirvad ghaltolo. Neturlimchea lokache avddicho Pri. Esperdiao Gonsalves novea Kapelachi ugtavnni kortolo.
|
|
|
| ‘Minority’-chea boreponnak duddu vapurle nant |
|
| THE HINDUSTAN TIMES |
Novi Delhi: Kendr Sorkarachi Kalyann Yevzonn' durboll olpsonkheam khatir 90 zil'leamni chalik layloli. Punn choddxea vattharamni he yevzonne-chea duddvancho upyoguch kelonam. Orissa soddun khoincheach rajeamni olpson....
|
|
|
| Patradevi thavn Polencho Mha-rosto |
|
| PRI. JOSE DIAS, DRAMAPUR |
Veta thoimsor rosteank lagun boball. Rundavpachi goroz ani tea kamank virodhui korpak karonn asa. Kiteak sot konnuch amkam sangunk kobul na. Amche amdar-montri il'lem-xem sot sangtat ponn fotti chodd lipoitat. Heach pasot veta thoim r....
|
|
|
| Bharotachi Svotontrtay |
|
| AGNELO PIRES |
Bharot desantlea lokamchea kallzamni 63 vorsam adim ragacho uzo pett'talo to fokot ekuch karonn mhonnge aplea desachi porkeam koddlean suttka korpachem.
Agostache 15ver, 1947 vorsa Bharotache porjechem sopon uzvaddlem. Hea disa....
|
|
|
| Morathintlean Hindu Povitr Pustok chhapta |
|
| VIP |
 |
Pune: Morathintlean chhaplolem Povitr Pustok 20 disam bhitor khoplem mhonn ek Hindu chhap’pi khuxal zalo .
Vis disam bhitor Morathintlean Povitr Pustokacheo sumar 2 hozar proteo khopleot, oxem Punecho Rajhauns ....
|
|
|
| Novo Inglez Misal Krist Yenneak Toyar |
|
| MICHAEL GONSALVES |
 |
Mumboi: Vatikanan mandun ghetlolea Romi Misalachem Inglezintlean bhaxantor kel'leachi tisri avrut'ti Bharotantlea Igorzamni 2011 Krist Yenneachea Poilea Aitara thaun vapurtole, mhonn Mumboichea Kardial Oswald Gracias-an jahir ke....
|
|
|
| Keralantli sonvstha Dalit tornatteank adar dita |
|
| (THE WEEK HACHEA UPKARAN) |
Kerala: K. R. Dilrajak vhoddlim sopna sopneunk tanki bhailem distalem. Dalit somazantlo Dilraj, 30 vorsancho tornatto Keralache Unchle kortint karkun aslo. Arthikxastrachi podvi ghevn apunn hache poros vhoddlem kainch korunk xokchona ....
|
|
|
| Krikett khellgoddi Muralitharanacher Bhokti Juze Vazan axirvad ghala |
|
| UCAN |
 |
Kolombo: Sri Lankechea Krikett khellgoddi Muralithara-n Bhokt Juze Vazan apnnacher axirvad ghalo mhonn manta. Ho sonvsarantlo fanki krikett khellgoddi final test khellant 800 viketteo gheunk pavlo.
Tannem Sri Lankentlea Galle moidana....
|
|
|
Page
1, 2, 3, 4, 5, 6, 7, 8, 9, 10, 11, 12
|
RSS
