|
|
|
|
|
 |
| |
::Kherit Lekh :: |
| Povitr songit nhoi umed haddpachem ponn Devachi bhokti korpachem |
|
 Pornnem Gõy: Asientlea bhov adlea ani Raiturche Seminarichea Santa Cecilia songit pongoddan Bhavartachea Vorsa Abrilache 19ver Se Ketedralant Povitr Songitachi karyavoll keli. Ho songit pongodd Arkidiosezintlea igorzamni ani Seminaristam modem songit vistarunk Patriark Dom Antonio Sebastiao Valente hannem sthaplo. Raiturche Seminarint songitacho professor Fr. Romeo Monteiro-n dusre Vatikani Vixv Sobhechea xikovnne pormannem hea konsertan Sevadhormik Songita voir aplem obheaspotr manddlem.
Povitr Songita ani her songita modem kaim oddchonneo uprastat. Aichea gonvlleank halinchea songitachi tallnni yeta, tache vorvim lokakui borem avoddta ani tanchea pongddant vangddeancho ankddoi vaddta, oxem Fr. Romeo mhonnta.
Paim haltat vo bendd halta toslem songit / instrumentanchem vazop aikotoleank umed haddta ponn khoreponnim atmik ani dhyanik khollayechea monan onnbhovunk pavona. Osle instrument ani avaz kortole instrument, adim rikordd kel'lim songitank sevadhormant zago na vo vaprunk favona toxench sevadhormant vaprunk tosleancher addvarnni asa mhonn Fr. Romeon sanglem.
Aiz sevadhormant 'four-hymn syndrome' pod'dot asa. Misant gavpachea gitancho ho ek unnea dorjeacho somoz asa. Musicam sacram 29, hantuntlea Sevadhormik Songitache xikovnnent 3 dorje asat. Poilo dorzo, yevkar divop, padri-loka modlo sonvad, udgar vo 'acclamation' Sanctus, Pater noster asa, dusro dorzo, Kyrie, Gloria, Credo, Agnus Dei ani Bhavartianchim Magnnim zalear tisro dorzo, Proves, Bhettovnni ani Krist-prosad vellar sonvad melltat. Dekhun Amchea Bapa, Sanctus gavunk poilo dorzo diunk goroz. Ponn amchea igorzamni kitem zata? Zaite pavtti ami Amchea Bapa gavchem soddun ti uchartat mhonn Fr. Romeon lokxant haddlem.
Igorjent gayon kortole songit pongddak khas zobabdari asa. Vatikani Vixv Sobhe uprant kaim zannam modem oso vad-vivad zal'lo, zoim songit gavpi pongodd nakach mhonn spoxtt kel'lem. Sogllim gitam lokanuch gavchim mhonn tanchi magnni asli. SC 114 hache xikovnne pormannem songit pongddachi sudarnni zaunk bhov goroz. Kyrie, Sanctus , Gloria, Credo, Agnus Dei gaitanam odik lokx diunk zai. Amchea Gayonanchea Jheleant amkam Onod Mhoima mellta, hem khorench sundor git, toriastana tachea bodlek 'Gloria' mhonnunk maneotai asa mhonn Fr. Romeo sangta.
Goroz mhonnlear hea pustokacho khorea ani favo tea nettan upeog zaunk zai. Povitr Sobek visvaxi ravunk Dusri Vatikani Sobha amche lagim magta, tem korunk amkam aitemon asa kai mhonn Fr. Romeo vicharta.
|
| VIP |
|
| Zhogddeam zhuzachim cholchitram amkam kiteak avoddtat |
|
| VIP |
 |
WASHINGTON: Khorea jivitant zor zhogddeank vo vaitt ghoddnnukank maramari ani hinvsechim filmam polleun tondd diunk adar mellta zalear oslim filmam polleunk lokank monamchem sukh mellta.
Khorea jivitant zavpi maramarink vo zhogddeank fuddo korpant orth asa zalear zhogddeanche, khun-maramarinche dekhave aslolim filmam polleunk lok fuddem sortat mhunn sod vaurantlean kollon ailam.
Rogtanche vhall zavpi zhogddeanchim filmam polleunk lok kiteak fuddem sortat tacher sod vaur korpeamni obheas kelo. Germanychea Augsburg vidheapitth ani Wisconsin-Madison vidheapittahntlea kaim mon'xamni ho sod vaur kelo. Lok maramari ani rogtam vhanvpa sarkim zhogddeanchim filmam fokot monachea sukha khatir pollenant. Tim filmam polleun aplea jivitant tacho koso orth launk zata hem lok polletat.
Sod vaur korpeamni hea obhesa khatir Amrikechea ani Germanychea 482 lokancho adar ghetlo. 18 tem 82 pirayechea jea lokamni hea sod vaurant vantto ghetlo tannim bhirantichim ani zhogddim-maramarinchim veg-vegllim filmam pollelim. Soglleamni ap-aple nodrentlean tim filmam pollelim mhunn tannim uprant kollit kelem.
|
|
|
| The "valor" of a woman |
|
| DOLVYN BRAGANZA | WALTER LOBO | CARIDADE D'SOUZA |
The patriarchal world tends to see the male in everything! Like the "male" in a fe"male", a "man" in a wo"man" a "He" in a s"he", and may say "look the world is made of males". But rather, looking it from the egalitarian perspective the ide....
|
|
|
| Prachit Kallant machiyevelean sondex: Bhavartiank atmik monoronjon |
|
| JOHN M. ALFONSO |
Prachit Kall amchem apovnnem ani karya niyallunk adar ditat. Magnnem, upas ani dhormdan korun Kristi jivit girest korunk amkam sompeponn dita. Benedikt XVI Pap Saib mhunntta ho kall vaittacher zhuzunk bhagevontponnim vaddunk adaracho.....
|
|
|
| 'Tim Sogllim Ek Zaum': Bhagevont Pauluche Porbecho Sondex |
|
| FR. LINO FLORINDO |
Dor vorsa Janerachi 18-25 porian ami Ekvottacho Attvoddo monoitanv ani hea somoyar 'Tim Sogllim Ek Zaum' hea vixoyacher niall kortanv. Ho attvoddo Janerache 25ver sompta, jea disa ami St.Pauluchi kherit porob kortanv. St. Paulun Punorjivon....
|
|
|
| Bharotache Ghottnne vixim 10 ghodnneo |
|
| THE TEENAGER TODAY |
1) 1930 vorsa kel'lea svotontrtayeche Purn Swarajeachea jahir kollovnnecho somarombh korunk Janerachi 26vi vinchun kaddloli. J. Nehruchea odheokx-ponnam khal Kongresachi Lahore boska zali ani lokrajeachim bim ghalem. 26-1-1930 Swaraj Dis ....
|
|
|
| Tornnateam Vixim Ek Nodor |
|
| DANIEL F. DE SOUZA |
 |
''Mhozo avoy-bapuy mhaka TV-cher ratcho hindi serial-i yetat teo pollevunk dinant. Tanchem mhonn'nnem, teo mhojea sarkea bhurgeank pollevpacheo nhoi. They have such strange ideas. Mhaka dista mhojea avoy-bapayk mhozo bilkul mog na.'' Tony-n....
|
|
|
| Khol Vicharancho Dorya Gazota |
|
| AGNELO PIRES |
Pavsalleachea odhivexonnant Goyche porjechea tonddar hanso khellovpa khatir BJP sorkaran nove yevzonnechem chador xinvraylem torui punn virodhi Amdar mou melltta thoim khonnpak fattim ravlenant. Nirfoll ani niraxi zavpa sarki virodhe....
|
|
|
| Soimbachi Kuttumbik Yevzonn |
|
| VIP |
 |
Aichea taktiken choltolea sonvsarant kuttumbik yevzonnen bailank vanztteponn haddpache "contraceptive" sarkeo pod'doti vaprun jivitacher sonkoxtt upraslam. Hem monant dhorun sonvsarbhor toxench Bharotant sabar kazari ghov-bail mon....
|
|
|
| Venchnnuke uprant Kristanv ani Musolmanachea Dhormik Vostuncho Ibadd |
|
| MANUEL FERANANDES |
 |
Venchnnuke disamni hanga thoim kaym zogddim-goddbodd zalo.Oslea vattavoronnant venchnnuk sompli; tori astanam uprant legun ho goddbodd chalu urlolea porim dislem. Sukra disa Marsache 9ver Xri Parrikaran,Gõycho mukhel montri mhonn p....
|
|
|
Page
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32
|
|
| |
|
|
|
|
RSS
