|
|
|
|
|
 |
| |
::Mumbai Dek’ko :: |
| Bandra, Monti Saibinnichem fest |
| Bandra Fair-ghonnghonn dhorbar, Punn kaim lokache motte bognar |
 Mumbaikaranchem fest. Ak'khich Mumbai nachta-uddta, muslim vo hindu, parsi vo sik, gujrati vo madrasi, tornne te zaum vo ponge mhatare zaum, 'Mata Maulik' noman korunk axetat, axirvad ticho sodtat. Somia Jezucho nimanno vell ail'lo, khursar to foddfoddtalo.Torui aplem vign-koxtt visrun tannem tuzo ani mhozo ugddas kelo. Chodd vortem dhan Tannem amkam dilem. Zuanv aplea mogachea xisak Tannem sanglem “Hi Asa Tuji Avoi”. Itlean Mari avoi Devachea Putachi ti amchi avoi zali. Tikach ami dispott'ttim ulo marun magtanv: 'Maie, amche pasot vinoti kor atam ani amchea mornnachea vellar'. Kitlem hem orthaborit magnnem. Kallzak amchea ghottai haddta, mornnachi bhirant poisaita, kiteak amchi Avoi amkam aplea Puta fuddeant vhorunk ravta. Zonn ekleak aple vengent ti ghevunk sodta.
Bandra Ferent…
Setembrache 8 ver ami Ankvar Mayechea zolmacho dis somarombhtanv. Bandra Montir hoch to festacho dis. Monti Saibinnichi Igorz 16vea xekddeant ubharli. Punn uprant don pavtti moddun porot bandli. Atam asa ti 1904 vorsa bandlea. Festachea somoyar vhodd movjechi gozal mhonnlear 'Bandra Fair”
H. Briton ferientlem chitr pintarlam. Hea amchea kantoristan ek podd ghoddun ferientlim novlam chitarleant ani 'don anneank mog zoddlo eke Bandrache choliecho' mhunn sanglam. Fest ani Novenanchea nimitan vhoddantli vhodd feri thoim bhorta. Hozaramni lok he ferient vannto ghevun apli umed bagoitat. Dukonkar ani vepari oxim aplim dukonam mandddtat, ki lokak cholunk legun svat asona ani mottoram tor ekannench bond urtat.Teach khatir kaim lokak 20/30 minut cholun vochunk poddta ani thoim ravtoleanche bognar zatat. Bandrachi nagarpalika dukonkaranche lakhamni poixe gheta, punn thoim lokache tras polleunk te dolle damptat.
Igorjent dhormik karyavoll mannsugen cholta, borem xist dista. Punn vepar-dhondo cholovpi aplo mal vikunk lutti fetti kortat ani ratr bhor boro ueli-bôbô ghalun xezarchea lokak koxttaitat. Hacher Bandra ravtoleamni nixedh marla. Kaim lok hea ferichea bobllant aplea khas ghorant ravunk zaina dekun sumar att dis pois vochun ravtat mhonn khobor asa.
Onvdunchea vorsa Nitisobhent tannem firiad manddlea. Tanchem sangnnem oxem asa:' Mhanogorpalika (BMC) duddu kamaunche axen ispa bhair chodd dukonvaleank lisens dita ani xezarchea lokak fugar korta.
Doyall Avoy Ti…
Monti Saibinn Avoi ti amchi somestanchi, sogttank aple vegent gheta. Maim mhoji oxi ek vopar mhaka sangtali 'Maim nam, taka kaim nam'. Hoi, sogott mon'xanchem kalliz eke avoik axeta, dukhachea vellar tichea gopant asro sodta.
Amcho somplolo Juanv Paul Dusro Pap Saib Ankvar Mayecho vhodd bhokti aslo ani Tichoch to vhodd prochar kortalo. Ek dis khoim konn eklo dedd xhanno tache laghim sabsubo uzot korunk ailo ani Mari Mayecher zaitench virudh ulounk laglo. Pap Saiban taka ferem-ferem korunk dilem ani xevottak taka mhonnllem: 'Ixtta! Kotta tujem, Tuka maim na. Bongum! Tuka kaim nam”.
|
| UBALDO |
|
| Maim ti Mumboychi Mata-Devi Kolli lokanchi! |
|
| UBALDO |
 |
Ulhasnagar ek kherit xar dhondekaranchem.Sindhi loka khatir chodd famad zal’lem. Onek torecho vepar dhonddo korun, tum magxi tem rochun-ghoddun diunk te toyar asat. Hoi, Ulhasnagarant, sogllem tuka mellta, ekuch vost gavonam: tuji avoi (maim).
Ixtta! dor eka mon’xachem kalliz avoik axeta ani roddta. Ek veokti zantte pirayer legun pavlo zalear, aple avoiche vengent vochunk sodta. Mainchea maye-mogak sor korunk anink dusro mog na. Kolli mhonnxi Mumboicho purvilo lok. Nustem marop hench tanchem kam’ aslem.Tech ganvkar Mumboiche. Tech te MATAchi bhokti kortat ani teo panch bhoinni Mumboichem xar rakhtat ani samballtat mhunn madun ghetat. Heo asat teo MATA Mumboicheo rakhonn kortoleo, oso kolli lokacho somoz:
a)Mahimchi Mavli: Mahim, Bhag. Mikaelache Igorjent dor Budvarak hozaramnich lok Mahimche Mayek(Mata Mauli) bhettunk yetat. Hi Mata Mauli Kolli lokache chodd avddechi. Hi Igorz sollavea xekddeant ubharli mhunn purave asat.Tea lokachea monant ek somoz ghott riglolo asa.
Zoso Mahimche Maten aplea Puta Jezuk rakhla, tech ritin doryant veteleam apleam bhurgeank Ti aple vengent dhorta. Mahimche Igorjent vochun NOV BUD’VAR korxi tujem kosleim kam’ purem zata, oso visvas tanchea kallzant rigla.
b)Mumboi Devi: Bulleshwar ek mondir asa tem MUMBOI Devik bhettoilam.Tika Shakti Devi mhunnonui ulo martat. Shakti devi ek askarin mhonn Kolli lok mandta.
c)Mahalaxmi Devi:Doria deger Malabar Hills dogurlecher ek nazuk mondir dista.Hea mondirant devi asa. Tika tin navamni ulo kortat: Mahalaximi, Mahakali ani Mahraswati.Pavsalleacho movsam somptoch Naryal Poornima porob monoitat. Oslea vellar Kolli lok porot aplea dhondea khatir doryant vetat. Tea vellar te devik dhados korche khatir ek bhangarant nettoilolo narl doryant soddtat.
D)Sitala Devi: Maharaxttrache dorya deger kalleam fatramni ubharlelem mondir Sitala devik bhettoilam.Kolli ostoreo kherit bhaxen tichi puja kortat. Ti devi bori bholaiki diteli ani fuganv pidda pois korteli. Aichea somazant fuganvanchi pidda bhov thoddi dista.Oxem asun, Kolli ostoreo aplea ghovank doryant rakh mhonn tika vinonti kortat. Akhea jogant bhonvddi marxi ek matr sidh zata.Eke avoichi veng ani mainchi priti dor mon’xachem kalliz axeta. Mumboint ek vichitr zat asa.Tancho dhondo ag’gaddient ghusun lokachim bolsam poxeun, poixe chorop. Te legun aplea vavrak veche adim sokallim fantear Mata Maulik vati pettoitat. Hoi, aplea potta khatir tich tankam pavteli, oso visvas te dhortat.Mexico Guadalupe xarant gelear, Fransak Lourdesak bhett dilear,Portugalak Fatima-k pavlear, Valankanni Dokxinn Indiek denvlear hench amkam dixtti poddta.Devak mandinaslolo monis, MOGACHE AVOICHE vengent asro sodta.
Mount Mary Dongor Mauli: Mount Mary mayechi kotha, zobor surek ti. Ek nustem marpi kolli dadleak sopnant khoim Mata disli. Apunn doryant ufeta, mhaka vhorunk yo mhonn tinnem vinonti keli. Zaunchem kitem? Dusrea disa, doryant zall ghalunk gelear ek ankvar mayechi murti tankam meuli. Tich murti haddun dongurlar tannim ek imarot bandli. Nustekarank Dongor Mauli chodd podvedar lagli. Tika ulo marlear zallak sampoddtoli bhorpur masli. Mount Mary avoichea paiyam sorxim zat-kat vo dhormachi ontor dhorinastona, onek torecho lok pavta ani Dongor Mauli sogttank tankam apleo put-dhuvo mhonn gopant gheta.
|
|
|
| Novlam gomotichim, Mumboi amchi! |
|
| UBALDO |
 |
Hem xar amchem Mumboichem. Hoi re puta! Khub novlam-gomotichem. Khoinch disonam, tem hanga tuka mellchench. Mumboikar saikulvalo, to mottorak fattim ghaltolo. Telefon tuzo thambo-nastana vazoitalo, bil dektoch tuka zor yetolo. Shah Rukh Kah....
|
|
|
| MUMBOI KA RAJA morot… Mumboikar khontin kitlo roddot! |
|
| UBALDO |
 |
“Hoi,hoi! Mumboichoch Raza to. Rosteancher futtfutt korun dhanvtolo, khoim-sorui gustolo,konnakui pavtolo, thoddea bhitor tuka ghara pavoitolo. Konn to? Rikxa Mumboicho sadhea lokachea chodd moga-cho, khorench EK RAZA to.Mumboikar tek....
|
|
|
| MUMBOI TEM! Amchem, Amchem… Hem re KESTANV KOSLEM? |
|
| UBALDO |
 |
Yogi Guru bab Ramdev Bandra-Kurla mollar hozar loka thaim uloilo: Bharatacho dor kuddko, nhoi mhozo ani tuzo. Ek-ek vantto desacho, to amcho somestancho.’’Sot tem,sarkem uloilo. Aplea kallzantlo ul’las tannem bhair kaddlo.....
|
|
|
| Tem Somestanchem Fest Moujechi Bandra Fer |
|
| UBALDO |
 |
Mount Mary Saibinnichem fest mhonnlear ak’khi Mumbai urben nachta. Hindu, Musolman, Sikh ,Buddhist vo Kristanv dongravele “MATA MAYEK aplem noman korunk axetat. Tech borobor ferient bhonvadde marun ruchik san’nam sorpotel ....
|
|
|
Page
1
|
|
| |
|
|
|
|
RSS
