| Chillar Party, amdar-montreank xevttita |
|
 Tujea bhurgean kitem korum ieta, tem tujean chintunkuch zaunchena. 'Chillar Party' hem cholchitr polle ani bhurgim eka montreak lojek koso ghalta, tem sidh zatolem. Vaddlolim montreank bhietat, punn ek avhan koxem vaitt monachea montreak tim bhurgim fuddo kortat.
Amcho aicho sonvsar koslo to eka onath bhurgeachea nimannea utramni sidh korta. "Iskolant zaiteo boreo vostu xikun faido koslo? Karann vhodd zatoch zaiteo vostu ami visortanv."
Don toreche monis tea bollvont montrea-add vavrinant karann te ulounk bhietat ani add uloilear dusreank suttka na. Punn jea bhurgeank aplea avoi-bapai koddlean favo titlo adar mellta, eka borea vaura khatir tim bhurgim fodd-modd korunk fattim soronant.
Chillar Party bhurge Chandan Nagar kolonint ravtat. Punn jedna Fatka, ek bhurgo zo gaddyeo dhuvun aplo dispotto giras zoddtalo, tanche modhem aplea sangati sunnem Bhidu-k gheun ieta, tedna thoimsor sogllench bodolta. Sunnea add manddlolem zhuz polleopa sarkhem asa ani Chillar Party-che chedde fokt chedd'ddeo nhesun aplo nixedh martat.
Tornatteank xeokti asa, oxem tuven aikolam. Atam tem mhonn'nnem bodolpacho kall aila karann bhurgim odhik xeoktivont ani tanchean rajkaronn boldum ieta.
|
| FEROZ F | VIP |
|
| 'Dum Maaro Dum' acho domb |
|
| VAVRADDEANCHO IXTT POTROKAR I VIP |
 |
Dum Maaro Dum hea filmant Gõyant vikhallea vokhtanchem noxtt koxem bhitor sorta ani hacho dhondo koxe porim cholta hem dakoita. ACP Vishnu Kamath (Abhishek Bachchan), eka kallar hea vikhallea vokhtanchea ogunni ani bhroxttacharachem jivit jiyetalo. Jednam tachi bail ani put eka obsoegak sampddun mortat tednam tachem jivit bodolta. Vishnu Kamat (Abhishek Bachchan) Gõycho mukhel montri (Bugs Bhargava) taka apovun Gõyant vikhallea vokhtancho, kuddicho ani dusre vaitt dhonde kobar korunk magta; karonn hache vorvim Gõychem rup ibadd zalam. To aplea khal don kamdarank gheun aplem kam' suru korta. Mercy (Muzammi S. Qureshi) ani Rane (Govind Namdeo).
He kam' kortana tankam Laurie (Prateik) sampoddta, haka Ricky nanvachea mon'xan taka bhailea desant vhorun cocaine pavovpachem, zokat6-choryo korpachea kamant tacho zaitoch vapor kelo. Laurie zo Gõyant ravtalo to aplem fuddlem xikop korunk Amerikek vochunk bhair sorta tednach tacho ixtt Ricky tachem mon bodlun taka Amerikek cocaine pavoupak taka vavr dita ani tachea xikpacho khorch apunn korta mhunn sangta. Laurie poilo to vhorunk nakarta punn magir to kobul zata. Atam to pulisechea chopkeak sampoddta.
Joki (Rana Daggubati) zo eka girest udeogpotichea udeogant kam' korta ani Carlos Biscuita ( Aditya Pancholi), somzotat ki Laurie zaito huxar ani to ACP Vishnu Kamat-ak apnnacher il'lo patiyeunk laita; to apunn ek nennar mhunn sangta. ACP Laurie-k sogllem sangunk magta punn Laurie kainch sangina karonn to aple familichem chinta.
Joki Lauriek salvar korunk tachea kallzant ek umed yeta. 5 vorsam adim tannem Zoe-k (Bipasha Basu) air hostess zaupachea nadar jednam tem pulisechea hatant poddlem tednam Jokichea adaran tachea dhonian taka bhair kaddlem ani te kazari asunui taka bollan apli hokol keli. ACP Kamat aplea kamant gull asta ani Biscuita ho ek vhodd vikhallea vokhtancho dhondo choloupi dhoni punn tache poros vhoddlo Michael Barbosa asa.
Punn hanchem kam ho Barbosa konn tem sodunk ani hem kam' sompem nhoi, taka vollkhunk zoboruch avghodd zata kiteak to dusrea dusrea zageancher aplem rup ani nanv bodlit ravta. ACP Kamat aplea kamant sufoll zatolo kai? Barbossa ho konn? To jivo asa? Ani Joki Barbosak sampddavun diunk kitem korta? Laurie pulisank adar dita kai? Atam Zoe-chem kitem? Oxem hem cholchitr polletoleank uskaita .
|
|
|
| 'O Maria' Konknni bhaxek uklun dhorta |
|
| KYRIEL D'SOUZA |
 |
Thodde dis patthim hanv Konknni cholchitr, 'O Maria' polleunk gelom. Tem polleun hanv dadoxi ghora portolom. Ponn cholchitr polleun bhair sortana eke zantte bailen tea cholchitrachim fokannam kelim oxem mhonnun, "Ami 70 rupiamni tiatr ....
|
|
|
| 'O Maria' Goy sambhallunk ulo |
|
| DENZIL D'SOUZA| VIP |
 |
Ponnje: 'United we stand, divided we fall' hea mhonn'nnecher adarun, Rajendra Talak-an aplem Konknni cholchitr 'O Maria' 41vea ontoraxttrya cholchitr ustovak dakhoilem.
Amche modem ekvott aslear, amcher yevchim asa tim sogllim vaitt-v....
|
|
|
| 'How About Love' |
| kuttumbik sombondacher lokx ghalta |
| PIO ESTEVES |
 |
Stefan Haupt-an boroilolem ani digdorxit kel'lem Switzerland desantlem cholchitr 'How About Love' Goyant zal'lea 41-vea ontoraxttrik cholchitr utsovant dakhovpant ailem.
Fritz Reinhart ek nanv-vosto 'heart surgeon' ani Zurich-a....
|
|
|
| IFFI-cho Boball |
|
| FEROZ F |
IFFI 2010, ho Ontor'raxttrik Film Ustov Gõyant zata mhunn amkam soglleank obhiman bhogta. Novembrachea nimannea satollean thaun veglloch boball suru zata. Eke vatten veg-vegllea desanchim cholchitram polleun a....
|
|
|
| 'Valley of Strength' |
| Vichtr nateacher lokx ghalta |
| PIO ESTEVES |
 |
Ran Aviad-an boroilolem ani Dan Wolman-an digdorxit kel'lem Israel desantlem cholchitr 'Valley of Strength' mogachi kotha sangta ani tea uprant logna sombondacher uzvadd ghalta.
19vea xekddeachea xevottak jedna Eropi Judev pordexi lok....
|
|
|
| 'I am Kalam' |
| xikxonnachem mhotv dakhoita |
| DENZIL D'SOUZA | VIP |
 |
Ponnje: Bharotantlim 16 milhanv supurlim bhurgim iskolak vochonant, ponn ghoravi vavr (domestic work) korun aple dis sartat mhonn dixtti poddta. Oslem chitr nodrek distana, 'Smile Foundation' he bin sorkari songhottna (NGO) lhan bhurgeank t....
|
|
|
| 'Ami sogllim ekuch': Filmkar |
|
| DENZIL D'SOUZA| VIP |
 |
Bharot ani Pakistan he don veg-veglle des, ponn svotontr zaunche adim te ekuch des aslet. Mhojem cholchitr Pakistan-Punjab hantunt chitraupachem aslem ponn kaim karonnank lagun mhaka hem cholchitr Bharoti Punjab-ak chitranvchem poddle....
|
|
|
| Chuki vattaunk goroz asa |
|
| DENZIL D'SOUZA | VIP |
Chuki konna lagim ghoddonant? Oxem tor mhonnonk gelo zalear, tuka ekuch zobab melltolo. Char payamcho ghoddo chukta zalear, don payamcho monis kiteak chukcho nam? Oxem soglleamnim chintlem zalear fuddarak konnuch sudhorpachim panvlam marcho....
|
|
|
|
RSS
