|
|
|
|
|
 |
| |
::Kherit Lekh :: |
| Oddez vorsank Dokxinn Goyant 385 vahanancheo choriyo |
|
 Ponnje: Fattlea oddez vorsank Dokxinn Gõyantlea choddxea vahanancho vo chortoleacho pot'to Gõyche pulisek mellunkna mhonn V. Ixtt protinidhin Ponnjechea pulisechea mukhel kocherintlea eka odhikarea koddlean gomun ailam. Dokxinn Gõyant itlim vahanam choriyek geleant tantunt mottorsaikollincho ani iskuttorincho chodd ankddo asa mhonn odhikari sangta.
V. Ixttan pulis odhikarea koddlean odik mahiti ekttailea tea pormannem him don rodanchim vahanam chorpeancho Gõyant ek mottoch pongodd vavurta. Ani tanche zall Gõychea sezarchea rajeamni poryan posorlam mhonn spoxtt zalam, punn favo te purave ani govai naslolean pulisek tancher hat ghalunk borech kotthin zata. Vahananchea choriyam vixim odik mahiti ditana pulisamni sanglem ki Janer 2009 tem June 2011 fokot eka Dokxinn Gõyant 385 vahanam choriyek geleant mhonn tokrareo Saxttintlea veg-vegllea pulis chovkeancher nond keloleo asat. 2009 vorsa 149 vahanam choriyek gelolim tim 2010 tancho ankddo 166 zalo. Ani chalu vorsa Junh meren 84 vahanam chorun vheleant mhonn nond zalam. Hea vorsache sov mhoine urleat. To meren anik kitlea vahanancheo choriyo zatoleo kai mhonn Gõycho lok pulis khateak kortat mhonn anik eka pulise khateantlea unchlea odhikarean V. Ixttak sanglem.
Dokxinn Gõyantlea Moddganv lokachi gordi aslolea hea xarant chodd vahananchi chori zalea. Hantunt don rodamchea vahanancho chodd aspav asa. Tanche fatta-fatt jip, udeogik vahanam (commercial vehicles) chodd chorun vhortat. Ani pulisek vahan chorun vhelolea zageacher sodpus korpa khatir kosloch puravo mellonam, oxem anik eklo pulis odhikari sangta. vahanam choriye vixim anikui mahiti melloilea tea pormannem gomun ailam ki chorlolea vahanacho dhoni pulisent tokrar nond korta. Punn zoborxi karvai keloli disona. Urfattem pulisuch vahanamchea dhoniyank sangtat ki tokrar korun kainch upeog poddcho na. Punn vimo (insurance) vimo komponi kaidexir ritin orz keli zalear vahanacho vimo tori mellum yeta mhonnpacho onnbhov zaiteach choriyek gelolea vahanamchea dhoniyamni ghetla oxem pulis odhikarean sanglem.
|
| STANLEY VAZ I VIP |
|
| San Juanv-achi porob nanva purtich? |
|
| PIO ESTEVES |
 |
Junache 24-ver Igorz-Mata Bhagevont Juanv Baptistachea zolmachi porob monoita. Ankvar Mori aple mauxe-bhoinni Elizabeth-ik bhett diunk geli tedna, tichea kusveant aslolea ballok Juanv-an khuxalkaien uddnam marlim.
To somorombh monant dovrun, Goykarank to dis ek kherituch mhonnpacho karann tea disa khuxechea nadar Goykar bhav-bhoinni aplea ghora bhonvtonnim aslole baint vo udkan bhorlole lagxil'le nodint uddki marun, aplo vell movjen sartat.
Junacho mhoino pausacho mhoino mhonnttoch, chodd-xeo amcheo baimyo ani nodi udkant bhorloleo amkam melltat. Toxem astam, te sondhecho faido gheun, baint vo nodint uddki marop Goykarank ek poromporik chal vo sonvoim zaun gelea.
Kaim ganvamni ti chal vo sonvoim ozun chalu asa. Thoddea ganvamni bhav-bhoinnim ektthaim ieon, follam-fulam ani mittai vanttun, ti porob ghonnghonnan monoitat.
Ponn halinchea kallar, amchea ganvamni chodd-xeo amcheo baimio puroun geleat. Bhov thoddeam ganvamni udok pieopa sarkhel'leo baimio amkam melltoleo. Ani teo amche sevek ozun asat zalear, 'Sanv Juanv, Sanv Juanv' bob marun, baint uddki marun, teo mhelleo korop sarkhem asa?
To dis khoreponnim movjen sarcho asa zalear, nodint vo doryant uddki marun, amchea bhav-bhoinnamni aplo vell khuxalkaien sarum ieta. Dusri gozal mhonnlear hi: Ti porob monant dovrun, thodde amche tornatte ani dadle aplea hatant soreachi battli gheun, soro boroch pietat ani tea uprant baint vo nodint uddki marun, ollxigecheo kornneo kortat. Vangddach, aplo molladik jiv sonkoxttant ghaltat.
'Drinking and driving cannot go together' mhonntat te bhaxen, atam 'Drinking and diving cannot go together' mhonnpacho kall udela. Mouz korchi asa zalear, soro kuxin dovorcho. Sorea vinnem eka-mekachim fokan'nam korun, aplo dis umedhin sarcho. Ani thoklea uprant, jevonn kortana, il'lem kopachem gheunk boschem.
Don, tin vostu vangddach korunk proitn kelear, duspott zaunk xeokta ani tea uprant naka zal'leam upodreank fuddo korcho poddta. Tea khuxalkaiechea disa, be-moriadin vell sarun, amcher ani dusreancher mud'dom sonkoxtt kiteak magun gheum-ia?
Halinchea vorsamni torekvar hotelamni 'Sanv Juanv Splash' mhonnon kaim karyavolli ghoddon ietat. Jevnna-khannam vangdda, thoimsor aslolea 'swimming pool'-an uddki marun, akho dis movjen sarunk zaiteo sondheo melltat. Ti ek khoxechi khobor.
Amchi porompora ami sambhallum-ia, ponn kalla pormonnem amam-somestanchea boreak ani faideak adol-bodol haddunk vavrum-ia. Toxem korunk amcho proitn zalo zalear, Sanv Juanvachi porob khorea orthan khuxalkaiechi porob amkam zatoli. Zaum!
|
|
|
| Mollba Sokoll Vichitr Gõykar |
|
| MANUEL FERNANDES |
Gõykar te magir hindu, kristanv,musolman asum. Soglle ek pengott bandun 'Konknni Porjecho Avaz', hea bavttea khal ekttaim zale ani pott'tiddken vavrun, Gõychi Konknni raj'bhas korun ghetli. Atam ti zogddun-morun melloun ghetlo....
|
|
|
| Bharoti khellgoddi khella adim Povitr Pustok vachta |
|
| THE WEEK |
 |
Kerala: Ek lojist tornattem zaka iskolant xahanurj (ostrich) nanvan pachartale tem atam Bharotachem vhoddlem basket ball khellachem ostad zalam, tachem nanv Geethu Anna Jose. Basketboll khella xivai tem Devbhokti chodd korta. Dor disa khell....
|
|
|
| Adim ani atanchea Goyant |
|
| MAGGIE FERNANDES |
 |
Amcho Kristanv lok fuddem sorta ani tacho faido Hindu lok gheta. Koslo faido zalo? Hindu lokamni Konknni Devanagri lipi keli tedna Kristanv lok ogich ravlo. Toxem korun, atam toch lok serkari nokreo gheunk Gõyant asa. Amcho Kristanv ....
|
|
|
| Konn Zababdari? |
|
| AVISON FERNANDES |
Somazant zatolea vaittacho zobabdari konn? Tacho hanv ani tum zobabdari. Hi zobabdari mandun gheunk khub kotthin, hem hanv borem zannam. Ho mhozo ani tuzo svobhav kednam bodoltolo? Kednam mhunn hanv ani tum khori zobabdari gheunk xikt....
|
|
|
| Zoim bhavart vosta, thoim 'Povitr Atmo' asta |
|
| STANLEY VAZ | VIP |
 |
Ponnje : "Zhoim bhavart vosta, thoim Povitr Atmo" asa. Bap, Put ani Povitr Atmo teg zonn ekuch Dev. Mon'xam ani Deva modem sonvad korunk Povitr Atmo mhotvacho vavr korta. Povitr Atmeachi sfurti dor eklea bhitor asa. Ti ami jivi do....
|
|
|
| Chol-ya... ami porot xikum-ya! |
|
| AVISON FERNANDES |
 |
Suttiyo sompot aileo ani porot xallent vochun xikpacho vell pavlo. Suttiyo anik thodde dis aslear khub borem zaupachem oxem bhurgreank dista. Xallent vochop mhunnge anik ekdam lisanv….. ani lisanv. xallent vochop mhunnge 'homework, a....
|
|
|
| Kristachea pekovnnechea vavrant mhaka sfurti mellta: Binayak Sen |
|
| VIP |
 |
Tamil Nadu : Somajik hok'kancho vavurpi Binayak Sen aplea jivitant Kristache pekounnechea muniarponnacho probhav zala mhonn sangta. Fattlea vorsa Chhattisgarh rajyache nitisobhent 'sedition' bondkor tharavun guneanvkari kelo ani Sen-ak jivi....
|
|
|
| 24 Vorsam Kuraddecho Adlo Ghay |
|
| JOSE SALVADOR FERNANDES |
Junache 6ver, dhongi Bharoti Bhaxa Surokxa Manchan(BBSM) Bharotiya Janata Pokxachim (BJP) zobordostechim mulam (clutches) vaprun 'Gõy Bond' kelem. Karonn? Xikpi bhurgeank zai zalear mullavea panvddear inglez madeomantlean-ui xikovpac....
|
|
|
Page
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32
|
|
| |
|
|
|
|
RSS
