 |
| |
::Ganv- Ganvcheo Khobro :: |
| Sonvsarant bhov fanki Gõykar Eduardo Faleiro |
|
 Adle fuddari zoxe uloitale toxich tanchi vagnnuk-ui astali. Aplea totvank chittkun ravtale. Te totvank zoglle dekhun tosle totvanche niz fuddari lokachea kallzant ghor korun omor zale. Osle kortubkar, nixtthevont, lokachi kallji ghevpi azunui asat punn bhov thodde. Tantunt osle ponktint bospi ek fuddari mhonnlear ani konnui nhoi tor amcho mogacho Gõycho NRI Ayukt Xri Eduardo bab Faleiro. Xri Eduardobab ek dheinixtt, totvnixtt, khub unchle panvddeacho, namnnecho raxttrik patllevoilo fuddari hem sot konnuch nhoikarunk xokona.
Eka kallar (1977) jedna Indira Gandhi Prodhan Montri asli ani Emergency ghoxit zal'li tedna choddxe rajki fuddari tichea virodhant asle ani sogllench vatavoronn duxit zal'lem. Te vellar khombirponnan tichea fattlean ubo ravun tika Sonsodent dhir divpi amcho tednacho khasdar Eduardbab Faleiro! Indira Gandhik tannem vella vellar khub dhir ani rajki ronn-niticher sol'lo dila.
Te pasot Indiraji tacher khub khuxi asli. Tachi ti dhei-nixttha ani dex-nixttha khoreponnan tokhnnavpachi! Jedna 1986 vorsa Rajiv Gandhi Prodhan Montri zalo ani tachem sorkar ghoddlem tedna tannem Eduardobab Faleiro-chi vidvot'ta, rajya-xastrachem tachem khol ginean, tachi ulovpachi kola ani dex-nixttha vollkhun taka videx-vevhar montraloyacho Rajya-montri kelo. Sonvsarant vhodd Lokxai aslolea Bharat desachea Kendr sorkarant Ek Gõykar monis montri zaupacho poilo bhovman Eduardbaban zoddlo.
Uprant Kendriya Rajyamontri mhunn Duddva-khatem (1988-89); magir 1993-1996 e dormean Sarem ani Rosayan; toxench Sagor Vikas ani Electronics, Sonvsodentlo vavr (Parliamentary Affairs) oslim khatim tannem bore toren samball'lim.
Des-Videsant kortobgari gazoupi ani Bharat desacho mutsod'di mhunn vochot thuim desachi protixttha unchaupi oso ho Eduardbab aple bhurgeponnar thavn khub huxar. Sokriy rajkarnnant bhitor sorche adim to LL.M. hi Post Graduate Digri ghevn advogadachi prekttis suru korun mukhar to Supreme Court-acho Jextt Advogad mhunn kesi choloitalo. 1971-76 meren to Gõyche Vidhan Sobhecho Amdar aslo. 1986 te 1996 vorsamni Kendr Montri zaun to vavurlo ani desachi seva kortana Gõy ani Gõykaranchem hit kednach visorlona.
Konknni hi Gõychi rajbhas mhunn manun ghevpak ani Gõyank 'Ghottok rajya' korpa sombondhi tannem Sonsodent 'prostav' (Bill) vhorun avaz utthoilo. Kiteak lagun Gõy 'ghottok rajya' korunk zai tem probhavitponnan tea kallar pottoun divpi khasdar to Eduardbab Faleiro.
Congress Standing Committee on Foreign Affairs-cho ani oslea kitlexeach Ontor-raxttrik zapsaldarichea karbharancho mukheli vo zallvonndar mhunn tachi jogbhor chodd bori protima (image) asa. United Nations ani U.N.E.S.C.O.-n ghoddun haddlolea World Commission on the Oceans he khub unchlea panvddevelea sonvsthecher Bharat desachea Montrimonddollacho protinidhi mhunn Eduardobabacho aspav heo gozali sogllea Gõykarancho man obhimanan unchaupi oxech asat!
2006 vorsachea Marsan thavn Xri Eduardo Faleiro 'Onivasi Bharotiyancho Ayog' he karyalayacho Ayukt (Commissioner of NRI Affairs) mhunn zapsaldari samballttat. Ho zapsadaricho vavr bore toren kortanach “Universal Peace Federation'-che 'Vixva-Xanti'chem karya legit khub bore toren te fuddem vhortat. 'Live for the sake of others' mhonnlear dusream khatir jiyeunchem oso sondex sonvsarbhor patllavpa khatir tem 'federation' vavurta. Te ud'dexan khubxe kodden 'porixodo' ghoddoita. Vingodd vingodd molla voilea zannkarank nimontronnam divn ektthaim apovn monisponnachea niti dhormacho prochar zavcho, mon'xa-mon'xam modem mog vaddik lagcho, mhunnun eka-meka lagim bhasabhas korun 'ekatmotecho' nixkorx kaddtta. Sonvsarik xantotayechea mokhin choloil'lea he vavrant amchea Eduardobabacho xinvancho vantto asa.
Addmellink sohozponni tondd divn tancher zoit zoddpi, jogbhor desachem toxench Gõychem nanv prosid'dhichea tengxer vhorpi oso amcho xrextth ani adorx Gõykar Xri. Eduardo Faleiro.
Des-videxant Bharat sorkarachem protinidhitv kel'lo, unchlea panvddecho, raj-niticho kholayen obheas aslolo, atm'-visvasacho, soglleankuch lagim korpi godd ani vhodd monacho Eduardobab Faleiro sarkelo lok-protinidhi aichea kallant mellop hem amchea Gõykaranchem bhagya.
|
| ASHOK R. CHODANKAR |
|
| 'Sutrsonchelon korunk mahitich puro na: Dr. Vaidya |
|
| VIP |
|
Moddganv: Eka sutrsonchalon korpi mon'xak fokot mahiti asop puro zaina, punn kitem uloita tea vixoyacher zannvai asunk gorjechem. Toxench taka dusrea-i vixoyanchi khobor asunk favo, oxem fanki sutrkar (compere) Dr. Ajay Vaidya-n ulovpant sanglem. BPS klubant Dalgado Konknni Akademin dusrem Konknnint sutrosonchalon xibir ghoddun haddlem. Xibirant Dr. Vaidya-n ulovp kelem. Sutrsonchalon korunk ek sutrkar zababdari gheta. Karyavollik xistichem vattavoronn sambhallunk tachi zababdari mhunn Dr. Vaidya-n sanglem. Survatek Dr. Vaidya-chea hatantlean xibirachi ugtavnni zali. Gõy Konknni Akademicho up-odheokx Premanand A. Lotlikar sochiv Jose Salvador Fernandes suvalleak hajir asle. Konknnint sutrsonchalon korunk xikpachim xibiram ghoddun haddchim mhonn magnni asa. Fonddem ani Kankonna oslim xibiram korunk DKA-chi yevzonn asa.
|
|
|
| Soro Jivak Boro? |
| Hospicio-Hospitlant soro piyeun 130 mornnam. |
| VIXAL KANDEPARKAR I VIP |
Moddganv: Allopathy ani sorea modem koslo sombond asa? Soro soddunk Ayurved ani Homeopathy hache poros Allopathy ilaz ghevpi piddest chodd asat mhunn gomun ailam. Toxench fattlea 2 vorsank soro piyeun mortoleancho ankoddo 130 za....
|
|
|
| Dhonddekar zaun Gõykaramni fuddem ievnk zai |
|
| VIP |
Porvore: Halinch 'Maharashtra Centre for Entrepreneurship Development' (MCED) kendrachi ugtavnni zali.
ANN institute-cho odheokx A.N. Nagvenkar mukhel soire mhonn hajir asle. Khanavoll soreachi dukhanam vo bazarant vavr korche poros, ....
|
|
|
| Konkan Relvechi 75 kruttanchi yevzonn |
|
| VIP |
Ponnje: Gõyant Konkan Relvechea Mhamondollachi 75 krutt rupyanchi yevzonn asa mhonn KRC-cho Karbhari Direktor Bhanu P Tayal-an sanglam.
Punn he yevzonnek ganvchea lokacho tenko ani sohokar mellchona mhonn dubhav asa. Torui asta....
|
|
|
| Devan amkam bhorpur axivadamni bhorleat, dekhunuch ami odik khaltikayen jiyeunk zai |
|
| MILTON RODRIGUES |
 |
Pilar: Devan amkam bhorpur axivadamni bhorleat, dekhunuch ami odik khaltikayen jiyeunk zai, oxem Pilarche Sonvsthechea Xrextt Vhoddil Pri. Tony Lopes-an sanglem. To Misacho mukhel iadnik aslo. Otubrache 12ver Pilarche Igorjent Pilar Saibinn....
|
|
|
| Gõykar padrik Sant korpachem ‘campaign' |
|
| VIP |
 |
Ponnje: Pordesant aslolea Gõykaramni 18vea xekddeantlea Gõykar padrik, zaka Sri Lankecho Apostl mhonn pachartat taka Santacho man mellun gheunk 'online campaign' mohim suru kelea. Hea vorsa Bhoktivont Juze Vazachea mornnacho t....
|
|
|
| Raiturche Siminarik 400 vorsam |
|
| VIP |
Raitura: Raiturche Siminarik 400 vorsam bhortat tea nimitan 'Katolk dhorm ani adhunik vidneanxastr' hea vixoyacher 4 disachi Ontor'raxttrik porixod astoli. Pontifikal Council For Culture, Rome; Department of Humanities, St John's New York a....
|
|
|
| 'Bonaventure D' Pietro-n kotha ugtaili |
|
| VIP |
Ponnje: Gõychi osmitay rakhun dovrunk aple bhitor prerna nirmann zali mhunn kadambori boroitolea fanki Bonaventure D'Pietro-n jahir kelem. 'Meet the Author' karyavollik Xri D'Pietro-n ulovp kelem. Sahitya Akademin Otubrache 8ve....
|
|
|
| Kenyat ravtoli Goykarn European Unoin-achi buddhinar |
|
| VIP |
Londan: Kenyant ravtolim Goykarn, Dr. Rose D'Sa, British sorkaran European Economic and Social Commiittee-chi (EESC) novi vagddi mhunn nivodd kelea. 2015 vorsa meren sonsthechi vangddi astoli.
Dr. D'Sa European and International....
|
|
|
Page
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47, 48, 49, 50, 51, 52, 53, 54, 55, 56, 57, 58, 59, 60, 61, 62, 63, 64, 65, 66, 67, 68, 69, 70, 71, 72, 73, 74, 75, 76, 77, 78, 79, 80, 81, 82, 83, 84, 85, 86, 87, 88, 89, 90, 91, 92, 93, 94, 95, 96, 97, 98, 99, 100, 101, 102, 103, 104, 105, 106, 107, 108, 109, 110, 111, 112, 113, 114, 115, 116, 117, 118, 119, 120, 121, 122, 123, 124, 125, 126, 127, 128, 129, 130, 131, 132, 133, 134, 135, 136, 137, 138, 139, 140, 141, 142, 143, 144, 145, 146, 147, 148, 149, 150, 151, 152, 153, 154, 155, 156, 157, 158, 159, 160, 161, 162, 163, 164, 165, 166, 167, 168, 169, 170, 171, 172, 173, 174, 175, 176, 177, 178, 179, 180, 181, 182, 183, 184, 185, 186, 187, 188, 189, 190, 191, 192, 193, 194, 195, 196, 197, 198, 199, 200, 201, 202, 203, 204, 205, 206, 207, 208, 209, 210, 211, 212, 213, 214, 215, 216, 217, 218, 219, 220, 221, 222, 223, 224, 225, 226, 227, 228, 229, 230, 231, 232, 233, 234, 235, 236, 237, 238, 239, 240, 241, 242, 243, 244, 245, 246, 247
|
|
| |
|
|
|
RSS
