|
|
|
|
|
 |
| |
::Jivitache Umedhir :: |
| Tum avoychem dud piyelay? |
|
 Avoychem dud bhurgeak pustik jevonn. Jem bhurgem aple avoychea dudacher vaddta taka koslich pidda lagona. Tem odik huxear asta ani heram poros kuddin bollvont zata ani surokxit asta. Him bhurgim dusrea bhurgea bhaxen duent poddonant vo tankam 'allergy' zaina. UNICEF, WHO bhurgem zolmotoch ek mhoino udok legit dinastana avoychench dud dilear odik borem mhonn suchoita. Ani uprant 2 vorsam meren bhurgeak dud dilear kainch vaitt zaina. Hache vorvim bhurgeachi bore toren vadd zata ani Soimbik Kuttumb Yevzonnek sompem zata. Horddeachem dud mhonnlear ek mhotvacho upay bhurgeam modem 'space' asunk ani bhurgeache kuddin 'pro-lactin' hormone nirmann zaunk.
Halinch Sokurchea Xmti. Anna Coelho hinnem aplea ghorkara Valey sangata 'Engaged Encounter Weekend' ani 'Marriage Encounter Weekend' toxench pro-life hea vixoyacher xibir ghoddun haddlem. Ti aplea onnbhovantlean oxem sangta, "Amkam hem ek Devachem dennem, ami avoyeô zaun bhurgeank dud ditanv. Bhurgeak dud ditolea avoyank chodd kall gorb yena (infertility) Hem Devanuch dil'lem soimbik dennem avoyank. Dekhun Ji avoy 2½ ani 3 vorsam legit bhurgeak dud dita ti avoy vegim gorbest zaina, oxem Anna sangta.
Zaiteô avoyeô don torechem dud bhurgeank ditat. Avoychem dud ani bazarantlem dud. Haka lagun thoddeach kalla modem dudachem promann unnem zata ani eka vorsa bhitor heo avoyeô bhurgeank dud divpachem bond kortat. Horddeachem dud ditoli ani chodd bhurgim asloli avoy bholaykent bori asta mhonn Anna sangta. Jednam bail gorbest asta, tednam tiche bhitor 'hormones' nirmann zata. Ani he hormone avoyk bhurgeacho bore toren sambhall korunk adar ditat.
Anna apnnachech onnbhov sangta: Hanvem mhojea nimannea bhurgeank 3 vorsam 9 mhoine dud dilem. Uprant tannech dud piyeupachem soddlem. Hachem mhotv amkam atam kollun ailem.
Amchea dusrea bhurgeank oslo faido mell'lo na mhonn atam khont bhogta. Tisrea bhurgeak ek voros mamerachem dud diunchem poddlem karann hanv chovte pautti gorbest zalim. Tisrea bhurgeak favo tem avoychem dud mellunk naslolean tachea dantanchi ani mollachi akarnni bori zalina. Atam to dantak 'braces' ghalta oxem Anna sangta.
Taka ekleakuch mamerachem dud piyevpak poddlem. Eka obheyasa pormannem jea bhurgeank sarkem avoychem dud mellona te vhodd zatoch sigaram voddunk, vikhallea vokhdanchea ogunnank sampoddtat. Karann tanchea bhurgeaponnaveli axa puri zaunk na.
Avoychean ekach vellar dogam bhurgeank dud diunk zata zalear ami nokllom. Bailo gorbest astana legit tannim bhurgeank dud dium yeta oxem toren kusveant aslolea bhurgeak ani dusrea bhurgeak legit avoychem dud mellta. Hea vellar avoyk tras zaum yetat punn uprant tinnem visov gheunk zai. Zaiteô avoyô bhurgeank dud ditat.
Bhurgem zolmotoch avoychem dudu piyeunk survat korta. Ani avoy bhurgeank zai tea vellar aplem dud dita. Jednam dusrem bhurgem zolmota ani tem avoychem dud piyeta, hea vellar adi dud piyetolem bhurgem novea bhurgeak avoychem dud mell'le mhunn dukhi zaina. Osleo ghoddnneo zaiteo ghoddtat. Ani heo avoyeo khuxal asat mhonn thavem zata.
|
| PANTALEAO FERNANDES |
|
| Noxib ugoddtolim 'wheels' |
|
| OPEN |
 |
Eka obsoegant jivit bodolpachi tank asa. 12 vorsam adim, Keralachea Kottayam ganvchea, Biju Varghese-ak motorsaikolicho obsoeg zalo ani tachi kudd ar zaun dhorli. Automotive Research Association of India (ARAI) hachi porvangi melloun, opangull mon'xank cholunk zata tosli gaddi toyar korunk taka hea obsoegantlean sfurti mell'li. 2007 vorsa, Prodhan Montricho 'best inventor' puroskar taka favo zalo.
'Electronics'-a vatten avodd bhurgeponnim thaun tache bhitor vaddot asli. Tacho bapuy ek sadho xetkamti aslo. 12vi meren aplem xikop purem kelea uprant tannem aplea, kunhad-ak (brother-in-law) tachea vavrant adar diunk suru kelem. Tannem Biju-k 'chokes', 'stabilizers' ani 'inverters' osleo vostu toyar korunk xikoilo. 1996 vorsa, 26 vorsanche pirayer taka bhirankull obsoeg zalo. Hanv mhozo jiv sompounk sodtalom. Punn monbhong (depression) zauncho nhoi mhonn hanvem proytn kelo. Mhojem kalliz, hat ani tokli svost asloleachi mhaka khuxi zali" oxem Varghese-an sanglem.
Tea uprant, ghora 'chokes' ani 'stabilizers', korun hospitalamni, karkhanneamni ani posreamni vhorun to vikhunk laglo. Survatek taka khub tras zale, punn ho dhondo vaddot ravlo ani 2003 vorsa, aplem sopon, ek motor-gaddi gheunchi, purem korunk taka sondhi favo zali. Vorsam adim ek 'handy car' toyar korchi tachi ich'ch asli; heach pasot tannem apleak draivor dovrunk na.
Hanv antullnar aslom tednam, Amerikechea Raxttrpotichea vimanacho, 'national goegraphic'-acher karyokrom pollelo, ani hache avddin, opangull mon'xamni cholunk, sogllem niyontron (controls) hatant dovrum yeta tosli gaddi toyar korunk hanvem yevjilem. Aplea khaxea gaddiyecher proyog kelo. Ho tacho proytn yesesvi zalo. Haka, loksompork sadhnachea adaran osleoch gaddyo toyar korunk zaiteamni magnni keli. 2007 vorsa 'best inventor' puroskar taka diuncho mhonn sorkarak suchoilem. Tea uprant ARAI hachi porvangi melloun gheunk tache proytn zale. Char vorsamni, Keralachea sorkaran taka hachi porvangi dilea uprant, Pune xarant taka osleo gaddyo topasunk amontronn dilem. Atam taka, 'Skoda', 'Ford', 'Volkswagon' ani 'Nissan' osleo 13 torencheo gaddyo opangul mon'xank toyar korunk porvangi dilea. Zor ho obsoeg mhaka zaunk naslo zalear, konnuch vollkhona toslo 'electrician' hanv urtolom aslom, oxem Varghese mhonnta.
|
|
|
| ‘Xikunk nasloleank nokreo nirmann korunk somajik dhondekaranchi goroz’ |
|
| FEROZ F I VIP |
 |
Porvore: Xiklolea mon'xank nokreo divpi dhondekaranchi (entrepreneurs) chal zalea. Punn somazant xikop naslolea lokak nokreo nirmann korpi aiz chodd gorjechem zalam, oxem Dr. Eugenio Viassa Monteiro-n sanglem.
Julayche 29ver&nbs....
|
|
|
| Bapay viret bhurgeank margdorxonn mello nam |
|
| FEROZ F I VIP |
 |
Merces: Dor familint bapaychi zababdari bhov mhotvachi. Bhurgeank bapaycho sangat na zalear tanchea jivitacher vaitt porinam zaum yeta mhonn Pri. Clifford Castelino sangta. Gõychea bhurgeancher bapaycho odhikar ani bhurgea sove....
|
|
|
| Kazuchim garfam pikavoll chodd ditat |
|
| VAURADDEANCHO IXTT PROTROKAR | VIP |
 |
Valpoi: Kazunchea zhaddanchea khandiyank 'air layering' garfam kelear vegim kazu lagtat ani chodd pik mellta. Oxem amche poromporik kazunchi pikavoll samballunk sompeponn mellta mhunn Krishi Samrat Pri. Inacio Almeida-n sa....
|
|
|
| 'Stress' zal'lea mon'xak Jezucho onnbhov somadhan dita: Pri. Patricio |
|
| FEROZ F I VIP |
 |
Pornnem Goy: Atanchea kallar zaitea mon'xanchim monam guspagondollant poddtat ani tanchem 'stress' vaddlam, punn Jezuk onnbhovtoch tankam somadhan mellta mhonn fanki Jezuit pregador Pri. Patricio Fernandes sangta. Pornneam Gõyantlea ....
|
|
|
| 'Bhurgeanchea bhavartachi akarnni korunk avoy-bapayank somzaunk chodd avghodd' |
|
| FEROZ F I VIP |
 |
Pornnem Goy: Bhurgeanchea bhavartachi akarnni korunk kitlem gorjechem tem mandun gheunk avoy-bapayank somzaunk chodd avghodd, oxem Dev-sondexkaram ani padri gunngunntat oxem Kristi Dotorn Xikovpachea Kendracho director Pri. Alfred Vaza....
|
|
|
| Bharot Qatar-a add harlo |
|
| VIP |
 |
Doha : Halinch Doha-Qatar-chea Al Sadd moidanar zal'lea Pre-Olympic qualifier-an Bharot U-23 ani Qatar U-23 hanche modem zal'lea eka khellan Bharot U-23 Qatar U-23 add 1-3 golamni harlo.
Khellache survatek Jeje Lalpekhlua-n Bhar....
|
|
|
| Maina Sports Klub Pdr. Chico Kop ubharta |
|
| THOMAS FERNANDES| VIP |
 |
Kandole: Halinch Kandolle Sports Kluban ghoddun haddlolea Pdr. Chico Kop futtbol khellant, Maina Kluban Futtbol Klub Siole-chea pongddacher 'penalty'-chea adaran 9-8 oxi har dili ani Pdr. Chico Kop aplea tabeant kelem.
|
|
|
| Bharot ODI series jikli, atam 'test'-icher nodor |
|
| VIP |
St Sabina Park: Chalu aslolea Bharot ani West Indies krikettan Bharot pongoddan ek T20 khellant West Indies pongddak haroilo ani uprant 5 eka-disachea khellant Bharot pongddan West Indies-a add 3-2 oxea khellamni zoit mellon, ODI jikl....
|
|
|
Page
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47, 48, 49, 50, 51, 52, 53, 54, 55, 56, 57, 58
|
|
| |
|
|
|
|
RSS
