|
|
|
|
|
 |
| |
::Vachpi Boroytat :: |
| Minacher nirnnoy zannvayen gheuncho |
|
Gõyant Purtugez kallar thavn minacho dhondo suru zalo. Tednam thavn Gõychea lokak nokreo zaleot, lhan vhodd nokreo korun lokan aplem udarposonn kelem. Barje ani ttrok bhorun min vhortale, poilem minacho dhondo Bichole Siriganv suru zalo ani uprant il'lem il'lem korun ho vavr choddot gelo. Mina kaddpacheo komponeo vaddleot. Lokakui nokreo zaleot. Ponn atanchea vorsamni novim-novim mixinam ailim ani hatamni kortale to vavr mixinam korunk laglim, vavr vegim zaunk laglo. Thoddea lokacher far ailo.
Atam kortam-kortam minacho vavr hixba bhair vaddlo, ganvchea lokache bholaikecher mar poddlo. Ttrokamni vhortolea minak lagun dull chodd chodd zata, haka lagun lokak pulmanvchi pidda zalea. Gõychea poryavoronn ibadd zait veta. Zhaddanchi rananchi girestkay sompta. Minanchea ttrokam ponddak poddun kitlech obsoeg zaleat.
Proxn uprastat te xantin suttave korunk zay. Ponn kaim mon'xank aplem sadovpak loka modem uchambollay kortat. Dekhun kosloi proxn suttavo kortana bore ani lokachea faideache upay gheunche.
|
| SEBASTIAO VAZ, KURTORIM |
|
| Brestara Disa, Pilar |
|
| FEROZ FERNANDES |
 |
Tumi 'Bara Brestar, Tera Sukrar' hi mhunn'nni aikolea astoli. Pilar yeta tea lokanche 'Bara Brestar ani Tera Sukrar' zatat, tem-ui aikolam zatolem. Punn choddxea lokanchea jivitant bara brestar ani tera sukrar zaleat te Padr Agnelachea mozotin Devacho axirvad tancher poddta. Hanga dil'leo kaim goxtteo lokamni amkam aplea kallza-monache udgar borea monan ugddape keleat.
Bara Brestar... Upkarache
Pilar kiteak yeta?--oso vichar kelear, "mhaka ek upkar zai vo mhoji pidda bori korunk magunk yetam," osle zobab aikunk melltat.
Tem sogllem mellunk, lok bhoktin misant ani kumsarachea sakramentan bhag ghetat. Punn tea bhoktachem mon anink kitem ogllem korunk toyar asat. Novenam, piddestachem magnnem, tumblacho ani relikecho umanv, ani adi.
Mhaka upkar mel'lo! Khuxal zaun zaito lok apleak mell'lolea upkarachi khobor sangta. Kocherint vochun kollit kortat ani hea amchea potrar chhapunk magta. Punn zaito lok Pilar ieon apleak mell'lole upkar kollit korunk fattim sortat vo Pilar yetoch ghuspotat ani kocherint lutt asa ti polleun, ghora portota.
'Evangel rozar kor' Fadar, mhojer evangel rozar kor. Misa uprant ami igorjent evangel rozar kortanv. Punn toriastona zonn ekleacher evangel rozar kelea bogor thoddeank thar lagona. Tancho bhavart polleun,Pilarche padri odik khuxal zatat ani tankam kherit evangel rozar kortat.
Man. Agnelachea fonddachi mati gheun lok zaito sodhta. Punn kocherint thaun ti vhorunk goroz asa. Ek pavtt eke Hindu bailek Pilar vochun mati haddunk laili. Ti ostori Pilar aili ani amchea bagentli mati ektthaim korunk lagli. Eka padrin tika vicharlem: "Tum ti mati khoim vhortai? Te ostoren apleak kitem sanglam tem kollit kortoch, tea padrin tika Padr Agnelachea fonddachi mati dili. Dusrea dhormachea lokak kiteim sangtanv tedna, purn'ponnim vo spoxttponnim sangunk goroz asa.
Pilar amchem ghor koxem. Hanga ietoch kallza-monank dadoskay bhogta. Ani thoimsor khoinchea padrik vollkhotanv zalear, anink sontos bhogta.
Bara Brestar... ami aikoleat te
"Pilar vochunk bosint sodanch lutt asta. Haka lagun zo lok vaurak veta, tankam avgodd zata. Punn te sondhecho bosicho kondoktor faido kaddta."
Fulam zobordosten gheunk laitat. Hem ami pollelam vo bhoglam zatolem. Khorench, dhondo chodd mhotvacho zala ani dhondeak devosponn tenko dita, oxem dista. To fulancho dhondo bond korcho vo chaluch dorvorcho, hea gombhir proxnank zobab sodhun kaddunk titlem sompem nhoi.
Halinchea vorsamni vahatuk (traffic) vaddlam. Haka lagun Pilarchea dongrar 'parking' korunk avgodd zata. Punn atam vahatuk 'one-way' korun, zaito faido zala. Toriastona lok rostea modhekot cholta. Lokak cholun vochunk ek kherit rosto bandhcho poddlo.
'Bus service' kiteak ghalina? Pilar dongor choddunk 'bus service' asli zalear borem zatolem aslem. Punn toxem kelear, 'pilots'-anchem kitem zatolem?-- ho anink ek proxn. 'Pilots' asum ani bosi vella promonem cholum, oxem lokanchem mon. 'Toilets' anik toyar korunk goroz asa. Novenamchea disamni hi suvidha aslear, zaitea lokak faido zatolo.
'Dust bins' Pilar anik asunk zai. Kochro vaddta, plastik battleo hanga-thoim poddloleo distat. Kitem korchem? 'Dust bins' dixtti poddtat, punn kochro khoimsor-ui uddoilear, konn vichar korina. Haka lagun Pilar chodd plastik dixtti poddunk laglam. Lok bexttoch lutt korta. Mis somptoch igorjent aslolea lokak poilo bhair sorunk sondhi mellona. Fattim aslolo lok igorjent apli boska sugur korunk dhanvta. Ho proxn suttavo zatolo, oxem disona. Piddestanchea misar apleak tel launk zai mhonn lok lutt kortalo, tem atam unnem zalam. Punn toriastona apli boska sugur korunk 'coupons' ditale, ti sonvoim chalu asunk goroz asa. Piddevontank poili sondhi diunk zai. Punn sogllo lok apunn dusrea poros odik piddevont mhonn somzota.
|
|
|
| Bhroxttachari amdar susegad |
|
| ARWIND MESQUITA, DUBAI |
Gõyche amdar, montri ap-aplea bhitor susegadponnan jieta ani vavurta, hem sot atam nodrek yeunk laglam. Duddvanchea bangoddent tancho hat asa, oxem toren duddu ektthaim korun fuddarak tankam ani tanchea kuttumbak rajki mollar aplo od....
|
|
|
| ‘Tomatina Festival’ jevnnacho vibadd |
|
| ADELMO FERNANDES, VASKU |
Spain desantlo nanvosto Tomatina Utsov poilech pavtt Bharotant pavlo. Ani vhodda dobajean to utsov amchea Gõyant ghoddtolo. 'Sundown Tomatina Festival Goa-2011' ho hea utsovacho mhatallo. Novembrache 5, 6, 7 tarkher to ti....
|
|
|
| 'Tomatina fest' borea jevnnacho vibadd |
|
| RAFIQUE BEIG, ST INEZ |
Otubrache 29ver, Navhind Times hea disallear, 'Spanish Famous Tomatina Comes to Goa' hea vixoyacher lekh uzvaddak ailo. Hi Spain desantli eka-mekacher tomatam marpacho ek utsov. To utsov vo porob amchi korunk ievjilear, kitem zatolem?....
|
|
|
| Daizacheo imaroti sambhallunk goroz |
|
| GREGORY E D'SOUZA, SIOLIM |
Eka kallar Mapxeche St Mary's Girls High iskolanchi imarot daiz mhonn fanki aslem. Aiz hea iskolanchi sobitkay lohu-lohu kobar ani nopoit zait veta tim polleun dukh dista. Hi imarot 'art gallerint' bodlunk zaina kai? 'Fundacao Oriente' osle....
|
|
|
| Tiatr spordhent vevsaik kolakarank pois dovorche |
|
| CRISTINA ESTEVES, AGXE |
Dor vorsa Kola Akademi Ponnje xarant tiatr spordha ghoddun haddta. Te spordhent ganvche kitlech sonskrutik klub bhag ghetat. Novea ani tornnea kolakarank machier polleon umedh vaddta. Ondumchea vorsa komich komi 30 pongddamni 37vea tiatr sp....
|
|
|
| Gõychea Bhangra utsova nimtan Vauraddeancho Ixtt-ak 'grant' diuncho |
|
| PETER FERNANDES,NAVELE |
Ondumchea vorsa Gõyche suttkek 50 vorsam bhortat. Hea bhangra utsova nimtan Gõy sorkar, Gõykaranchem bhoreponnank vavurtolea veg-vegllea sonvsthank onudan (grants) ditat. Vauraddeancho Ixtt Gõychem ekuch satollem....
|
|
|
| Dhormik suvatancher choryeo |
|
| ADELMO FERNANDES, VASKU |
Gõyant disan-dis choranchem promann odikuch vaddot asa. Halinchea kallar igorzamni, devllamni ani her dhormik zageancher choryeo zatat. Kaim dis adim Naveleche Rosary Igorjent kai ollkhi bhailea mon'xamni chori korun, thoim aslolea d....
|
|
|
| Khella moidan ek dhondo zala |
|
| THOMAS FERNANDES, KONGOTTE |
St Anthony's Colva ani Sai Avtaar, Anjuna heam pongddam modem zal'lea xevtta khellant, khellam moidanar soglloch boball zal'lo ami pollelo. Khorem mhollear khella moidan ek khell khellpacho zago, punn halinchea kallar khella moidanach....
|
|
|
Page
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47, 48, 49, 50, 51, 52, 53, 54, 55, 56, 57, 58, 59, 60, 61, 62, 63, 64, 65, 66, 67, 68, 69, 70, 71, 72, 73, 74, 75, 76, 77, 78
|
|
| |
|
|
|
|
RSS
