|
|
|
|
|
 |
| |
::Katolk Khobro :: |
| Benedikt XVIvo Pap Saiban hem voros "BHAVARTACHEM VOROS" mhonn porgottlam |
|
 Bhavart amkam Devachem ek vhodd dennem. Amkam bhavart konnech xikovnk zaina punn to ami aplea ostongim amchea dor ekleachea jivitant onnbhovunk gorjechem. Ami bhavart apnnavunk ani jiyevnk goroz asa, Pri. Agnel oxem korunk amkam ek dekh dita. Pri Agnel koso amkam Bhavartacho nomunno?
Pri. Agnel ek bhurgo koso poile suvater aple Avoi koddsun bhavartachim sotam tachea Avoy-Bapaychea utramni, kornnyamni ani jivitan xiktao. Tanchea bhavartache dekhin to vaddta. Kedna kedna aple Avoyk adar dita ganvchea bhurgeank bhavartuch nhoy bogor utramni dotorn xikovnk punn te vaitt kortat tednam tankam borem tem korunk xidkaita. To aplo bhavart jiyevnk ani bhavart kitem xikoita tem dusreank sangunk bhiyena, nhoy mhonn fattim soronam. Bhavart sotan jiyevnk tachi ghottay ani boll zata.
Magnnea ani niyalla vorvim Bhavart thirayta : Uprant vaddta-vaddtam Devachea Utracher niyall korun ani magnnean to aplo bhavart odik thirayta. Zaito vell to ogich Igorjent bosun bhavartachea sotancher niyall kortalo. Siminarist ani uprant Iadnik koso apnnak Devan ek kherit apovnnem dilam, tem mhonnlear apnnacho ani apea jivita vorvim dusreancho bhavart odik thir ani okhonnd korunk, hem to bore toren somzol'lo. Dusreancho bhavart Devacher thiravunk ani ghott korunk Devan taka apoila, zalear poilo to apnnacho bhavart thiravunk vavurta. Ji vost apnnam thaim na ti ami dusreank divnk zainam. Dekhun to voramchim voram magnnean sarun aplo Bhavart aplea Rochnnara sovem thiraita.
Provochonam vorvim Bhavart xikoita :Man. Agnelacho vhoddlo usko ani vavr mhonnlear aplea xellyank Devacher tancho bhavart thiravunk. Hem korunk jitlo soeg melltalo titlo tacho faydo kaddtalo. Sermanv korunk ani Devachem Utor porgottunk to kednach fattim soronaslo. To khuim ek pavtt piddent aslo, zoran sarkoch baztalo, punn Majorda thavn tachea motthachea Vhoddilak ek amontronn ailem. Pri. Agnel festacho sermanv korunk, tacho vhoddil taka pollevunk ailo tedna, vhoddilan taka sermanv korunk apovnnem ailam mhonn sanglem; ojap mhonnlear Pri. Agnel rokddoch sermanv korunk vochpak toyar zalo. Tacho sermanv aikunk pois pois thavn lok yetalo, ani tachem provochon chitan ani mogan aikotalim, jem kitem to kallzant thaun uloitalo ani tancho bhavart thiraytalo. Oskot aslo punn tachi xokti tachea magnneantlean taka yetali, to poilo apun magnnean zaitlo vell sartalo ani uprant boro niyall kelea uprant provochon korun dusreancho bhavart odik ghott ani thir kortalo.
Bhavart jiyeta ani amkam dekh zata : Pri. Agnel ek xant ani ogeponnan aplem jivit jiyetalo. Taka polletalet titley tache sovem eka bhagevontak pollel'lea porim zatalem ani to jivo astanam legun taka SANT mhonn pachartalet. Tachem jivit ogeponnachem ani bhagevontponnachem aslem. Lhanuch astanam poryan zaitim avoy-bapuy aplea bhurgeank dakttea Agnelak ek nomunno koso gheyat mhonn aplea bhurgeank sangtalint. To apleak vhoddlo man vo apunn vhoddlo koso somzonaslo, punn lhanvikayen jiyelo ani fokot Jezuk porgottunk vavurlo,. Tacho vhoddlo usko Jezuk odik ani odik dusreank divn apunn Jezu porim khalto ani mendro koso jiyelo.
To amkam iadnikank ani lovkikank dekh,. He porim amchea chaltea jivitant poryan ami bore toren jiyevn bhagevont zavnk to amkam xikoyta. Bhavarta vixim proxn korun, xikun ani her upay ghevnk gorjechem. Dor eka bhavartyan aplea bhavartachi ucharnni purnponnim, vhoddle khatren, visvasan ani bhorvanxan korun, hem voros odik bhavarta vixim folladik korum-ya.
|
| FR. TONY FERNANDES | VIP |
|
| Devcharachean copy korunk zayna: Pri. Elias |
|
| FEROZ F| VIP |
 |
PILAR: Povitr Atmeachea follanchi 'copy' korunk devcharak podvi na ani tachean tem zaina fokot vizmitanchi 'copy' korun dakhounk xokta. Devacheanuch milagri ani vizmitam korunk zatat, devchar tea milagrinchi kopi korta,oxem Malta Arkidiosezcho odhikrut 'exorcist' vo devchar kaddpi Fr. Elias Vella hannem sanglem. Xubhvortoman apnnailea xivai pekovnni ani suttka ek 'magic' kel'lea porim zatoli. Amchi bhitorli novsornni chaluch asunk zay. Milagri nhoy bogor Jezucho amche kodde aslolo som'bond amchem bodlop korta, oxem Pri. Elias-an sanglem.
Fr. Elias 'dogmatic and pastoral theology'-cho professor, tannem zannvayechim sumar 13 pustokam boroyleant tantlim kaim zaytea bhasamni bhaxantor korunuzvaddaileant. Otubrache 26 ver Pilarchea 'Reconciliation' Kumsaram zatat tea kapelant padrink, madrink ani lovkikanchea zomeak Pri. Elias-an zannvayechem orthabhorit ulovp kelem.
Pri. Elias-an Goyant 'Evangelisation & Disciplesship' hacher xibiram choloileant. Him xibiram akarnnechea kursant aslolea padrim khatir Faith Works India hannim Diosezan somitichea sohokaran Otubrache 26ver tem Novembrache 1ler, him xibiram zalim.
Bharot desant borim totvam asat, desantlea vhoddlea tin dhormam modem boro ekvot asa. Vhodde khuxemonan amchean amcho Bharot ek sorg korum yeta mhonn Pri. Elias-an sanglem. Hanv Bharotant yetam tedna hanvem Goyant bhett dilea kay mhunn mhaka poilo proxn vinchartat. Hache velean bhailo lok Goyank kitlo man ditat ani kitle bore nodren polleta tem somzum yeta. Goychea nagrikamni Bharot des ek sorg korunk fuddakar ghevnk zata, oxem tannem sanglem. Hea adim Fr. Elias-an Kerala ani Benglore bhett dilea.
Malta mhollear Dokxinn Europi desam modlo des. Malta desak chodd mhotv asa; karonn Sant Pauluchi bott tufanak sampddun dorya kinarer poddloli tedna Sant Paulu Malta desant tin mhoine ravlolo. Hi bori khobor Dhormdutanchea Itiasant (DI 28 )' mellta.
|
|
|
| Pilarche Sonvsthechea 12 vangddeank Prodhan-Sevokachi Makhnni |
|
| VAURADDEANCHO IXTT POTROKAR |
 |
PILAR: Pilarche Sonvsthechea 10 vangddeank ani Bethiah (Patna) diosezichea dogam zannank Otubrache 27 ver Sindhudurg diosezichea Bisp Alwyn Barreton Prodhan- Sevokachi makhnni dili. Aplea jivitant Devachi ani lokachi seva korunk tannim apnn....
|
|
|
| Assamant ghor-dar nasloleank adar divnk Bispachi magnni |
|
| ASIANEWS |
 |
ASSAM: Julay mhoineant Assamant Bodo adhivaxi ani thoim vosti korpi Musolman loka modem zhogddim -maramari zavn 90 zann meleat ani hozaramni lok ghor-dar naslole zaleat. Hea lokak duddvancho ani her gorjechea vostuncho adar divnk Msgr. P....
|
|
|
| Devllam poros nitollkay chodd gorjechi |
|
| ASIA NEWS |
 |
NEW DELHI : Bharot desant lok nitollkaye poros devllank chodd mhotv ditat mhonn kheddeanchea Vikasa Kendr Montri Jairam Ramesh-an sanglem. Bholaiki ani nitollkayechi mohim suru korunk rajea-rajeanche bhonvddechi survat kortana to uloit....
|
|
|
| Syro-Malankara Povitr Sobhek poilo Kardial |
|
| THE HINDU |
 |
VATICAN: Halinch Benedikt XVI Pap Saiban Arsebisp Baselios Mar Cleemis haka Syro-Malankara Ritiche Igorjecho Kardial nemla. Kardial Cleemis hachea borabor Lebanon, Philippines, Nigeria, Colombia ani Amerikechea pach zannachem nanv he vo....
|
|
|
| Xubhvortomanache porgottnnechem ulovpak mon bodolpachi khuxi zai |
|
| SATHYADEEPAM |
VATIKAN: Mon bodolpachi khuxi na zalear Xubhvortomanachi novean porgottnni korpachem ulovnk zanvchem na, oxem Benedikt XXI Pap Saiban sanglem. Xubhvortomanachi novean porgottnni korpacher ani Kristan sonvsarak Bori Khobor porgottunk aplea ....
|
|
|
| Khanapura Saibinnichi imaj ghoramni nhoi ponn ganvant haddtat |
|
| AGNELO PIRES |VIP |
 |
KARNATAKA: Saibinn Mainchi imaj ganvant yeta punn ghoramni bhitor kaddinant mhonnlear Kristanv lokak vegllench disot. Punn tem Khanapurachea lokan mandun ghevchem poddlem oxem Khanapurche St. Joseph Igorjecho Vigar Pri. Gregory Lop....
|
|
|
| Sogllem lokx poixancher |
|
| FEROZ F| VIP |
Veta thoim igorzamni poixe zai, poixe zai mhonn kollovnneo zatat. Ail'lea gel'lea Aitara igorjeche gorjek poixe zai mhunn amkam aikunk yetat. Punn Bhavart zai mhunn igorjent kedna kollovnni yetoli. Bhavartak bhettoil'lea vorsa bhavart vadd....
|
|
|
| Saibinn ghorant bhitor sortana… |
|
| VIP |
Gõyant dor ghorant Saibinn haddpachi povitr porompora zalea. Saibinn maink favo to man divunk ek bori sondi. Punn Saibinn ghorant haddun ami jeo gozaleo aikotanv teo odik dukhicheo.
Konn Saibinnichi protima vo imaj sezareanchea durgar....
|
|
|
Page
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47, 48, 49, 50, 51, 52, 53, 54, 55, 56, 57, 58, 59, 60, 61, 62, 63, 64, 65, 66, 67, 68, 69, 70, 71, 72, 73, 74, 75, 76, 77, 78, 79, 80, 81, 82, 83, 84, 85, 86, 87, 88, 89, 90, 91, 92, 93, 94, 95, 96, 97, 98, 99, 100, 101, 102, 103, 104, 105, 106, 107, 108, 109, 110, 111, 112, 113, 114, 115, 116, 117, 118, 119, 120, 121, 122, 123, 124, 125, 126, 127, 128, 129, 130, 131, 132, 133, 134, 135, 136, 137
|
|
| |
|
|
|
|
RSS
