|
|
|
|
|
 |
| |
::Kherit Lekh :: |
| Adlem azun urlam, kalchem aiz moddta |
|
 Te kallar tujea protek bhattache dusre daklleak man aslo. To ghetlea xivai fuddle kosloch tea bhatta voir nirnnoy ghenasle. Uprant Survey nanvachi ek bhogavoll sorkaran fuddem haddli, ani malkechim kagot-potram topaxi nastana, dusreachim bhattam bensanchi nondnni tisreachea nanvar zali. Oslo dogolbaji vepar sonvsarant dusrea khoincheach zagear zala mhonn mhaka disona. Adim tunvem ek orz kelo zalear tachi proti tuka aiz pasun samballun dovorloli mellta. Punn, atam tunvem kal diloli orz aiz pollevpak mellpachi ast thoddi. Ti nanch zavpak xokta. Ponnjechean Moddganv yevpachim kagdam kaim pavtti pavoch nant. Tunvem magloli vost, tujem magnnem sarkem asa ani tujim sogllin kagot-potram zagear asot zalear, aiz na faleam nit melltolich mhunn tuka khatri astali. Punn, aichi poristhiti vegllich. Adim xallechim pustokam Marsanunch dukanamni viktim melltalim.
Aiz Agostachi pondra zalear legit sogllim pustokam bazarant pavonan, Hem kitem? Kollpak xixonn montri Sorgest Monohabab mhonnttalo "zaka kollona Xri to zata xikxonn montri ani zaka dhorunk kollona sotri, to zata surokxonn montri!"Osleo aicheo goti.
Adi minacho vepar choltalo, to sogllo kaideaxir astalo. Tacher niyontronn astalem. Tacher sorkarachi nodor astali Aiz bekaidexir kitleoch minancheo khonni choltat. Konnachem tacher niyontronn asa? Guneanvkaracher kagoll konn kortolo, zor rakpich voim khavpak laglo tor, porsum konn samballtolo? Khun zatat ani kaim kall bhitor urtat.
Tankam okosmat pidda zata ani te tabortob hospitalant bhorti zatat. Kaim kallan te sutt"tat ani magir boball bond; velean tankam vhoddlem tondd. Magir te venchnnuko jikhun sorkarant disti poddtat. Osleamni venchnnuko loddpacher bondi asunk favo asli.
Aiz vhoddle-vhoddle arop aslole monis proxasonant distat. Guneanvkareanchem xivason zalear desachem ani pordesachem nisontton zanvchem na? Aiz sorvoi vattamni Gõychem nisonntton zait gelam. Fuddarachim chin'nam borim disonant.
Ek vhoddlo guneanv zata. Guneanvkareak koidi kortat. Potrancher mottean kaim dis boball cholta. Punn, dis vetat toso to boball denvot veta ani akhrek tacher visor poddta. Oxem adim ghoddtalem zalear konneim niyallun polleunchem. Eka Gõykarak ek Ration Card vo rabiteacho dakllo zai aslear, to mellpak taka Mamlatdarachea darar paim zoronvche poddtat.
Punn, Gõyam bhaileank amchea amdaranchea ani montreanchea adharan kaim disam bhitor melltat. Zomni legit sorkar tankam vantt'ta; tanchea prantamni magir te zamindar legit asum.
Zoxem Gõyam mezavelem kellem kaddun sagvadi zoddpachi vost zalolea porim. Vo aplea ajeachem bhatt zalolea porim konnakui vanttpachem.
|
| JESS FERNANDES |
|
| Babar Ali, 18 |
|
| THE WEEK |
 |
Ostom Bengal, Musrshidabad-ak sonnachea dhondekaracho put Babar Ali, 9 vorsanche pirayer ek lhan xalla ugti korta. Tea vellar Babar 5vea vorgant xiktalo. Tache pirayechim zaitim bhurgim aslim, tankam xallek vochpachem bhag mellona tem polleun bhurgo Baba aplea ghora fattlean bhurgeank xikounk survat korta. Uktea zagear ugoddlole xallent survatek 8 bhurgim aslint. Aiz thoim 800 bhurgim vachunk, borounk xiktat.
18 vorsancho tornatto Babar, aiz Bejrampore-k Krishnath kolejint 14vi xikta. Ho bhurgo headmaster mhonn sonvsarbhor fank zalea. Babar-ache xallent bhurgeank 8vi meren xikunk mellta. Ani uprant fuddlem xikop gheunk tim dusrea iskolant vetat. Aiz meren he xallent xiklolea 50 bhurgeamni 15vi kelea ani atam fuddlem xikop korunk geleant.
Ek khell koso ami survat kel'li. Punn rokddench ami tacher gombhirponni vichar korun aiz hea panvddear pavleanv mhonn Ali sangta. Mhojea avoy-bapay lagim titlo duddu na. Tori astana tannim mhaka sodanch duddvancho adar dila. Xallechim pustokam ani her gorjecheo vostu haddunk tancho sodanch pattimbo mell'la oxem Ali khuxalkayen sangta.
Ho tacho vavr polleun anikui zaiteamni taka adar dila. Kaim zannamni kendr sorkara koddlean xalla register korunk taka adar dila. Xallent xikpi bhurgim odik korun durboll kuttumbantlim asat. Zoim avoy-bapuy aplea bhurgeank kuttumbachem udarposonn korunk vavrak dhaddta. Mekllea vellar tim xikunk yetat. Xikxok sokallchea vellar apunn xikunk vetat ani sanjechea vellar tim dusream bhurgeank xikoitat. Goroz tedna Babar lokachea ghoramni vochun bhurgeank xikounk avoy-bapay-k utsaita. 11vi xikpi tachi bhoinn-ui taka adar dita ani tem-vui tachech xallent xiklam. Babar sodanch kamant buddlolo asta. Sokallcho kolejint veta ani donparam 3 tem sanjechim 7 meren xallent xikoita. Tea uprant aplo 'paper work' sompoita. Fuddarak hi xalla vaddovpak vhoddli imarot bandpachem tachem sopon asa. Bhurgeank komputerachem xikxonn diunk to anvddeta. Toxench desant ani desbhairui tosleoch xalla ugddunk to sopon ballgita.
|
|
|
| Venchnnukanchem Avhan |
|
| ALMIR DE SOUSA |
 |
Gõyant venchnnuko lagim pavtat. Bore amdar nivddun ail'le ani tannim 5 vorsam promannikponnan raj choloilolem amkam soglleank zai. Oxem ghoddlolem zalear aiz amchem Gõy unchlea zagear asun thoim zaitem sudarop ani boreponn zau....
|
|
|
| Aparna Banerjee, 37 |
|
| THE WEEK |
 |
Aparna Banerjee, 17 vorsam pirayechem astana, tacho bapuy nokri soddta. Ghorant duddvam viret kitench cholona ani tache viret kainch korunk zaina. Hem sot Aparna vollkhun gheta ani tache bhitor aplo dhonddo ubho korpachi urbha nirmann zata.....
|
|
|
| Mazrak himsannichi sonvoim zalea ti sutt'ta kay? |
|
| JESS FERNANDES |
Portugez gelet. Punn, je lok tanchea hata khal kam' kortalet tech odhikari hanga urlet. Ani ek pavtti mazrak himsannichi sonvoim zali mhunntoch magir suttot kai? Te adle vorich kam' korit gele ani tanche fatllean ailole te....
|
|
|
| Londonantlem zanttem Bharoti zoddem |
|
| GT |
 |
LONDON: Inglandantlea sogllea kazari zoddeam poros zanttem Bharoti zoddem Karam Chand ani Kartari, 1925 vorsa tim kazar zal'lim. Tim UK Bradford ganvant ravtat. Tim soglleam kazari zoddeam poros zanttim mhonn BBC akaxvannin khobor vit....
|
|
|
| Xrixtti Yatra Lokachem Boll Porgott korta |
|
| KYRIEL D'SOUZA |
 |
Gõychea Dhormprantachem Diocesan Pastoral Secretariate hem gonvlliki vavrachem mukhi khatem Dhormprantant choltolea Gonvllik vavracho sumell korta dekhun taka eke toren Bispacho ek hat mhonntat, hachea asrea khal 'Xrixtti Yatra', Fr.....
|
|
|
| Amchea rostear addmellim konnem ghaleant? |
|
| JESS FERNANDES |
 |
Ami khub utsov monoileat. Utsovanchea nanvan bhogvolleoi keleat. Vikasachea nanvan bhumichem, poryavoronnachem ani amche sovostkayechem legit nisontton kelam. Ami asvasonnam diun fatt vollon, amchim kamam zalea uprant konko dakhoila.&....
|
|
|
| Udar kallzacho Padri |
|
| ALMIR DE SOUSA |
1986 vorsa Juanv Paul II Pap Saib Gõyant ail'lo tea Fevrerache 6ver Kampal moidanar Mis bhettoil'lem tacho zaitea zannank ugddas astolo. He Bhettechi toyari Instituto de Piedade hantum choltali. Kocherint vavurtoleank Pap....
|
|
|
| Gõyant Jerusalem Xar |
|
| F. X. REBEIRO, ST. ESTEVAM |
 |
Jerusalem xarantlem Belea nogrant, Ballok Jezu zolmolo ti svat ani her dusre zage; aikun, vachun ani TV-icher polleun ami zannanv, thoddeamni heo svato khas vochun pollela, amchea bhurgeanchea vavrant ani ekmotim teo svato thoim asa t....
|
|
|
Page
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33
|
|
| |
|
|
|
|
RSS
