|
|
|
|
|
 |
| |
::Kherit Lekh :: |
| Osonnemcho Puttlo |
|
 Gõyant khubxea igorzamni Krist Rayache monument aslole ami polletanv. Krist Rayachi Porob, Pius XI Pap Saiban 1925 vorsa suru keli. Adventachea kalla adlea Aitara hi porob monoitat. Igorzamxim dispi choddxe Krist Rayache puttle sade astat ani tamkam chuno martat, torui thoddea igorzamxim ube aslele he puttle khorench kolevont astat. Merxe igorjexim aslolo Krist Rayacho puttlo paxnnicho asa dekun to probhavik asa. Sant Estevam dongurlecher aslolo puttlo eke vhoddle bandavollik ghott kela. Punn vhoddantlo vhodd, ani unchlea unch dovorlolo Krist Rayacho puttlo amkam Osonnemche igorjexim polleunk mellta.
Osonnemchi Xmt. Olga Silva Lobo ek gozal sangta. Ticho sasupay, Xri Sebastiao Silva ho tea ganvcho nanvosto tarvotti. Ek pavtt, tachi agbott Karachi (Pakistan) dhokeak lagtoch, tem xar polleun gheunk to thoimsor bhonvonk laglo. Oso bhonvtana tachea dolleank Krist Rayacho ek puttlo zollkholo. To puttlo nazuk ritin toyar kelolo ani polleunk sundor distalo. Khunnache nodrentlean-ui to boro aslo. Zomni ponda urta toxe toren to toyar kelolo. Ho puttlo polleun Sebastiao-bab itlo bharavon gelo, tannem tea puttleacho fottu kaddlo, ani tosloch puttlo aplea ganvant ubo korpachim sopnam sopneunk laglo. Mhonntoch, ganv-ghora pavtoch to aplem sopon sakar korunk bhonvonk laglo. Punn toslo puttlo, tea vattarache matiyeche poristhitik lagon zomni pondachean ubo korun zaunchem na oxem taka izneramni sanglem. Mhonntoch, to zomni voir ubo dovrunk tharailem.
Krist Rayacho ho puttlo Osonnem Igorjexim boroch unch ubarlolo dista. Hea puttleantlean Kristachem Raiponn, rajyacheo sabar khunnam vaprun kherit toren dakoilam. Tech khatir ho puttlo Gõychea her Krist Rayanchea puttleam poros vegllo asa.
Don-ui bazaumni don peddam asat tacher anj-boddve asat. Eklo ttrompet gheun asa, zalear dusro torsad gheun asa. Tache khala don uzvadd porzolltat. Hea uzvadda sokol hatamni mukutt, torsad ani scepter aslolem dista. Tache sorbhonvtonnim chear-ui xubhvortomankar - Matev, Mark, Luk ani Juanv aslole distat. Prokaxnnechea Pustokant tankam boddveanchi, xinvachi, boilache ani ghonnichi khunna diloli asa tachevelean hea Xubhvortomankaranchim vollokh mellta. Tea hatam modim Povitr Atmo aplo uzvadd porzollaitana dista. He soglle puttle ani her khunnam Italy thaun haddlole paxnnintlean korantlolea asat.
Ho puttlo ubo zaupachem sopon xartik pavonk Sebastiao Silva Lobon aplea bolsache 80 hozar dile ani tache umedik tenko diunk ganvchea lokan chear hozar rupiya dile. Ho monument Otubrache 24ver, 1937 vorsa axirvadailo. Karachintlea Krist Rayachea puttleacher akantvadeamni bomb ghalun to moddun uddoilo. Mhonntoch, Karachichea Katolkank ho Osonnemcho Krist Rayacho ekuch ek puttlo tankam (zantum mullave-i Gõykar asat) aplea bhoktichea puttleacho ugddas korun dita.
|
| PANTALEAO FERNANDES |
|
| Dhorm’ Rakhonndar Vo Bhoxttaynar ? |
|
| FELIX P. DA CRUZ |
|
Moddgonvam ani Sankvallechea bombanchea prokoronnant dog Sanatan vangddi mele, chougank pulisen dhorle ani eke ostorechi vollokh mellounk pulisechi tozvit chol’lea mhonn potrancher porgott zalam. Pulis choukoxi kortana ek mobail telefon, ek SIM kardd ani tem kardd telefonak vaprunk viktem ghetoleachi vollokh diunk dakoilolo dakhlo mell’la. Tacher eke ostorechem nanv, fottu ani pot’to asat. Tea nanvachi ostori zorui tea pot’teachea thikannear mell’lea, torui dakhleacher aslolo fottu ticho nhoi khoim. Dusrea utramni, ho dakhlo bonavott (forged) vo fottkiro.
He goxtti vorvim adle eke oslech goxttichi attvon jivi zata. Pattim Manohar Parrikara khal Gõycho BJP sorkar poddlolo tednam, tannim Montri Filipe Neri Rodriguesak opatr tharaunk (disqualify) magnnem korun, to guptim BJP vangddi zal’leacho puravo dakounk tannem dil’li mhonn ek vangddiponnachi fottkiri orz Sobhapotik dil’li ani tacher-ui Filipe Neri Rodrigues-achi nixanni (signature) asli ti bonavott mhonn sid’dh zal’lem. Dekun hea vorvim vichar upzotat te: Oxe fottkire dakhle rochun te goir-upyogak vaprunk te apunn rakhonn kortat mhonn obhimanan sangtat to Hindu dhorm’ xikoita? Vo khoreponnim te Hindu dhorm’ ani hea dhormache povitrtayeche rakhonndar nhoi punn bhoxttaynar mhonn dakoll zata?
Filipe Neri Rodriguesak opatr tharaunk fottingponnacho dakhlo dil’lo tem ek gombhir navaddgiponn. Hea vixim guneanvkarank khast launk sorkaran kitem kelam? To dakhlo uprant failintlo na zal’lo mhonn potramni khobor dil’li. Tem khorem zalear, hem koxem ghoddlem tachi sorkaran choukoxi kelea? Vidhan Sobha prantantle porjen vinchun kaddlolea protinidhimni porjechea sukha-dukha vixim bhasabhas korun tharav gheupachem, kaide rochpachem ani durust korpachem mondir.
Dekhun Vidhan Sobhechea eka vangddeak mud’dom’ rochlolo fottikoro dakhlo diun opatr tharaunk magpacho ho guneanv karvay korinastana ani guneanvkarak khas lainastana visrunk sarkem? Ek pavtt he porim soddlear, he fuddem anik-ui oxench korchenant?
Sanathan ani Hindu Janajagruti Sanstha hanche vixim zalear Gõyant Hindu toxem dusrea dhormachea lokachem mon vittelam. Tanche vixim Sorkarachi kitem choukoxi chol’lea ti runday-kholayen zaunk zai. Gõyam toxem dusrea svatancher tanchea ghoramni kitlea jin’sanchi ani kosli xikounn ani kortubam chol’leam tem choukoxentlean thavem korun ani porjek-ui kolloun goroz tim fuddlim panvlam marunk zai.
Tanchea ghoramni lok asat te konn ani khoinche, te soglle aplea kuttumba sovem apli zababdari palltat vo na hem-i polleunk zai, karonn, zaitea zannamni aplea bhurgeam-ballank ubont ghalun thoim proves kela mhonn khobro asat. Tanchea sogllea porgottneantli (publications) xikounn kaideam promann asa zalear topasunk zai. Hea sonvsthank khoim-khoim thaun, koxe ani koslea upyogak mhonn duddu yetat ani te kiteak vapurtat tachi-i sod zaunk zai. Atam porian choukoxentlean jahir zalam tea pormannem, heo Sonvstha otmiktayechea rupnnea khal porjechea nirmollponnak ani sugurponnak ek vhodd sonkoxtt mhonnunk zata.
|
|
|
| Sonvskarnnecho Rupea Utsov |
|
| EUSEBIO MIRANDA |
 |
Ponchvis vorsam adim Juanv Paul Dusrea Bhagevont-Bapan, 1984 vorsa Junhache 22ver “Ex Quo Christus” Krista Vorvim) nanvachem aplem “Bulla” (formavnne-potr) jahir korun Andaman ani Nicobar zunveanchi Port Blair ....
|
|
|
| Bhurgeank xikoyat, tanchi sudarnni korat |
|
| FR. CEDRIC PRAKASH, SJ |
 |
Ahmedabad: Khoincheai somazachem sudarop xikxonnacher dhorlolem asa. Xikxonna vorvim mon'xak oprub korta bogor jivitant zaiteo suvidha favo korta. Dekun Bharotache svotontrtrayechea 62 vorsam uprant Bharoti Sonsoden bhurgeank hok'k mellunk ....
|
|
|
| Purtugezam adim Gõyant Kristanvponn aslem |
|
| VAVRADEANCHO IXTT POTRKAR I VIP |
 |
Pilar: “Hem pustok nhoich itihasik, bogor taka atmik porinnam’ asa,” oxem Gõy Vidyapittantlea Filosofi Khateacho Mukheli ani Profesor toxench Social Science Faculty-cho Dean Dr. A.V. Afonson sanglem. Novembrache 14v....
|
|
|
| Xembor Odik Pirayechi Udkant Buddun dhanvli |
|
| UBALDO |
 |
Amchea novolanchea sonvsarant oslim moujechim ghoddpam astelinch. Halinch Australiak ghoddlem
Ani tem gom'moti-chench.Udkant penvpachi dhanvddi (race) asli. Xembor vorsanchea umedvarank bhag gheunk konvit aslo. Fokann disot, punn ek 1....
|
|
|
| Bhurgeanchem Bhurgeponn Sanddlam |
|
| MICHAEL FERNANDES |
 |
‘Bhaiya, sab log mhuje nazar andaaz kyun karte hai?’ oso eka sat vorsanchea bhurgean mhaka prosn kelo. To Moddganv Sabina Hotela-xim bhik magtana eke ostoren taka dukllun sokla uddoilo, kiteak tache kopdde mhelle asle ani tea bh....
|
|
|
| James Taluji Sikhantlo Katolk Misionar |
|
| NIRMALA CARVALHO |
 |
Sikh dhormachea bhokti ghorabeantlo bhurgo Katolk dhormant bhitor sorun Maryknoll misionar zalo. Stephen James Talujan bhurgeponnaruch Kristak Khursache oskotayen Sorv Podvedar Devak onnbhovlo. Tachea dhorm’ bodolpachea goir-somazan b....
|
|
|
| Zolmochea poilim bhurgem topaslolea voizank khast |
|
| NIRMALA CARVALHO |
Mumbai: “Gorbhpatt mhollear 'Bharoti somazacho rog”. Zaitim kazari zoddim apnnak cheddo zolmunk zai mhonn addecho gorbh-sombhov korun ghetat. Fattlea 20 vorsanchea kallant Bharotant cheddea lingachem bhurgem gorbhant na za....
|
|
|
| Gõyant Sasvot Adarache Mayechi Bhokti |
|
| PANTALEAO FERNANDES |
 |
Gõyant khoinchea-i Katolk lokachea ghorant bhitor sorlear oratori lagim vo ghorachea entradant Perpet Sokur vo Sasvot Adarache Saibinnichem painol disti poddtach. Sogllea painolam modem hem painol bhov avddichem. Saibinnichem d....
|
|
|
Page
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33
|
|
| |
|
|
|
|
RSS
