|
|
|
|
|
 |
| |
::Katolk Khobro :: |
| Kardeal Martinicho Testament |
|
Agostache 31ver somplolo Cardeal Carlo Maria Martini, apunn morchea adim eka Jezuit bhavak mulakat diun Povitr Sobhechea jivitak lagu zatolea proxnna vixim aplem mon kalljidarponnan ugttem korta. He mulakhatintlea thoddea bhagancher nodor marum-ia:
Aiz Povitr Sobha, odik korun Eropi Desamni, ghirestkaien ani bhailea dobajean bhorlea. Dev-mondiram vhoddlim asat punn Dhormik Ghoram ritim zaleant. Sevadhorm ani amchim nhespam-avoronnam dobajik zaleant tim ghoddiek amchem Kristi jivit koslem tem dakhoitat? Girestkai ek bharadik ojem, dekhunuch Jezucho pattlau korunk sodtalo punn girestkaiek lagon pattim sorlo tea Xubhvortomanantlea girest tornattea sarkim bhi ami zaleanv? Osle Kardeal Martini vichar korta.
"Povitr Sobhecher aiz hanv khup gobor polletam, ho gobor pondak aslole ujeache zollte vinglle lipoita ani hem polleun mhaka khup dukh bhogta." Gobor pois korun mogacho uzo amchean koso zollto korunk zata - ho husko motint dhorun Povitr Sobhek Kardeal Martini thodde vichar korta: Amche modem Borea Samaritanachea udharponnan bhorlolim monxam khoim asat? Romkar Xotpoticho bhavarth aiz konna thaim dixtti poddta? Juanv Bautistachi humed vo Pauluchem kalljidarponn khoim gelim? Hakach lagon Pap Saiban ani Bispamni dubllea-daktteank lagim aslole, tornnatteank hurbhen bhortole bara zann (12 unconventional people) vinchun kaddun tankam fuddariponnachi zababdari diunchi mhonn to suchoita. Ani tanchea fuddaraiponna khal Povitr Atmean bhoron tannim aichea Somazak upkartat tosleo noveo vatto sodun kaddcheo mhonn magta.
Povitr Sobhent aslole zollte vinglle lipoitolo gobor pois korunk Kardeal Martini tin upai suchoita:
Poile suater ek khorem mon-bodlop: Povitr Sobhen apleo pattleo chuki mandun gheun, zaum Pap Saiban zaum Bispamni, ek novsornnechi novi vatt sodun kaddunk zai ani thodde Povitr Sobhent aiz asat te proxnn, kherit bhaxen lingache proxnna vixim Povitr Sobhechi chal bodlunk kalljidar panvlam marunk gorjechim;
Dusro upai mhollear Devachem Utor: Dusre Vatikani Vixv Sobhen Povitr Pustok sogllea bhavarteank porot dilem. Novsornnechea vavrant hea Devachea Utrak ek kherit zago asa. Chit diun aikotolea dhor eka mon'xachem tem sangati zatolem ani hache bhair taka zabab anink konnachean diunk zaina.
Tisro upai mhollear Sonskar: He Sonskar konnank? Te xist haddpachim hatiaram nhoi punn amchea jivitache iatrent osokt vellar te amchem boll. Xist samballpachea nanvan haka vo taka amchean Sonskarantlo bhairaunk zata? Oso to vichar korta.
Kardeal Martini pormonnem aiz amchi Povitr Sobha sumar donxim vorsam patti asa ani fuddem ieunk tinnem kalljidar panvlam marchim poddtolim. Osle vichar motint dhorun to aiz eke nove Vixv Sobhechi ghoroz porgott'ta.
Kardeal Martini voilea-voir vichar korina nhoi mhonn Povitr Sobhechea Fuddareancher add uloina. Povitr Sobhecho taka khup mog aslo ani hakach lagon Eropi ani Amerikechea Desamni Kristi jivit bigddot veta tem polleun to aplo husko dakhoita. Ek khoro Provadi koso aiz Povir Sobhen koslim panvlam marunk zai hacher aplem mot ugttem korta.
Povitr Sobhechea jivita ani addkhollm vixim ami mogan punn kalljidarponnan bhasabhas korunk Kardeal Martini zaitem xikoita, Povitr Sobhechea boreponna khatir uktteponnim amchem mot sangunk ani kalljidarponnan ani Jezuchea mogan bhoron proxnnak fuddo korunk to ek Provadi koso vatt dakhoita. |
| ALMIR DE SOUZA |
|
| Povitr Sobhechem karya Xubvortoman porgottpachem: Benedikt XVI |
|
| VIP |
|
VATIKAN: Benedikt XVI Pap Saiban Otumbrache 7ver Aitaradis Bispanchea 13vea Synodachi ugtavnni keli. Ak'khea sonvsarache Kardial, Bisp, padri, dharmik ani lovkikam Pap Saiba bhonvtim aslim. Xubhvortomanachi novi porgottnni hacher niyall korunk ho Bispancho Synod suru zala.
St. Pedruchea Bajiliki mukhar aslole altarachea panvddeam lagim Synodache vangddi soho-yadnik asle ani Pap Saib voir altarar aslo. Benedikt XVI Pap Saiban fuddle disamni tanche mukhar aslolem mhotvachem kam' salamotin pavtolem mhonn bhorvanso dakhoilo.
Lokan aplea bhavartachi kholayen vollokh ghevnk tannim adar divpachem kam' asa mhonn Pap Saiban aplem provochon kortana sanglem. Soglle pavtti ami sogllem zageancher Xubhvortomanachi porgottnni survatek toxench xevott meren Jezu Krist, Devacho Put mhonn porgottnnunk zay, oxem Pap Saiban sanglem.
Toxench Khuris zaun asa tachi mukheli khunna, ti Xubhvortomanachi porgottnni korta. Khuris Mogachi ani Xantichi khunna. Ti mon bodlop korunk ani bhavponnacho ekvott bandun haddunk apovnnem korta. Zankam Jezu Kristachi azun vollokh mellunk na tankam hem apovnnem korunk zay mhonn Pap Saiban sanglem. Toxench zannim bautizm ghetla ponn Povitr Sobhentlim koddsorun pois geleant, tankam-i to sondex diunk zay mhonnlem.Pap Saiban Aitarachea Xubhvortoman Markucho 10vo avesvoracher mon ghalun kherit toren Kazarachea Sonvskaracher lokx oddlem. St. Pedruchea Angnnant zomlolea hozaramni lokacher apli nodor bhonvddaili ani mhonnlem "Kazaruch ek Xubhvortoman zaun asa.
Ami aichea Kristanponna sorxilim pois sorlolea somazak "Bori Khobor', dadlea-bailecho ekvott zaunk pavta tanchea mogan ek kudd. Ho tancho somponaslolo folladik mog zo Devachich khobor sangta. Ponn halinchea kallar kazarachea ekvottacher tufanam uprasleant mhonn Pap Saiban sanglem.
Bhavartacher ailolim tufanan kazarakui lagu zatat. Karonn kazar Devache kurpecher bandlolem asa mhonn aicho monis mandun gheunk chukta. Hacher zoit vhorunk ami Devacher patiyevnk zay mhonn sanglem.
Altara voir, St Pedruchea Bajilikechea mukhel bolkanvacher St. John of Avila ani St. Hildegard of Bingen hanchim vhoddlim chitram umkolltalim, tankam Pap Saiban Igorjechea dhormxastreancho dobajik man dila. Uprant tannem ulovp kelem ani sogllim santam bhoktam Xubhvortomanache porgottnnent niz vir ani vatt dakhovpi zaleeant, tanchi mozot magun Benedikt XVI Pap Saiban Synodacho vavr Saibinn Maichea hatant ghalo, tich Xubhvortomanache nove porgottnnechem Tara mhonn sangun aplo sermanv sompoilo.
|
|
|
| Dhomke uprant Indiana padri bepotta |
|
| EWTN |
 |
INDIANAPOLIS : Greece desant xikop kortolo Indianapolis arkidiosezintlo Fr Christian Kappeshachi khoboruch na. Tache familik dhomki dilea uprant padri bhepot'ta zala mhonn. CAN ani EWTN head khobran khobor dilea. Padriche familicho lagxilo....
|
|
|
| Bhavartachi gozal eka mekak sangat |
|
| INDIAN CURRENTS |
 |
VATIKAN : Eka meka lagim uloitana tumchea bhavartachi khobor sangat ani vollokh diyat mhonn Benedikt XVI Pap Saiban sanglem.
Tornatteanche zomea lagim to uloitalo. Eka mekak bhavartachi khobor ditat tench zaun asa Xubhvortomanachi porgott....
|
|
|
| UK Arkidiosezint mornna vidi korunk lovkikank porvangi |
|
| SATTYADEEPAM |
LONDON: Eka Inglez Arsebispan 22 lovkikank aple Arkidiosezint mirnnachi rit (funeral) korunk muniarponn
dialm.
Eke diosezint dor vorsa 120 mornna zatat tim amchea padrink korchim poddtat, oxem Arsebisp Patrick Kelly-n sangta.
Zor lovki....
|
|
|
| Pap Saib nove Kardial korunk sodta |
|
| SATTYADEEPAM |
VATIKAN : Benedikt XVI Pap Saib fuddarak anik nove Kardial korunk yevjita mhonn khobor mell'lea. Vatikanache odhikari Novembrachea mhoineant boska ghevpachi toyari kortat. Hi boska rokddich bispancho synod zata mhonnosor korpachi tanchi yev....
|
|
|
| Atam padrichim nhesnnam 'catwalk' karyavollint |
|
| TELEGRAPH |
 |
UNITED KINGDOM: Porompora samballtoleank ek dhoko bostolo karann aiz padrimni 'catwalk' korun aplem adhunik nhesonn dakhoupacho proitn korcho asa.
'Modelling ministers' apleo 'designs' 'The Ideal Church Show' hea vorsavollichea Kristi k....
|
|
|
| Padrik don pavtti luttlo |
|
| UCAN |
 |
WEST BENGAL: Ostom Bengalantlea Asansol diosezichea eka padrik choramni tin mhoineam modem don pavtti luttlo. Burnupur firgojentlea St. Antoniche Igorjechea ghorant chori zali.
Thoincho Jhumuria Rosa Mystica High school-acho vhoddil Fr. ....
|
|
|
| Mhaka dhormacho obhiman bhogta |
|
| SATTYADEEPAM |
AMERIKA: Halinch Amerikechea Suprim Nitilayachea Nitidar Clarence Thomas-an dhormacho apnnak obhiman bhogta mhonn sanglem. Halinch National Archives haka tannem mulakhat dilea.
Tea vellar Nitidar Thomas aplea dhormachi, zatichi ani her n....
|
|
|
| Batizma vellar Orissant Kristanvank boddoyle |
|
| NIRMALA CARVALHO |
 |
ORISSA: Halinch Hindu dhormvadeamni Pentekostal somazantlea 20 Kristanvank ani tanchea padrik atak korun boroch mar ghalo. Hea dhormvadeank gunneavkari nastana pulisen Kristanvank ani padrik karonn nastanam koidi kele.
Kristanvanche....
|
|
|
Page
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47, 48, 49, 50, 51, 52, 53, 54, 55, 56, 57, 58, 59, 60, 61, 62, 63, 64, 65, 66, 67, 68, 69, 70, 71, 72, 73, 74, 75, 76, 77, 78, 79, 80, 81, 82, 83, 84, 85, 86, 87, 88, 89, 90, 91, 92, 93, 94, 95, 96, 97, 98, 99, 100, 101, 102, 103, 104, 105, 106, 107, 108, 109, 110, 111, 112, 113, 114, 115, 116, 117, 118, 119, 120, 121, 122, 123, 124, 125, 126, 127, 128, 129, 130, 131, 132, 133, 134, 135, 136, 137, 138, 139, 140, 141, 142
|
|
| |
|
|
|
|
RSS
