|
|
|
|
|
 |
| |
::Kherit Lekh :: |
| Natalanchi kotha |
|
 Natalanchi porob mhonnlear kitem? Thoddim vorsam ho proxn eka Kristi ghorabeant kel'lo zalear, tore-toreche zobab amkam aikunk melltole asle. Bazarant, kopddeamchea posrear vochun nove kopdde, danam ani her gorjecheo vostu vikteo ghevop, oso ek bapui mhonntolo aslo. Kuznant nevreo, kormolam ani her mittai korun, xezareank, soiream-daireank vattop, oxem ek avoi sangtoli asli. Dongrar vochun, korodd ektthaim korun ghotto, noketr toyar korop, oso supurlo bhurgo zobab ditolo aslo. Modian mis somptoch, mhojea ixtt-mitram sangata 'Christmas Nite' dansak vochop ani bhorpur mouz korop, oxem ek tornatto vo tornattem mhonntolim aslim.
Punn kall bodol'la ani soglleanchea kallza-monan aple sorv-bhonvtonnim ghoddtolea ghoddnneachi zagrutai vaddlea. Natalanchi porob fokt mouz, despez korun oxi ogddaunche boldek, veg-vegllea vixoyancher lokx ghalun , tea-tea gombhir proxnank zobab sodhun kaddunk kall udela.
Mhapxemcho dhondekar Hubert Macdonald D'Souza oxem mhonnta: "Mhaka Natalam mhonnlear ek thir nichev ghevop ani mhojem jivit odhik orthabhorit korop. Natalanchi porob umbrear pavta tedna, amchem kalliz-mon apxinch bhailea vostuncher oddon veta. Bhailea vostumcher lokx ghalche poros, amchea otmeacher nodor marun, amchem jivit nittaer ghalun Natalancho kall ek kherit kurpecho kall. Otmik jivitant girest zaunche boldek, sortolea vostumcher amchem dan-mon gelam. Kristachea zolma nanvan, lok dans ani mouz korta. Tem amchea dhormant ani Kristanvank sobhona."
Bhroxttchara sombondhi uloitana, MES kolejicho associate xikxok Cosma Fernandes oxem mhonnta: "Chantta panvlak bhroxttachar vaddla ani disandis vaddot asa. To vaddounk ani vaddonk amich samanea monis zobabdar. Natalanche porbe somoyar, ek xikxok koso, bhroxttacharant misoll asloleanchim monam uzvaddai mhonn hanv poile suvater Devak prathon kortolom aslom. Tea xivai, nhoinch mhoje kolejint, punn vorgant ani vorga bhair tea kidd'ddea vixim hanv zagrutai (awareness) haddunk proitn kortolom aslom. Natalanchi porob nhoinch Kristanvanchi, punn somestanchi. Bhroxttachem noxtt 100 tok'ke nopoit korunk amche thaim zaunchem na. Punn ekttoch zor tea vaittantlo mekllo zal'lo, tor amchean khup melloun gheum ieta, oxem somzupachem."
Minachea dhondeak lagon, az amchi xrixtti vaitt doxer pavlea. Poriavoronna pasun zal'lem produxon monxeachem nisontonn korta. Hem sombondhi Kankonncho Ashok Desai mhonnta: "Minachea dhondeant aslolea dhondekaramni zaitea sadhea monxeank aple muttient dovorleat. Te tancho durupeog korun, faido kaddtat. Kristacho zolm mhonnlear gulamank suttka divop. Team dhondekarancher amcho khor nixedh marlolo zalear, az samanea lok itlo sonscho naslo. Natalank tem noxtt nopoit korunk upai sodhun kaddum-ia ani tabortob panvlam marum-ia. Tednanch te porbek orth melltolo."
'Tuka Natalam mhonnlear kitem?'-- oso ek vichar Moiddechem kolej xikpi Lisa D'Cunha-k kelo tedna, tannem aplem kalliz-mon oxem ugtem kelem: "Don vorsam fattim thaun mhojea ixtt-mitram sangata hanv axromani bhett ditam. Onath bhurgeam sangata thoddo vell 'Carols' gavun, khell khellun, tanchea eksurponnan vantto ghetanv. Azilamni bhett diun, zantteamchea dukhant bhag ghetanv. Thoimsor ballka Jezuk hanv bhett'tam, oxem hanv sotmandtam. Natalam mhonnlear nhoinch bhailo ghonnghonn, punn kherit bhaxen bhitorli toyari ani jivitachi novsornni. "
|
| PIO ESTEVES |
|
| Goychi Suttka ani Povitr Sobha |
|
| EUSEBIO V. MIRANDA |
|
"Nao abra fogo retira fica em Panjim, Deus ajuda aos Goeses" 50 vorsam adim Purtugez Rajpal an ucharloleam utrancho mhaka ugddas yeta. Aiz Gõyche suttkechea 50 vorsancho vhoddlo dobazo kortanv ani akhem vorosbhor karyavolleo kortoleanv. Zaitea ghoddnneancho ami ugddasuch kelear purona, to amkam ani fuddarak faideacho zaunk gorjechem.
Gõyche Suttkecho ugddas kortana dogam mhan mon'xancho ami ugddas korunk zai. Tednacho Rajpal sorgest Manuel Antonio Vassalo e Silva zannem Dr. Salazaracho hukum kalljidarponnan pallinastana, Gõykaranche surokxe khatir Gõychea ximancher aslolea aplea fouzank oso nimanno sondex dhaddlo "Farmar korinastana, portun Ponnje yeyat, Gõykarank Dev samballta". Hea Rajpalak Dr. Salazaran desghatki mhonnun kheast dili. Tea disamni Mumboichim Gõykaram ani her lok Gõy zhuzachea ujeant ulpota mhonn somzotalim, ponn toxem zaunk hea Rajpalan dilem na. Toch apunn xeronna ailo. Dusro mhan monis sorgest Gõycho Patriark Dom Jose Vieira Alvernaz, hannem Gõychi suttka xantponnim zaunchi mhonn aplo sohokar dilo. Hea dogui mhan mon'xank Gõyche suttkent vantto asa mhonn Gõykaramni kednach visrunk favona. Tanchim nanvam Gõyche Suttkechea itihasant omor urunk zay. Atanche desghatki monis Igorjek porki ani bhedi mhonntat, tannim Bhoktivont Juanv Tevisvea Pap Saibachea xikovnnecho ugddas korcho. 1960 vorsa tannem desanche svotontrtaye vixim dil'lea sondexacher niyall korcho "Desank Swaraj mellta tem polleun amkam vhodd dhadoskay bhogta ani svotontr zal'lea desam borobor lhan desankui suttka mellta tedna Povitr Sobha sontosta". Khorench Bharotantle Povitr Sobhek Gõyche Suttkechi vhodd khuxalkay bhogli mhonn Gõykar omor ugddasacho Kardial Valerian Gracias-an vhodda sontosan porgottlem. Suttkecho vavr xantin ani ohimseche (non-violence) pod'dotin zaunchi mhonn tannem Prodhan Montri J. Nehruk sanglolem. Moniskullacho nas zainastana Gõychi suttka zali. Tea disa Ahmedabadachea Arsebisp Edwin Pinto hea-i Gõykaran Prodhan Montreak porbim dilim.
Gõy Purtugezanchea tabeant 451 vorsam vosnnuk (colony ) aslem. Hea kallar tanchea vosnnukponnachim godd-koddu follam amkam khaunk mell'lim. Gõykarank konnachench gulamponn naka mhonn Purtugezanchea tabeant poddlea uprant 50 vorsam zaunche adinch Gõykar Purtugezam add zhuzunk lagle ani Saxttint Kranti zali. 17vea xekddeant poilo Gõykar Bisp Dom Mateus Castro (Divaddecho), tachem thikann Bicholent aslem, to-i Purtugezam add vavurlo. Hache uprant 'Revolucao dos Pintos'- Pintochi kranti zali. Tantun-ui Gõychea padrinchem fuddariponn aslem. Tannim khorayen virodh kelo. 56 krantikar Gõykarank dhorle, tantle 9 zann pollun gele. Fr. Jose Custodio Faria, Fransak gelo. Thoddea zannank purtugezamni vollvollaile. Herank bhirant lagunk kaim zannank goddeanche xempddek bandun Ponnjechea rosteavelean voddit ani lollovoyt bhonvddavun vollvollavun marle. Tirakolchea kottant sudarvadi (liberal) totvanche Gõykar Purtugezam add vavurtale tankam-i marle; tantunt Aldoncho Mariano Rocha fuddari aslo. Tachi gomtti katrun, herank kheastichi bhirant lagunk mannichea (bamboo) tonkak lavun tacheach ghora mukhar zaite dis ubharun dovorli. Suttke khatir adim ghoddlolea soglleam ghoddnneanchi khorbor ekach lekhan korunk zaina, dekhun toddkean ticho ugddas korunk mhaka obhiman bhogta.
Gõyant Rane-chi kranti zali, titlea mhonnosor Purtugezamnim tanche kodde korar kelo. 20vea xekddeant Purtugalache Sonsodent vochun Francisco Luis Gomes-a sarke des-mogi khasdar Gõykarank soglle hok'k mellunk kalljidarponnant zhuzleat.
Xekim Gõychi suttka zali, porkeanchem raj somplem ani sot'tevont raj sthaplem, ponn kosli hi sot'tea? Gõykarancher novi zulumxai upraslea, ti atam odhikuch zobordosten cholta. Hem noxtteponn pois korunk nove toreche Gõyche ani Gõykaranche sevechea fuddareanchi goroz asa. Tednanch amkam suttkechim godd-godd follam khanvk melltolim. Jai Goa! Jai Hind
|
|
|
| Suttkechea disa, to cholun Mumboi kiteak gelo? |
|
| VIP |
 |
Pilar: Tea kallar Gõyam thavn Mumboi ani Mumboi thavn Gõyam yeunk-vochunk nakea-bondi (blocked) asli. Zaito lok aplea gorzam khatir choryam chulun Mumbai vetalo. 1961 vorsachea Dezembrache 21ver Mumboiche Goregaon Simina....
|
|
|
| Maria ani Juze Ballka Jezuk Gõyant svat sodtat |
|
| FR. JOSE ANTONIO DA COSTA |
 |
Natalanche Porbechi soglleak toyari cholta. Dhondekar poixe komaitat. Jezuk vollkhonant te-i hea disamni Jezuchea mogan poddleat, karonn tancho mhal khopta, aple nach, vazontram, keseteo hem sogllem Jezuchea nanvan vichitr kanni. ....
|
|
|
| Silent Night portun haddat: Xant Nixa, Xubh Nixa, sogllem xant, sogllem porzollit |
|
| ANSELMO DE SOUZA |
 |
Don hozar ikra vorsam adim, xant ratir Jezu amchea sonvsarant bhitor sorlo. Dev dutamni xanticho sondex porgottlo, rakhnnem sontosle ani udentiche zannar Im'manuelak mellunk vattek lagle. Khoreponnim ti rat xant ani povitr asli, karonn Sobd....
|
|
|
| Kaun Banega Crorepati zoitivontak poixe magpi lok sotoita |
|
| NDTV |
Bihar: Biharchea Motihari zil'leant ravtolea Sushil Kumar-ak Kaun Banega Crorepati hea TV karyavollint 50 milhanv rupia favo zale ani to itle duddu jikhlolo poilo monis zaunk paulo. Karyavolliche duddu taka azun mellunk na....
|
|
|
| Padricher akromonn |
| Konn kiteak nixed marina |
| BOSCO DE SOUSA EREMITA |
VHODDLEM GÕY: Dezembrache 8-ver Vhoddlea Gõyam disa uzvadde dog bhavamni lob ghal'lea padrik akromonn kelem mhonn aikun loz dista. Ti ghoddnni povitr zagear ghoddloli polleun odik dukh bhogta. He ghoddnne fattlean soglle....
|
|
|
| Tiatr -Gõychem kalliz ani atmo |
|
| PANTALEAO FERNANDES |
 |
FATORDA: Kala Akademichea 37ve Tiatr spordhent Ami Daizi Fatorda he sonvsthen sadar kel'lea Daiz nanvachea tiatrak tis tiatram modem poilem inam favo zalem, tea bhair ut'tom tiatr borpavolli khatir poilem – Agnelo Borim, ut'tom ....
|
|
|
| Gõychea pulisanchi protima bigoddta |
|
| STANLEY VAZ | VIP |
 |
Ponnje: Gõychea pulisanchi protima (image) borich bigoddlea. Hea vo tea guneavamni te guspolleat, Gõyche pulis bhroxttacharachea zallant xirkoleat. Sod'deak tori hea zallantle bhair sorpak tankam borench kotthin zalam. O....
|
|
|
| Pushpa, 35 |
|
| TEHELKA |
 |
Pushpa nanvachi 35 vorsanchi ostori kalljidarponn gheun oniticher zhuzunk fuddariponn choloita. Bhalaswa ganvant 20 hozar lokacheo zhompddeo asat. Heo zhompddeo moddun novim ghoram bandun divpachi yevzonn sorkaran bhasail'li ponn azun kiten....
|
|
|
Page
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32
|
|
| |
|
|
|
|
RSS
