|
|
|
|
|
 |
| |
::Vachpi Boroytat :: |
| Aam aadmik suttka |
|
Fattlea V. Ixttar aam aadmik suttka hea matthallean Stanley bab boroyta tem khorem. Goyche suttkechea pon'nasvea vorsant Goykaramni paim ghalo. Khoincheanuch Goychi suttka zalear pon'nas vorsam zalim. Hea ugddas sorkar amcho kitem na kitem novlam kortoloch; hantunt kosloch dubhav na, ani hem korunkuch zai ugddasak ede vhoddle ghoddnnechea. Ponn hem kam, proxason 'online'-cher mhonnlam tem mhaka vegllench lagta. Ghora bosun mhojean kocherint vochonastana gorjechim kamam korunk zatolim, tem koxem. Kompiuttarancher mhojem sertidanv zai zalear melltolem, tem mhaka faideachem zatolem vo kitem hacher mhaka dubhav. Amche adle daklle sogllech purtugezint asat, ponn kocherimni purtugez nokllo aslole karkun vavurtat, te dukument koxe onlinicher dhaddtole. Te kortat tim kamam faideachim zait. Adlea daklleanchim pustokam thoddim pinzleant, tanchim panam artunk-portunk nant toslear bhesar tem poilem tharear ghal'lem zalear odik faideachem zatolem. Kitloch lok sangta sertidanv mellona, pustokachem paunch na adi. Hem tor amchea sorkaran lokx ghalun kam' kelear borem. Him kamam korunk Purtugez zanno aslolech monis vo adle monis je bospogari zaun ghora asat tancho sorkaran adar gheuncho. Hi suchounni hanvem adim kelea.
|
| C. LOBO,SALIGANV |
|
| Romi lipicher tumi kiteak pinddovtat? |
|
| LEONARDO LIMA, NAVELE |
|
Ail'le pavtti romi ani nagri lipi mhonnun tumche proxn chaluch asa. Ho proxn sodanch kiteak chalu astana. Ho hacher add ani to tacher add hem amkam sobta zait, konn Konknnichea mogan mela, konnak Konknnicho mog asa zait? Hacher poile svater kholayen niyall kel'lo zalear ugtem zateponnim gomtolem aslem. Atam konnui kitem-i boroita ani Konknni bhaxechi sarki vollokh naslolo topasta; oslo monis kitem ani koxi bhaxeche nodren borpavollichi topasnni kortolo? Thodde monis apunnuch kitem boroytat tem apnnakuch khobor nam. Kaiborim zannvik pustokam asat, borounk poilem xikat. Amkam zalear romi-I zai ani nagri-I bi zai. Donui lipi zanno zalear borem zatolem. Sahitya Akademi kodde Goykar gel'le tedna ami soglle romivale sust nidhle; ani he amche nidhecho faido dusreamnich kaddlo. Atam ami xempddeo daddaitanv. Nagri lipi iskolamni bhurgeank xikoitat, ponn kitlim bhurgim nagri lipichim pustokam vachtat te vixim hanvem vichar kelear zabab diunk kallav lagta. Sunaprant disallem potr uzvadda yeta, tem kitlim zannam vachtat. Hanv ekuch sangunk sodtam tem: Goykarank Konknni vachunkui naka ani xikunkui naka, tumi anik kiteak zogoddtat. Zogddim zhuzam korche bodlek romi xikum-ia ani nagri xikum-ia. Adim Goyant Konknniche sevok asle tech zagoitat te amche modle na zale ani bolteanchich daddagiri vaddli. Hem sanglam mhonn konnech vaitt dhorchem nhoi.
|
|
|
| Borovop nhoi ponn ulovop zai |
|
| ASHLEY PEREIRA, VHODDLEM GÕY |
Dezembrache 18ver uzvaddail'lea V. Ixttacher Pri. Almir de Souzan Pri. Jeusino Almeida-k zabab dila to mhaka avoddlo. Almir bab mhonnta:Nagri lipi borobor Romi Lipi ekach panvddeacher dovorlear zaito lok aplea bhurgeank inglezichea 'private....
|
|
|
| Ghottnnecho Goir-Somoz ? |
|
| FR. MOUSINHO DE ATAIDE, RAITURCHI SIMINAR |
Xri M.K. Jos-an 2005vea vorsa Vigaram ani heram udexim lokacheo nixanneo gheun Raxttrpoti Dr. Abdul Kalam-ak 1ler vo 2rer Otubrache 2005 orz dil'li, sangun Romi lipi Khristi somazachi lipi mhonn ani Ghottnnechea 347vea kolma khal tika mania....
|
|
|
| Romi Konknnichi Xokti |
|
| PRI. JESUINO ALMEIDA, PILAR |
Novembrache 27vecho V. Ixtt vachlo ani Konknni bhaxecher ani Romi Konknnicher zaiti mahiti mell'li. Bharotache Ghottnecho 29 (1) kolm Bharotachea khoincheai rajeant ravtolea lokak apli kherit bhas, lipi ani sonskrutay samballunk hok'k dita ....
|
|
|
| Sompadpi boroita |
|
| SOMPADPI |
Gõychea zannaramni amchea Gõykarank guspaileat mhonn dubhav yeta. Aplim xanneponnam uloun-uloun Konknnicho bhes khoim pavla tem polleunk te visortat.
Konknni ulovpeancho, vachpeancho, boroupeancho ani Konknnint ch....
|
|
|
| Xabas Romi lipik Ghottnnancho adar! |
|
| MELWYN FERNANDES, SANGUEM. |
Aizuch mhaka Novembrache 27velo V. Ixtt mell'lo ani tacher tumi Konknniche romi lipik lagu zatolem Ghottnnent kolm vo clause asa tachi khobor tumi dilea ti hanvem vachli. Itlim vorsam tumi vo Romi khatir vavurtole zannkar mhonntat te khoim ....
|
|
|
| Goykarank avoibhaxecho mog na |
|
| JOAQUIM FERNANDES, POMBURPA |
Bharotantlea khoinchea-i rajeant gelear thoinchea lokak aple bhaxecho mog asa mhonn gomta. Dokxinn Bharotantlo lok aple bhaxe xivai dusre bhaxen uloinant ponn Goyant ami Goykaram amchi bhas soddun ami porkeo bhaso uloitanv.
Bhur....
|
|
|
| Romi lipik ghottay |
|
| TARQUINO DE SOUZA,VASKU |
Novembrache 27velea V. Ixttache ankar poilea panar hea voilea mathallean Xri Bosco de Souza Eremitan boroyl'li khobor vachun amkam vorti khuxalkay bhogli. Konknniche Romi lipyek sorkari ani bhovxik mollar unneponnacho man melltolo polleun d....
|
|
|
| Porbim Pilar Sonvsthek |
|
| A. MIRANDA,ALDONA. |
Pilarchi Sonvstha veglli nhoi ponn Goyche Arkidiosezichi; bhagevont lamb nodor aslolea misionari monachea Gõykar padrin ti sthapli. Itihasik nodren pollelear he sonvsthek kalla pormannem koddu dis ailet. Ponn koddsannin goddiye....
|
|
|
Page
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47, 48, 49, 50, 51, 52, 53, 54, 55, 56, 57, 58, 59, 60, 61, 62, 63, 64, 65, 66, 67, 68, 69, 70, 71, 72, 73, 74, 75, 76
|
|
| |
|
|
|
|
RSS
