|
|
|
|
|
 |
| |
::Liplelim -Sanddlelim Mannkam Motiam :: |
| Nanv Gazlam…Pen Dhanvlam… Tachim Tim Mannkam-Rotnam… |
|
 Nanv tachem khup gazlam…Pustokam somestank avoddleant…Xabaski diun, vakhann'nni tachi korunk potramni porgottlam. Pen tachem nettan dhanvlam. tannem rochleant mannkam rotnam. Ani…taka vhodd abru divpi toch to Raxttrapoti Obama. Konn re to? To Rick Warren, Amerikecho vhodd nanv lovkik atmik novsornni haddpi fuddari mhunn tachem fam zalam. Akhea sonvsarant taka durdorxonar dekla, kiteak Obama-n Raxttrpotichi apli zutti ghetli tednam survatachem magnnem Warren-an kelem. Hoi, khas kovit diun Raxttrpotin taka apoilo..punn kaim zannancho boncho vankddo zalo; kiteak? Pastor Rick Warren gorbhpatacher (abortion) ani som'lingi lognancher(gay marriages) sarkoch virud.
Tachem vhoddlem zhuz mhonnxi, aichea somazant kallok haddtele panch druxtti Goliath asat tankam bott dakoita Te he;:1)Atmik xellmodday. 2) Svarthi fuddariponn 3) Konixttay-durbollkay 4) xikop na zaun nennarponn 5) Pidde-duensan mortolo lok.."America's Pastor" hea nanvan kaim zannamni taka pacharla. Khas 'The Purpose Driven Life' nanvachem tachem pustok ekdomunch onek torecheam lokan tem giraslam ani 30 milhanv odik protyeo onek toren utrailoleo khopleat. 1980 vorsa fokot eke familik ghevn tannem U.S.A Californiak Lake Forest zagear 'Saddle Back Church' nanvachi igorz suru keli. Az ek vhodd zago tannem ghetla ani sumar 25 hozar lok dor satolleak thoim ekvott'ta. Tachea hinddant bonkun bhogtole, gungi vokhtamni gul'l zalele, HIV/Aids pidda aslele monis thoim magnneak ekttaim zatat ani aplem jivit te novsortat.
Pastor Warren aplea tea pustokant kitem amkam ugoddta? Survatachim utram boroun to mhonntta;"Hea pustokant ogllem kitem mellta: hi ek 40 disanchi yatra ani tuje jinnecheam mukhi vicharank zabab mellta. Sonvsarant hanv kiteak ailam? Khoim choltam? Xevott mhozo konn? Warren mhonntta:" Fokot khas mhoji axa, mhojem soponn, mhoje gunn, mhozo hetu topaslear Devan mhaka kiteak rochla hem thavem zanvchenam. Fuddem to uloita" Tum jivo asop hi ek Devachich khoxi. Tuka Devan rochla ani aplea kama khatir tuka rochun haddla. Hacho tthav tuka gavlea xivai, tuje jinnek orth aschonam. Fokot Deva vorvim (it is only in God) amkam kollun yeta: konn mhozo orombh,konn mhoje jinnecho orth, konn mhozo xevott ani kosle ritin hanv cholunk xoktam? Dubavuch na ,kaim lokan taka nakarla. Xikovnn tachi tankam mandunkna. Khas korun eka dadlean eke baile laghim logn zavop,lingacho vapor mannsugen korcho hem zaiteank ruchona.
Katolk Igojenui tacheo kaim khoddi kaddleat. Punn Pastor Warren Katolk Iorjecher virud na. Katolk lok niz bhavarti mhunn to mandta ani aplea borovpamni padri-madrincheo sangnneo to porgott'ta. Madar Terezak to chodd mandta. Jerul tache laghim khub xudh ani nitoll asa tem ami xikchem ani faido kaddcho. Afrikek Aids pidda perovta ani durbollkay vaddta tacher to zhuzta. Tachim pustokam, khas korun 'The Purpose Driven Life" zaitea lokan apli jinn orthabhorit korunk
utsav ditolem.
|
| UBALDO |
|
| To Khoim Devak Mandinam.., Ponn Ruchin Vachta Povitr Pustok |
|
| UBALDO |
|
Bharotantlo vhoddlo boroinnar 95 vorsancho Kushwant Singh bab, ugtem ulovpi, tondd foddun mot divpi, motteam babunk fafavpi. "Absolute Kushwant' hem tachem pustok viktem ghevun umedin vachlem, ek pavtt hatant ghetoch tem soddin disona. Tachea lovkik penacho lekh dislear kosoch hanv soddinam. To chalti gozal rongoita ani khup ruchik korta. Ho eka niz boroinnaracho gunn. Devachi gozal uloun to mhonntta:"I am an agnostic, I've never been religious' ( Devak hanv mandinam, mhaka kednanch dhorm pallunk umed yena) Aichea somazant dhormak mhotvacho. Aicho monis chodd dollmollit (insecure) jinn jiyeta, dekhun to Devak sodta" oxem to sangta. Dhormanchim Povitr Pustokam hanvem vachleant, tantun mhaka kaim faideachem sampoddlam". To 1960 vorsa Hawaii ani Inglandak vidyapitthant onek dhorma vhoir vidyapitthant xikoitalo dekhun Koran, Bhagvad Gita, Bible vachun tannem obheas kelo. Devak mandinaslolo monis dhorma vhoir xikounk fattim soronam. Gomot nhoi hi? Poixeam-potta khatir kitem ami korinant?
Kushwant mhonntta: "Zaito hindu lok apunn 'peace loving'(xantin cholpi mhunn nettan sangtat punn teach hindu lokan Orissant Kandhamalant kristanvancho jiv kaddlo ani Gujratant musolmanache tirpatte kele, hi ek lojechi gozal. To mhonnta:Bible ugoddlear, thoim tuka moladik sangnneo melltat. St.Juanvchim utram taka avoddtat Ju1:1-5) Orombak Sobd aslo ani Sobd Deva sovem aslo ani Sobd Dev aslo…." St.Pauluchim utram to chodd mandta (1Kor.13:1-3)"Mon'xancheo ani devdutancheo porian bhaso hanv uloin punn mhaka mog na zalear, mhojem uloup vazte ghantti sarkem". Vorto man tankam mhozo:Ut'tor Indiek Kasauli Khuswant-achem ghor asa ani thoim don fottu distat: Mahatma Gandhi ani Madar Tereza". Tankanch hanv vorto man ditam ani khup ojeaptam" to mhonntta:"Soglleam modem Bapuji mhaka chodd vorto. Baknnar ani dhormik monis yeun gele, tanchi amkam sarki mahiti mellonam. Punn Gandhi atanch amche modem jiyelo, mhoje porim ozun kitle jive asat ani porxim taka vollkhotat. Soglleam hujir tannem aplem jivit ugtem kelem; apnnakuch tannem vingllo kelo.Tache poros odik promannik monis mellunk chodd avgodd". Madar Terezachi-i taka khup opurbai.The New York Times potran Madari voir borounk tache kodde maglem ani porxim Madrasak vochun to Madr Terezak bhettlo: "Tin dis hanvem Madr Tereza vangdda sarle, sokallim fantear tem sanz porian hanv tiche borobor aslom. Potrkar koso hanv zaitea svatancher bhonvlam, onek veoktik bhettlam, punn he tin dis Kolkatak sarle te mhojea kallzant jive urleat". Aikat tachi gozal: "Poile svater Madr Terezan mhaka Nirmal Hriday hea ghorant vhelo. Hem ghor tika Kolkota Corporation-an dilam.Tem aikun kaim hindu lok ekannench chavolo. Kali mondirant vavurtoleam kaim bhottamni ticher akromonn kelem. Ek dis madarin tankam fuddo kelo ani oxi ti uloili; "Tumi mhozo jiv kaddunk sodtat zalear mhaka marat. Punn hea mhojea lokak dukhoinakat. Tankam xantin morunk diyat" Itlean te ogi poddle.Tanche modlo ek bhott boroch duent zalo. Piddent foddfoddtalo. Madarin tacho boro poramos kelo.
Hem polleun tea bhottamni aplem mon bodol'lem. Uprant tanche modlo eklo Madar Tereza fuddeant yeun sorpottun mhonnlem: "fattlim tin vorsam legun hanvem Kali devichi seva kelea. Madar az tum ti Devi, mhojea fuddeant asa". Kushwant mhonntta ghora portotana ek nimanno vichar tika hanvem kelo" Madar, ek sangxi? Heam koddkaranche ghann yetele ghai poddleleam piddevontank hat launk ani vengounk tuje kodde koxem zata? Te vonkun mhellem kortat tachi tuka vitt yenam? Tednam ticho zabab hanvem aikolo: "Kushwantji dor mon'xa sovem hanv Jezuk polletam. Mhakach hanv mhonnttam' Ho asa bukel'lo Jezu. Ho asa koddkar Jezu…Taka hanv dhutolim ani tachi seva kortolim".
|
|
|
| 'Super Saina'-Obhiman Bharotacho, Salam Tika! Bhovman Favo |
|
| UBALDO |
 |
Aicho sonvsar khup fuddem pavla khoro, punn kaim goirsomoz matr koxech palovn vochonant. Halinch Suprim Niti Sobhentle nitidar ostoren apleam dogam kazar zaunk naslelea dhuvam vhoir uloun tim apnnank ek lagnnuk (liability) mhunn tondd foddu....
|
|
|
| To Babulo…Gullo Mogacho! Tujech khatir…Gulam' To Zalo… |
|
| UBALDO |
 |
Jezuchea Povitr Nanvachi porob Novea Vorsache survek somarombhtat. Svami sangta (Ju.14:13-14)
"Tumi mhojea nanvan magxat titlem-i Hanv kortolom ani oxi Puta sovem Bapak mhoima melltoli; Tumi kitem-i Mhoje nanvim magxat zalear,han....
|
|
|
| Hima poros dhovo mhaka kor, tujeach gopant mhaka dhor |
|
| UBALDO |
 |
Leonardo de Vinci ek chodd huxar chitram kaddpi kolakar aslo.Tache kolechem chodd vortem chitr "THE LAST SUPPER"(Jezuchem Nimannem Jevonn). Hem rochunk khup kall taka laglo. Ek dis tachea ani eka vollkhichea mon'xa modem koslem ki....
|
|
|
| "Asian Angels" Khell Rongoitat |
|
| UBALDO |
 |
Supurli choli China desantli apli gozal zobor murgottun sangta" "Amchea ganvche chali pormannem ek cheddum hanstana aple dant dakovchem na, kiteak amcho lok hem mandina. Punn Asian khellamni portench ghoddlam: Ami cha....
|
|
|
| Mhan Raxttrpoti OBAMA |
|
| UBALDO |
 |
Xri T. Roemer, Amerikecho Raxttrpoti Bharotak kitem mhonntta tem aik ixtta: "Raxttrpoti Obama Bharotak bhett diunk yeta, kiteak Ameriken Bharota thaim kherit ixttagotiche sombondh ghoddun haddlear faideachem mhunn to chint'....
|
|
|
| "Mission Cumplida Chile !’ |
| Mineramni zoitachi huel marli… |
| UBALDO |
 |
Halinch Chilent, Hena pradexant zomni pondak kaddtelea kollxanchea mina khonnint marekar obsoeg zaun khinnek 21 zann mele ani 16 zann bhitor xirkun urle. 1958 vorsa Ostom Bengalant Chinakuri minache khonnint tosoch ek bhirankull obsoe....
|
|
|
| Bhavponnacho sombondh mhotvacho! |
| Khellacho nett-khotkoto… |
| UBALDO |
 |
Raxttrpoti Xmti. Patilan vhodda umallean gazoilem “LET THE GAMES BEGIN”.
(Khell te suru zaunche). Hoi, tellun ravlolo dis udelo,dobajean ani vhodde umedichea nadar Commonwealth khellank survat dili. Pakistani k....
|
|
|
| Amchea Desachi Fuddem Tanch… |
| Punn Ozun Broxttarachea Chiklant |
| UBALDO |
 |
Halinch Raxttrpoti Obaman Ekvottit Raxttrache Sorv sobhent aplem bhaxonn ditana Bharot desa voir chodd obhimanan uloilo. Rokddo hanv Azieche bhetter astolom ani Bharotant vetolom. Hea desan xantikayen zulumxahi poisaili ani lokxayechem raj ....
|
|
|
Page
1, 2, 3, 4, 5, 6, 7, 8, 9, 10, 11
|
|
| |
|
|
|
|
RSS
