|
|
|
|
|
 |
| |
::Voparinchea Bhanddarantlem :: |
| Konnio uddoun kombeank zhogddunk laile |
|
Gõycheo vechnukeo lagim pavleo. Zonn eklo umedvar jikhunk proytn kortolo. Hata khal upay asat te vaprun zoitivont zaunk sodtolo. Tachean ekleachean vhoddlo prochar korunk zavchona. Punn zaiteank, sangati vavurpeank ektthaim korun, to dara-daraxim ravtolea veg-vegllea vangddea lagim adar bhett kortolo. Adlo amdar zalear porot mell'lear panch vorsamni daram-daraxim aplo nirop patthoitolo. To ekach ghorant ravtolea veg-vegllea vangddea lagim adar bhett kortolo. Adlo amdar zalear porot jikhun jevunk aplea vavracher patyelo. Vell mell'lear panch vorsamni dara-daramni porot bhonvtolo. Eka motdarsonghant ekloch nhoi. Punn thodde tori umedvar astole. Ani ghorchea veg-vegllea vangddeank aple vatten oddunk vavurtole. Ami apnna sorxim oddun haddtana, tankam notti dakhoitole. Ani ekach ghorantle doxim zatole. Xezari-xezari dusman zaun eka-meka lagim zogoddtole. Vaddeant futt poddtoli. Ganvche vandreo zatoleo. Konnio uddoun kombeank zhogddunk laitat toxe mogan jiyetoleam modem duspott zatolo.
Tujem mot konnak? Hanvem vicharlam punn tujean sangunk zaina. Mot konnak ghaltat ho ghutt dor eka nagrikan samballunk zai ukteponnim sangunk zaina. Nivddun ailolea amdaramni kitem borem kelam mhonnun. Hem sarkem na zata astana mot ghalinam zalear, hem ek patok? Oxem zalear mot konnak ghalchem? Ho proxnn zaiteanchem mon ghansaita. Soglle bhroxttachari soglle fotting – soglle chor. Tannim amchem sobit Gõy chorun ani luttun khelam. Dogui vo tegui vaitt zalear, tantuntlo unno vaitt asa taka tujem mot ghal. Mot ghalinastana ravum naka. Mot ghalunk tuka ghora sorxim apoisor ravum naka. Punn promanikponnan tujem mot ghal. Adlea kallar konsiensan aplem mot ghaltale. Tednam konn konnak kainch dinaslo. Ani lokak zai tem vanttunk tea umdevaram kodde ghoddonaslem. Aiz ek-ek mot diunk xembhoramni ani hozaramni ditat. Tea bhair magtat teo vostu-i melltat. Ani sade nagrik pasun hachem-i ghetat, ani tachem-i ghetat. Ani aplem mot apnnank zai taka martat. Hem sarkem na! Ami tankam chor ani nagovnne mhonn bottam dakhoitat umedvar ani amdar montri tor bhroxttachari. Ami konn zale? Te amkam luttun khatat. Ami duddu gheun mot marlear vaitt asa? Hoi! Hea il'lexea chiklan tum tuzo sonvsar kainch zaina. Punn dilam tem gheun, tum tea umedvaracho gulam' kiteak zata? Tujem mot tum il'le xea poixeank vikta tedna, tuka tea amdarak kitem-i sangunk tondd astolem? Il'lem xem gheta tem tuka chodd faideachem zaina, zalear tum tem ghetay kiteak? Tum poixe gheun mot martay tedna, tujea ontoskornnak matui chimtto yena? Tunvem magunk na, punn maginastana dilear pasun, tujean na mhonnunk kiteak zaina? Sorkar bhroxttachar mhonn Anna Hazarek tenko diunk tunvem nare gazoile. Atam tum bhroxttachari zalona? Dusreank bottam dakhoitana, tunvem tujem chint'lolem?
Tuka koslo sorkar zai? Vechnnukô zatoch umedvar asat te amdar, montri zatole. Zalem tanchem kam'! Atam panch vorsam pasun tuka thoddim motam ani vostu mell'loleo teo gheun nach. Te thoinsor Gõy nagoyt asat. Tankam Gõychem poddlolem na. Punn apnnachench poddlam. Thodde pautti ekach pokxak favo te amdar khuxe monan gheun pasun sorkar ghoddunk adar ditat. Lakhamni te halonant. Atam kruttancher poddlam. Kitem-i zaum, sorkar nivddun yeta to, porjechea boreponna khatir vavurtolo sorkar ascho.
Udok, bizlli, gex, roste, tandull-gotto, bhaji-palo heo gorjecheo vostu koslich addkoll nastana sadea mon'xak mellunk zai. Rotti, kapddam vo makhan mellona zalear, sadea mon'xachem jivit avgodd zata. Gõyant choddxe Hindu, Kristanv ani Musolman lok jiyetat. Sorkar nivddun yeta tannim nagrikank aplo dhorm jiyeunk addkoll ghalunk zaina, punn sogllim sompeponnam ani suvidha diunk zai. Amchea Gõyant, Gõykaranchem khaxeleponn asa. Sobit-sundor amchem Gõy! Maddamni bhorlolem, dongramni nettoil'lem, doria nodimni girest zal'lem. Hem Gõychem khaxeleponn sorkaran togun dovrunk proytn korunk zai. Tech porim karnaval-shigmo, mando-dulpodam, bebinka-sorpotel, futtboll khell hem sogllem amchea Gõychea sonvskri borsol'lem asa. Tem samballun dovrunk ani fuddle pillgek pavun, Gõychea sorkaran panvlam marunk zai. Konknni amchi mai-bhas mhonn ami amchim horddim boddounkuch urle.
Tich kor-ia raj-bhas mhonn nare gazoile. Punn nagrivale, nagrik Konknni Morathi mavxe borobor, ghottnechea attve-vollerint gheun gele. Ani padrink, tiatistank ani thodde borea monanchea mon'xank Romi vo Devanagri tiche udorgot korunk zai. Gõychea ani Gõykaranchea mogacho mhonn kollun yetolo. Amkam ek boro sorkar favo zauncho, hench amchem magnnem. |
| NEVEL VELL'LEKAR |
|
| Onupkareamni infern bhorlam |
|
| NEVEL VELL'LEKAR |
|
Monis disa onnbhovta, uloita, korta tem zaite pautti sopnant yeta. Mhaka poddlear legun ugddas urona. Punn fattlea disamni ek sopon poddlem. Tachi yad mhojea monant riglea. Hea sopnacho orth hanv aiz legit niyalltam. Bhirankull sopon tem.Ifernachea ujeant konn tori lastalo. Apnnak vattai mhonn bob martale. Hea ifernant lastale te soglle mhoje vollkhichech! Tanchim tonddam hanvem vollkholim. Te soglle tanche avoy-bapaiche onupkari put! Tanchea avoy-bapaycho upkar tannim on-upkarponnan farik kel'lo. Aplea avoy-bapayk aplea ghorkarnnichem aikun tannim khup tras dil'le, tankam vollvollail'lim. Tantun avoy-bapaycheo thoddeo dhuvo-i asleot. Oslea onupkareamni ifern bhorlolem dislem.
Avoy-bapayche upkar visrum naka: Amche pasot avoy-bapain kitem kelam tem vichar! Tannim amche pasot raticho dis ani rogtachem udok korun amkam jivit dilam. Bhurgem ostorechea kusveant zolmotana bapayche huske vaddtat. Avoyche koxtt suru zatat. Goddyek logn zatoch bhurgem rochlem tedna, vo eka bhurgea fattlean dusrem bhurgem zalem, vo dogam cheddeam vo cheddvam fattlean anikui cheddo vo cheddum zaunchem asa mhonn kolltoch, taka kusveantuch marpachi tallnni avoy-bapaik yeta. Punn he tallnnecher zhuzun, tim aplea bhurgeak zolmak haddtat. To bhurgo vo bhurgem hanv zait! Punn hanv zolmunche adim zaite pautti avoyn kitle koxtt bhogunk nant? kitle tras sosunk nant? Avoy-bapayn amkam mon'xam keleant mhonn aiz ami tokli uklun bhonvtanv.
Tim oskot asun tannim amkam bollvont kelim. Tim nennar asun, tannim amkam zannvayen bhorlim. Apnnem unneponn bhogun amkam soglleo souloteo dileot. Apnnank koxtt poddtat te aplea bhurgeank kainch sangunk na. Khoinchean tori haddun, bhurgeank favo tem jevonn-khann, nhesunk pangrunk ani xikxonn dilam. Amkam sogllem aitem mell'lem. Aiz bhurgim aplea avoy-bapaychea upkaran asat? Vo tannim apleak kitem diunk na tache vixim xinn kortat? Tanche zantte-pirayer tancho samball kortat? Vo tim azun morunk na mhonn tancher xinn kortat? Avoy-bapayn bhurgeank zolmank hadd-toch tankam posunk, xikou-pacho kaido mhonn bhurgim somzotat. Hantun kainch vaitt na. Avoy-bapuy aplea bhurgeank khuxal dovrunk bharim vavurtat. Ani zanntim zatoch avoy-bapaycho samball korunk bhurgeank kaido lagonam dista? Kaido na zalear pasun bhurgeanchem monisponn khoim pavlam? Tujea avoy-bapay sovem vagtai, tem tujim bhurgim polletat, tachi tuka khobor asa? Avoy-bapayk tras ditolim, tankam onupkari zal'lim ifern bhogchinant?
Devache khasticho gulam' zaum naka: Aichim bhurgim avoy-bapayche koxtt visorleant dista. Tim tankam man dinant. Tanchem onnbhovik sangnnem aikonant. Tim nennar mhonn pasun zaite pautti tanchim fokannam kortat. Aplim avoy-bapuy mhonn dusreank dakhounk aichea bhurgeank loz dista. Apnna lagim ghoddta tedna avoy-bapayn khup koxtti vavr kelo. Aiz tanchea vavrachi mozuri diunk tanchim bhurgim khup fattim urtat. Avoy-bapayche oskotayent tanchea bhurgeamni tanchem boll zaunk zai aslem. Punn tankam soddun apunn dusrea ghorant vochun ravtat.
Azilant tori konnui samball korunk asta. Punn hea tanchea ghorchea azilant tannim eksur-ponnan sarche poddta. Hea ghorchea azilant tancho samball korunk konn nasta. Amchea avoy-bapayk goddyek duddvanchi goroz na zait. Punn tim aplea bhurgeancho il'lo tori mog melltolo mhonn axetat. Tanchi khobor gheunk ek fon kelear tim khuxal zatat. Punn aichea bhurgeank tanchea avoy-bapaychem poddunk naxem dista. Apleak mogan nhannoitolea avoy-bapayk vell na so dista. Magir tim mortoch moddear roddunk dhanvun yetolim. Lokak dakhounk kallem ghaltat, mornnachem mis dobajean kortat. Koslo faido? jivim astana tanchi khobor ghetlina. Tankam zap keli na. Sunacher, zanvyancher ghalun kosloch faido na. Put-dhuvo avoy-bapaycheo. Tankam il'lo mog diyat, tanchi khobor gheyat, tanche sorxim vell sarat, tankam gorjechem tem diyat, tanchem boreponn korat. Tankam onupkari zainakat. Osleamni ifern bhorlam. Tantun veche adim, chint, niyall. Zanna za tuka zolmant haddun samball kortolea avoy-bapaychem rinn tujean kednanch farik korunk zanvchenam!
|
|
|
| Ontrollar polleun cholta to poddtolo |
|
| NEVEL VELL'LEKAR |
 |
Ek gavpi aslo. To machiyer yeta mhonnlear talleancho kollkollo sutt'talo. Punn to tech-tech surancher gaitalo. Gaitana matxe 'sharp' zalear, kednay tachem ; flet' poddtalem. Lokan fuloilear rokddoch fultalo. Konnaichea kessetink....
|
|
|
| Anak poddlam Anachem, bhereak poddlam kanachem |
|
| NEVEL VELL'LEKAR |
Bhurgeak Povitr Snan, ditana, Povitr Sobha, dog nhoi zalear, eklo tori 'sponsor' ascho oxem suchoita. Tankam Konknnintlean 'padrin-madrin' vo 'podon-modon' mhonntat. Thoddim bhurgeachea padrin-madrin-ank, 'kumpar' ani 'kumparn' mhonn pachar....
|
|
|
| Tachem tondd sodanch vankddem |
|
| NEVEL VELL'LEKAR |
Thoddeanchem tondd sodanch hanstem. Tim sukhan ufeum vo dukhan pirgum, bholaiken okhondd asum vo pidden koxttovum, tanchea mukhamollar sodanch hanso dista. Thoddim amche moddlim sukha ani bholaike vellar hanstim ani khuxal distat ani dukha-....
|
|
|
| Addechem veta nizachem urta |
|
| NEVEL VELL'LEKAR |
2012 voros udeunchem zalem. Bhagi ami, hea novea vorsak ek dis subez asa. Tantuntlean zaitem boreponn amkam mellunk xokta. Punn hea vorsak ek dis subez asa hem vollkhun Devak dhinvas'che bodlek, tem 'leap year' mhonnun, tem ....
|
|
|
| Ujeantlean yeta to votan bavchona |
|
| NEVEL VELL'LEKAR |
Bholaiki ani pidda amchea jivitant rig gheun asta. Punn zaite pautti ami bholaiken bhorlolim astana, amkam Devacho ugddas legun yena. Devan amkam sodanch bholaiken samballunk zai, oxim ami somzotanv. Pidda yetoch mat ami Devak ....
|
|
|
| Dusreacheo chuki polleun sudorta to xanno |
|
| NEVEL VELL'LEKAR |
Sant Fransis Xavier, taka ami 'Gõycho Saib' mhonn pachartat. Hea novenachea disamni zaito lok Pornnea Gõyam veta. Thoddim sodanch vochun aileant mhonn vetat. Thoddim feryent bhonvunk melltolem, hea monan vetat. Thoddim ek bore....
|
|
|
| Bhurgeanche mollnek bim na bhat |
|
| NEVEL VELL'LEKAR |
Bhurgim nastana logn zal'leank avoy-bapuy mhunnonk zaina. Bhurgim nastana ek ghorabo sobhona. Bhurgim nastana xallent ek xikxok xikounk pavchina. Bhurgim amchi vhoddantli-vhodd girestkay. Zoxim fulam nastana ek bhag sobhona, tosoch amcho gh....
|
|
|
| Borem zalear hokol-novreachem vaitt zalear raibareachem |
|
| NEVEL VELL'LEKAR |
Aiz kitlinch lognam tuttun-futtun poddtat. Adim lognam mogache bunyadir bandtalim ani tim moro porian togtalim. Atanchim lognam girestkayecher, suropayecher, vhoddponnacher bandtat ani heo vostu logni jivitantleo unneo vo nopoit zatoc....
|
|
|
Page
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19
|
|
| |
|
|
|
|
RSS
