|
|
|
|
|
 |
| |
::Pollelam tem Boroilam :: |
| Amche Protinidhi ani Opradhi - (1) |
|
Bharot desache lokxayechem mondir mhunnche Lok Sobha vo Parliament. Akhea desache porjen nivddun kaddlole porjeche protinidhi tea mondirant vetat. Tankam 'Member of Parliament' vo 'Khasdar' mhonnttat. Tech porim Bharotachea protek prantant anik ek lokxayechem mondir asa ani taka 'Vidhan Sobha' vo 'Legislative Assembly' mhonttat. Tea tea rajeantle porjen vinchun kaddlole protinidhink tea mondirant bhitor sorpak sondhi mellta. 'Temple of Democracy' vo Lokxayechem Mondir mhunn pachartana hea mondirant borea sobhavacheach mon'xank vochunk sondhi mellchi oxem borea monachea nagrikak dista astolem punn tem toxem ghoddona hem polleun dukh bhogta.
Don ghoddnneo: Fattlea vorsamni ghoddloleo donuch rajki ghoddamoddi niyallum-ia. Shri Shibu Soren, Bharot sorkaracho ek Montri, haka Niyaisobhent khun kela mhunn doxi tharailo ani jivit bhor bondkhonn formaili. Ho khuni Kongres pokxan ghoddlolea sorkaracho ek Montri aslo. Navjot Sing Sidhu, ho ek khub nanvlovkik khasdar, hakai Niyaisobhent "Culpable homicide not amounting to murder" hi krim' adharlolea khatir doxi tharailo ani tin vorsanchi bondkhonn formaili. Ho khasdar BJP pokxacho aslo.
Lok Sobhent: Hea voilea don ghoddnneank lagun ek vost sid'dh zata ani ti mhonnllear amche Lok Sobhent, zaka ami lokxayechem mondir mhunn mandtat, tea mondirant opradhi monis asat mhunn. Kedi vhodd loz hi. Sangtat tea pormannem atanche Lok Sobhent oglle unnem 100 punn opradhi khasdar asat khoim. Hea khasdaram bhitor chor, fotting, nagovnne, khuni ani bolatkar korpi poriant lok asat khoim. Opradhi asun poriant Lok Sobhent koxe pavle? Ho ek mhotvacho prosn asa. 'Inocent until proved guilty' hea dheyacher patyon he rajkarnni ho khell khellta. Tancheo kexi niyaisobhamni (courts) asat ani tea kexincho nirnnoy zaunk naslolea karannan te opradhi mhunn provar zalole na. He opradhi khasdar fokt ekach pokxantle na punn te sogllea pokxamni asat. Mhunnchem Kongres, BJP, SP, BSP ani her soglleam pokxamni opradhi khasdarancho aspav asa. Ogllea unnea sadde painxim khasdaram modle xembhor deddxem khasdar opradhi asat zalear, amchea desacho fuddar kitem zatolo kai?
Vidhan Sobhamni: Lok Sobhent zor oglle unne xembhor opradhi monis khasdar mhunn asat zalear Bharot desachea sogllea prantanchea Vidhan Sobhamni kitle opradhi MLA vo amdar ani Montri mhunn asot mhunn sangpak kotthin zatolem. Punn ek gozal khori ki amchea Vidhan Sobhamni chor, fotting ani nagovnneank bhitor sorunk Lok Sobhentlea poros khub sompem asa. Parlamentant tor xekddeamni opradhi asat zalear amchea sogllea Vidhan Sobhamni tanchea von dupett opradhi MLA vo Minister mhunn man ani bhovman bhogtat astole. Osle amdar Vidhan Sobhamni aslear amchea prantancho fuddar porzollit koso zatolo kai?
Opradhi konn?: Opradhi mhunntta to konn? Zo monis kaido moddun kornni adharta to opradhi zaun asa. Magir ti kornni chori zaum, nagovnn zaum, khun zaum vo bolatkar zaum. Amchi Lok Sobha mhunnllear nove nove kaide ghoddun haddpachi povitr suvat zaun asa. He kaide ami vinchun kaddlolea khasdaramni korche poddtat. Zor hea lokxay-mondirant xembhoream poros chodd kaide moddpi khasdar asat zalear porjechea boreache kaide he chor, fotting, nagovnne ani khuni pranni koxe kortole? Fuddarak hea opradheancho ankddo vaddot vetolo ani akhrek amchi Lok Sobha - lokxayechem mondir - ek 'opradheanchem bhuyar' zait mhunn bhirant asa.
Sompoitana: Hem oxem kiteak ghoddta? Opradhi monis Lok Sobha ani Vidhan Sobhamni koxe bhitor sortat? Hacho zababdari konn? Hea gombhir prosna vixim ami fuddlea ankar chorcha korchi.
Urlolo bhag fuddlea ankar … |
| TOMAZINHO CARDOZO |
|
| Atam To Kall Pois Na! |
|
| TOMAZINHO CARDOZO |
 |
Maratthi Bhasha Pratisthan Somiti (MBPS) jinnem Rajbhas chollvolle vellar Maratthi bhas Gõychi Rajbhas zaunchi mhunn proytn kele ani harle ti somiti atam portun zagi zalea. Arodd ghalunk survat kelea. Maratthi bhaxek Rajbhas kaideant Konknni bhaxe itlench sthan mellchem mhunn tannim magnni kelea. Gõychea sorkaracho Montri Babu Azgaokar hannem-i tich magnni kelea. Dusrea ordhan Romi lipichea pattlavddaramni Romi lipint boroytole Konknni bhaxek onit kelea ani tika-i Devnagori lipi borobor eksarkem sthan zai mhunn tancho 'demand' kitlinch vorsam thavn asa. Rajbhas kaideant Konknnik poilo zago dilo zalear Maratthi bhaxek zorui dusrea zagear dovorli torui Konknni bhaxe itlench tikai mhotv dilam. Khoreponnim Konknni bhaxechea bhoktank, zannim Konknnichi chollvoll ghoddoili ani jikoili, tea Romi lipiyeche pattlavddarank mat fottoile.
Itihasik yada: Luizinho Faleiro, tea kallar Goa Kongres Pokxacho ekuch amdar, hannem Konknni bhaxek Rajbhaxecho dorzo diuncho mhunn Gõyche Vidhan Sobhent ek 'Bill' haddlem. Hem 'Bill' Vidhan Sobhent bhair uddoilem. Hem 'Bill' bhair uddovpak Kongres ani MGP he rajki pokx zababdar aslet. Luizinho Faleiro-chem 'Bill' bhair uddoilem khorem punn Indian National Congres pokxache, te Konknni add kornnek lagun, akhem Gõybhor uzo pettlo, Gõyantli vhoddantli vhodd chollvoll suru zali.
Ekvott: Hi chollvoll fuddem vhorpak Konknni Porjecho Avaz hi sonstha ghoddli. He chollvollichem fuddariponn Xri Pundalik Naik-an choloilem. Konknnichea nanvan Gõyantle Konknni porjek, magir te Kristanv, Hindu vo Musolman zaum, ekvottit kelet. Konknni mogi Gõykarancho ekchar okhondd zalo.
Lipi: Hi chollvoll yexesvi korpa khatir, khoinsoruch lipicho vad haddcho nhoi mhunn KPA-chea fuddareamni tharailem. Ani soglleamni toxench kelem. Xekddeamni lhan daktteo sobha ghoddun haddleot, don vo tin vhodd mha-sobha ghoddun haddleot zhoim hozramni lok ekttovlet ani soglleamni fokt Konknni bhasuch Gõychi Rajbhas zaunk magnni keli. Lipicho ul'lekh khoimsoruch naslo. Gõychea Konknni mogiancho 'Konknni Bhas' he bunhadicher adharit ekvott okhondd kelo.
Visvasghat: Punn Konknnichea nanvan ekvott ghoddun haddlolea fuddareamni visvasghat kelo. Jedna Rajbhas Kaido pas zalo tedna Gõychea Konknni somaza bhitor futt ghalpachi tea kaidean tozvit keli. Hi tozvit oxi asa:-
(a) Konknni bhas Rajbhas keli punn ' Konkani language means Konkani in Devnagori script' hem vakya ghalun Konknnichea Romi lipi pattlavddarank fottoile ani fosoile. Ak'khi chollvoll khoinchech lipyecho ul'lekh korinastana ekvottan fuddem geli ani jedna zoit zalem tedna Devnagori lipyecho ul'lekh korun Romi lipyecher ani tichea pattlavddarancher vhodd onit keli. (b) KPA-che ak'khe chollvollint Maratthi bhaxek koslench sthan diunchem mhunn kednach chorcha zali na. Urfattench Maratthi bhaxek Gõyant koslench sthan asum nezo mhunn amche Konknniche fuddari xatti fuloun sangtalet. Jedna Rajbhas kaido zalo tedna tantun Maratthi bhaxek khub mhotvachem sthan, ogllem unnem Konknni bhaxe itlench, dilem ani Konknni mogiancho dusro visvasghat kelo. Konknnik Devnagori lipin ani Maratthi bhaxek boreponn kelem ani Konknniche Romi lipyechem nisonttonn korpachi survat keli.
Aichi poristhiti: Aichea kallar Konknni (Devnagori) ani Maratthi bhas hea mollancher chintunk zaina titlo bodol ghoddla. Konknni chollvolli vellar je Konknniche fuddari ani Maratthi bhaxeche fuddari eka mekache dusman asle ani eka mekacher uzo onktale te atam ixtt zaleat. Adim Shashika Kakodkar ji tea kallar MBPS hachi ek fuddari asli ani atam Bharoti Bhaso Surokxa Manch (BBSM ) hachi fuddari asa tichea hatant hat ghalun amche Konknniche fuddari Uday Bhembre, Pundalik Naik, Nagesh Karmali, Arvind Bhatikar, N. Shivdas adi ekach kumpasar panvlam martat. Oxem asa zalear MBPS hannem keloli magnni mhunnche Maratthi bhaxek Rajbhas korunk koslich addkoll aschina kiteak tea kallar Maratthi bhaxek virodh korpi Konknni fuddari Uday Bhembre, Pundalik Naik, Nagesh Karmali, Arvind Bhatikar, N. Shivdas adi atam Marattivaleanche ixtt ani mogi zaleat. Mhunnttoch Maratthi bhaxek rajbhas sthan mellpacho kall atam pois na!
|
|
|
| Goykarponnak Dhoko! |
|
| TOMAZINHO CARDOZO |
 |
Itihasacher nodor marlear Gõyant sabar rajyamni raj' kelem. Choddant chodd kall Gõyant Purtugezanchem raj toglem. 1961 vorsa Dezembrache 19ver Purtugezanchea gulamponnantle Gõykar mukt zale ani lokxay raj Gõyant ....
|
|
|
| Rajkaronn ani Promannikponn |
|
| TOMAZINHO CARDOZO |
 |
Hem voros sompta mhunnosor Goycheo Vidhan sobhecheo venchnnuko zatoleo. Goyank ek boro promannik sorkar mellcho mhunn protek Goykarak dista, hantunt matui dubhav na. Promannik sorkar ghoddunk promannik amdar asche poddta ani promannik amdar....
|
|
|
| Mullavem Xikxonn ani Dhormvad |
|
| TOMAZINHO CARDOZO |
 |
Lokxayent nagrikam bhitor, onek somazam bhitor ani torekvar vicharam bhitor bhed-bhav astach. Bhed-bhav asop hem lokxayechem khorem rup. Tantuntleanuch lokxay odik ghott zata, okhondd zata. Punn jednam aploch mud'do khoro mhunn dakhon....
|
|
|
| Boroinnarank Ek Vinonti |
|
| TOMAZINHO CARDOZO |
 |
Amche Romi lipientle Konknni boroinnar sahitik mollar azunuim nhidlole asat mhunnlear fott zanvchina. Zage zayat, utthat, tumchim penam hatant gheyat ani borounk survat korat. Konknni bhaxecho ani odik korun Romi lipint boroitole Konknnicho....
|
|
|
| Amche Svotontr Soinik |
|
| TOMAZINHO CARDOZO |
 |
Junache 18ver, 2011, Ponnjechea Azad Moidanar ji kornni Gõychea svotontr soinikanchea hatantleant ghoddli ti khorench ek lozechi ani teach khatir niz Gõykaramni ani niz Bharoteyamni tacher koddok nixedh marpachi goroz asa. Osl....
|
|
|
| Mullavem Xikxonn ani Dhongiponnam |
|
| TOMAZINHO CARDOZO |
 |
Mullavem xikxonn Konkani, Moratti ani Inglez bhaxenui aschem vo tem fokot Konknni ani Moratti bhasamnich aschem hea vixoyacher motti chollvoll zali. Sorkaran aplo nirnnoy dilo. Tea nirnnoya vorvim aplea bhurgeank khoinche bhaxent mull....
|
|
|
| Xikxonnant Bodol Zaupak Zai |
|
| TOMAZINHO CARDOZO |
 |
Goy svotontr zalea uprant xikxonnik mollar khub progoti zali, hantunt matui dubhav na. Vaddea-vaddeamni mullaveo xalla ugoddleo, ganvam-ganvamni 'High Schools' sthaplim, kaim ganvamni 'Higher Seccondary Schools' hanchi-i survat zali. Protek....
|
|
|
| Adeus John Gomes (Kokoy) |
|
| TOMAZINHO CARDOZO |
 |
Monis kitlo kall jiyeta hem mhotvachem nhoi punn koso jiyeta tem odhik mhotvachem asa. John Salvador Hipolito Roquelino Gomes zaka tiatr ani sahit'tik mollar John Gomes (Kokoy) mhunn vollkotale hannem aplem jivit bhes bore toren sarlem, apl....
|
|
|
Page
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18
|
|
| |
|
|
|
|
RSS
