 |
| |
::Katolk Khobro :: |
| Naitik totvamni 'Europe bankrupt': Arsebisp Concessao |
|
 Novi Delhi: Kaidea add aslole duddu Switzerland desa sarkea Katolk desanchea benkimni ghalunk diunche nhoi. Naitik totvamni 'bankrut' zalolea Europachea desant Xubhvortomanachi goroz asa mhonn Arsebisp Concessao-an sanglem.
Switzeraland sarkea desa lagim sonvad korun, thoinchea benkimni aslole duddu porot Bharot desant haddun, nit korunk ani progoti haddunk, Ad Lima bhetter gelolea Delhichea Arsebispan maglem. Tannim proyotn kortole mhonn sanglam. Dhorm pallunk hanga aslole Katolk lok kosle? Ho ek vhoddlo proxn. 'Catholic News Agency'-k apli mulakat ditanam, niti ani xanti khatir aslolem Pontifikal Mondolla lagim, kaim 'tax' farik korunk sodinaslolea Bharoti lokacho itlo duddu Switzerlandantlea benkimni zoma kel'lo asa tea vixim bhasabhas kortanam, Europak porot Kristanv korchi goroz asa mhonn disun ailem.
Gorjechea naitik totvam Europe des 'bankrupt' zalolo disun yeta, mhonn Bharotantle Bispamni bhasabhas sompoili, oxem Arsebisp Concessao-an sanglem. Europe desant porot dhormporgottnecho vavr suru korunk Bharoti lokan adar diuncho vell pavla mhonn tannem sanglem.
Azientlea ani Afrikentlea desamni Bori Khobor porgottcho vavr Europantlea misionaramni suru kel'lo, hacho amkam odik husko zala. Dorjeachim, jivitak lagu zatolim, mon'xachea hok'kacher attaplolim ani boudik totvancher Pap Saib bhor ghalit asa.
Punn Europant jiyetoleam loka modem ani tanche vagnnukent him totvam disonant. Bharotant Kristi dhorm sthapunk adar dilolea Europachea lokak novean dhormporgottnecho vavr chalu korunk Bharotantlea lokan adar diunk zai mhonn Arsebispan sanglem. Europacahea desant, misionari koxe vavurtole ani apli seva ditole Bharotantle padri ani dhormik distat mhonn tannem sanglem.
Hea adhunik kallar, katolkanchem mullavem totvginean, Europantlea lokak porot xikounchem poddtolem mhonntat. Zori Bharotant fokot don ttoke Katolk lok asat, tori punn hi 17 milhanv lokanchi loksonkhya United Kingdom-ant aslolea katolkam poros tin pavtti odik asa. Romak zaloli Ad Limina bhett, Povitr Sobhechem misionari soimbacho ugddas kortoli ek ghoddi asli mhonn Arsebispan sanglem.
|
| CATHNEWS |
|
| Tourizma vorvim Igorz sonskrutay vistarunk yevjita |
|
| VIP |
|
Ponnje: Gõychi Igorz tourizma vorvim bhonvddekaram modem sonvskrutay vistarunk yevjita; tea vorvim bhonvddekaram sonskrutayecho onnbhov gheunk pavtolim. Setembrache 27ver Vixv Poryottonna Disa, Centre for Responsible Tourism (CRT) hea kendran potrok uzvaddailam.
Amchea desant yetoleam bhonvddekarank promannikponnachem ani sorv-sadaronn poryotton mellunk ami zobabdaren vavrunk zay mhonn tea nivedonan sanglam. Tem nivedon Gõy Caritas Sonvsthechea Sonchalok Pri. Valeriano Vaz ani Somajik Niti ani Xanti Mondollachea karbhari Chitnis Pri. Maverick Fernandesan sohi kelea.
Amchi sonskrutay mhonnlear Gõychem vhoddlem moladik daiz. Tachem boreponn bhonvddekarank favo zaunk poryottonnachea sogllea mollamni mhonnlear, jevonn-khann, songit, nach, dhormik yatranche zage, kheddeantlem jivit toxench sombik dekhaveamni disti poddunk zay mhonn sanglam.
Sonskrutayanchi ixttagot zoddun bhonvddekaram deivik onnbhov ghevn tanchem jivit khoreponnim bodlonk pavtolem, oxem tea potran sanglam.
Hea vorsa vixoy vinchun kaddla: "Eka-mekachi ixttagot zoddunk sonskrutayanche sombond" Tourizma khatir polisi kortoleam mukhar ek mhotvachem avhan ubem asa mhonn tannim sanglam.
|
|
|
| Padrink 'exercise' gorjechi |
|
| UCAN |
China: Piddest jinn, padrink duent korpachem mullavem karonn, oxen U.N-antle eke zomatint sidh zalam. Haka lagun China desantlea lokache bholaykecher proxn ube zaleat. Kankrachi pidda, ani 'chronic respiratory illness' hanchea borobor 'card....
|
|
|
| Gorib cheddvanchea lognak Firgoz bhangar dita |
|
| CATHNEWS |
Kerala: Thrissur ganvant asloli Dukhest Saibinnichi Bajilika, bhangaracheo 125 vostu, veg-vegllea dhormanchea 25 gorib cheddvank logn korunk ditoli mhonn gomlam. Oslem dan dennea vorvim amchi firgoz odik vaddtoli mho....
|
|
|
| St Joseph iskol porot fatrailem, avoy bapaynk husko |
|
| VIP |
Belgaum: Setembrache 23ver, kaim tovnaxamni St Joseph iskolachea darvonttear porot fator xevttile. He ghoddnne vixim iskolachea karbhareamni xikxok songhottnnechea vangddeamni pulisent tokrar nond kelea astanaim thoimche pulis kainch ....
|
|
|
| Saibinn ghorabeak bhettunk yeta tednam... chonne vo pulav diuncho? |
|
| FEROZ F| VIP |
Ami Saibinn Mainchem devosanv korunk khuxal zatanv. Saibinn amchea ghorant yeta tednam hi umed bhailea vostuncher odik vaddleli asa. Haka lagun Igorzamni, padrink kollovnneo korunk poddtat.
Tanger pulav dita, m....
|
|
|
| Loukik misionaram sonvskarlolea jivitachi bhasavnnim kortat |
|
| CATHNEWS |
Delhi: Dil'lintle Rosary firgojent, Setembrache 25ver, tegam loukikamni sonvskarlolem jivit jiyeunk aplem somorponn kelem. Dil'lichea Arsebisp Vincent Concessao-an tancheo misionari bhasavnneo svikar keleot. Arsebispan Mis bhettoilem ....
|
|
|
| Katolk Igorz 'Gay Marriage' nakarta: Benedikt XVI |
|
| GT |
Germany: Katolk Igorz, som'lingachem logn (Gay Marriage) mandun ghena ani somazantlem hem vaitt umttun kaddunk ani firgozank luskonn kortolea xellmoddo bhavart poisavunk Pap Saiban, tornatteam lagim maglem. Aplea Jermani desant bhette....
|
|
|
| Kristanv cheddvacher muslimancho devnindhecho arop |
|
| GT |
Islamabad: Profet Mohammed-achi tust kortole kovitecher adarlolea proxnachi zap ditana eka tornattea cheddvan eka utrachea ucharpant chuk kelea mhonn muslimamni tacher devnindhecho arop ghalun taka iskolantlem bhairailem mhonn loksompork ma....
|
|
|
| Misionaram add gupit karbhari |
|
| UCAN |
 |
CHINA: Ut'tor Koreantlea bondi ghalun dovorlolea loka sangata vavr kortolo Dokxinn Koreantlo misionar okosmat rostear morun poddlo mell'lo. Hache vixim boli poddlolea niropradhi ontor'raxttrik kutt Vatikanant aslolo Marco Tosatti boro....
|
|
|
Page
1, 2, 3, 4, 5, 6, 7, 8, 9, 10, 11, 12, 13, 14, 15, 16, 17, 18, 19, 20, 21, 22, 23, 24, 25, 26, 27, 28, 29, 30, 31, 32, 33, 34, 35, 36, 37, 38, 39, 40, 41, 42, 43, 44, 45, 46, 47, 48, 49, 50, 51, 52, 53, 54, 55, 56, 57, 58, 59, 60, 61, 62, 63, 64, 65, 66, 67, 68, 69, 70, 71, 72, 73, 74, 75, 76, 77, 78, 79, 80, 81, 82, 83, 84, 85, 86, 87, 88, 89, 90, 91, 92, 93, 94, 95, 96, 97, 98, 99, 100, 101, 102, 103, 104, 105, 106, 107, 108, 109, 110, 111, 112, 113, 114, 115, 116, 117, 118, 119, 120, 121, 122, 123, 124, 125, 126, 127, 128, 129, 130, 131, 132, 133, 134, 135, 136, 137
|
|
| |
|
|
|
RSS
