Novem Voros 2009 1 sekendd uxir suru
Vellache nodrentlean Prithvecho bhonvaddo tharear poddcho mhunn 2009 voros 1 sekendd uxir suru zalem. Tea khatir 2008 vorsachea xevottachea minutint 1 sekendd vaddoilo. Atam he gozalik lagun, 'ultra-accurate' atomik ghoddialam vellache nodrentlean fattim aslim tim atam tharear poddlim.
Dor sov vo sat vorsam uprant Parisantli 'International Earth Rotation and Reference Systems Service' hi zullovnni (adjustment) ghoddun haddta. Osli zullovnni 2005 vorsa kel'li. Oxi zullovnni korpacho vavr 1972 vorsa thavn suru zalolo, tednachean atam zalea ti 24vi zullovnni. Suria bhonvtonni prithvichi bhonvddi sumar 365.2422 dis itli lamb asta, punn ami ti 365 dis itlech ghetanv. Dor 4 vorsamni ievpi ‘Leap Year’-achea vorsa Feverachea mhoineant anik ek dis vaddoun tem tharear ghaltat. ‘Internnet’-acher adarlole- ‘Network Time Protocol’ ani 'Satellite'-ancher adarloli ‘Global Positioning System’ (GPS) atomik ghoddialanchea vella pormannem aplo vevhar kortat. 2008 vorsant zo 1 sekendd vaddoila taka lagun, 1992 vorsa thavn tem aiz meren 2008 hem voros soglleam poros vhoddlem zalem. Ho 1 sekendd 2008 vorsant vaddovpacho nirnnoi 'International Consortium of Time Keepers'-an ghetlo.

Zimbabweant lok xenn khata
Zimbabwea desantlea lokachi itli vaitt poristhiti zavnk pavlea ki lok gorvanchen xenn aplea jevnnant misoll korun khatat. Hi khobor sot mandun ghevnk amkam kottin lagot, punn ‘Caritas Internationalis’ Sonvsthe vorvim gomlea. Tea desant lok churchureanchea bhesar pavla. Zimbabweacho Raxttrpoti Mugabe apli zulumxayechi podvi choloita, sorkarachea dhoronnank (policies) lagun porinnam’ durboll lokacher aila. Goroz tem jevonn lokak mellona zavn kolerachi pidda laglea. Caritas Internationalis Sonvsthechea Sorv Chittnis Lesley Anne Knight hachea riportta pormannem lok kolerache pidden rosteancher poddun morta. Lok jevnnant gorvanchem xenn misoll kortat tem Caritasachea odhikareamni aplea khas dolleamni pollelam mhonn sangtat. Hem kortub monisponnak sobona tosle durbollkayechem oxem tannim mhonnlam. Fattlea Otubrant Caritas-achea odhikareamni Zimbabwent ‘survey’ kel’li tednam 70 te 90% ghorabeancho lok upaxim jiyeta mhunn kollun ailolem. Desantlea 13 milhanv lokantlo 5.1 milhanv lok bhuken vollvollta. Sumar 14 hozar lokak kolerachi pidda laglea.

<<PorotVach