Babulea Jezuk khoim sodcho?
Jermanak, Quesgburg xarachea eka kheddea ganvant tornnatim ek Ballok Jezuk gorvancho gotto ghoddtalim, eka fantear Padri Vigar samkoch thottaklo kiteak? Tea gotteant ek jivo babulo tannem dekhlo. Konn tori avoyponnak zodd zalelea bhurgeak thoim soddlolo. Somajik vavr korpi tornna-eanim taka Jezuchea rupan gotto ani eke doyall avoichea hatant ghalun tacho poramos kelo.
Akh’khoch sonvsar eka soddvonndarak axen tellun polletalo. Kednam disot? Khuim to zolmot? Konn taka bagunk pavonk hoch vixoi lokanchea monant khelltalo. Belea xarant to zolmotolo Povitr Pustokacher oxem sanglelem. Punn khorench Ballok soddvonndar zolmolo, konnuch tache sudik na pavlo. Khori gozal mhonnxi, ravon asleleank to bhettlo. Gorvam rakhnneacho zomo Ballokak poilo bhettlo, Udentichea Rayanich taka aplo nomoskar dilo. Khorench, ho ek vichitr gutt. Abba, amchea Bapacho. Aichea jogant Natalanchea nanvan khub ghoddta. Jevop-khavop, uddop-nachop bhorpur cholta. Punn osli Ballok Jezu khoim mellot, hench monis visorta.
Eka mhan xarant ek chodd ikmoticho Ballkacho gotto (crib) ubarlolo. Thoimsor ikmotichim novlam distalim, ontrollar vimanam dhanvtalim, zonvaram roddtalim, doriachim lharam khelltalim, gitam-muzgam aikonk ietalim. Tea gotteant soglem pollevnk zatalem, ekuch disonaslem RUPNNEM BALLOK JEZUCHEM!
Christmas- Natal- Noel- orth ekuch tacho. To dis Jezuchea zolmacho. Natalanchea nimitan zor tor amkam sogott mevlem, fokot Jezu Jivo amkam chuklo. Tednam amcho ghonnghonn ani dobazo ortha bhailo zalo.
Tim Natalam polkim! Natlam nhoi Jezuk ghevpachim, punn orth naslolim. Oslim Natlam matui amkam Kristanvank kednach sobchimnant tim.

Ubaldo

Homepage